Yòwanìrzɛ̀ 18:20 - Mokpwe: Bakwery (New Testament)

²⁰ Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.

Yòwanìrzɛ̀ 18:20 ပူးပေါင်းရင်းမြစ်များ

Matiyò 24:26

Tɔ̀ e hwèlì tɛ ema hwatò hwa e òhwèlì tɛ nanù ema, ‘È ɔŋgɔ̀ tɛ̀ mɔ̀ à hwèlì ɔ̀nɛyi mòrzanjɛ̀,’ e rzi ɛndɛ aŋga. Tɔ̀ hwa e òhwèlì tɛ nanù ema ‘È ɔŋgɔ̀ tɛ, mɔ̀ ònò anu ìlùkù,’ e rzi lòkɛ̀.

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Matiyò 26:65

Aŋga ndi e Pìlìrzì ema e karzami ya a nyààhwà mààtù ma eni ò lì uŋmɛ̀lɛ̀ nanù ema a tàti rzìi a òhweyà hwatò hwa e ndawò ya hwèkàyìrzèlèlì nanù ema, “A òhwi ndi ìrzìlàkò! Mamɛ ja àrzeyà hvɛ ehvɛhvɛ mbòŋgi e? Inyɔ hwa arzɛ e hweyi na òma a òhwàna ìrzìlàkò!”

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Matiyò 9:35

O èŋgànɛ̀lɛ̀ Yerzù à mà hwɛ lì ɛndɛ ò màmbowà màndɛnɛ nà màmbòwà màrzalì mà eŋge èhvàrzù ma eŋge èkòmè. À mà hwɛ lì òkòlɛ̀ ò ndawò ja awu ja màkanɛ̀ ja wònyà Yudà, na ò lì òhwa Ŋmɛ̀ndì mò Gbamù mò Likànèyà là ama Lohwɛ̀. À mà hwɛ lì wɔ̀wìrzɛ̀ hwà-òkèlì hwa arzɛ na i nyayi ja nyàmbɛ ja arzɛ ema me ma hwɛ ò tenì ja inyɔ ja awu.

Makòrzì 8:32

Yerzù à mà hwa òhweyà hwenè hweyà tòlòlò. Pètrò à mà mò wòwa rzìi a mò ɛ̀ndɛnɛ ò tòŋgòŋgò, rzìi à mò kanja.

Lukàrzɛ̀ 21:37

O hwèŋge hwèyu, Yerzù à ma hwɛ lì òkòlɛ̀ ò Ndawò yà Lohwà. Ŋgòmbe tɛ à mà àgba ò lì yɛlɛ̀lɛ̀ ò mòòlì mò Njàhwɛ̀.

Lukàrzɛ̀ 4:15

A mà òkòlɛ̀ hwatò ò màndawò mà awu mà màkanɛ̀, hwatò hwa arzɛ hwa mà mò èka.

Yòwanìrzɛ̀ 18:21

Mamɛ ndèŋgàtɛ̀ ò nò ijòwa e? Ijòwa hwaŋga hwatò ema hwà mà hwèya hweyà ema nà mà hwa òhweyà. Ò jɔ̀kɛ̀ wɔ̀ hwa hwi mamɛ ema imba nà mà òhwe.”

Yòwanìrzɛ̀ 6:59

Yerzù à mà òhwa ndi hwenè hweyà hwe arzɛ e hvònda ema à mà hwɛ lì òkòlɛ ò tenì ya e ndawò ya màkanɛ̀ ò mbòwa ya Kàpɛ̀nàwɔ̀mì.

Yòwanìrzɛ̀ 7:14

È ndèma e ma kòmbɛnɛ lì uka ò ìtììtènì, Yerzù à mà ɛ̀ndɛ ò Ndawò yà Lohwà rzìi a wòteya lì òkòlɛ̀.

Yòwanìrzɛ̀ 7:26

Ɔ̀ŋgɔ a tɔ̀yìrzɛ na hwatò ò mòtèyi, ndi hwàmbaki hwa hwatò hwa rza mò òhwìrzɛ̀nɛ̀ tɔ̀ eyà. Ŋga hwa hwi na e jɔ̀kɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi!

Yòwanìrzɛ̀ 7:28

Nà òma Yerzù a mà hwɛ lì òkòlɛ̀ ò Ndawò yà Lohwà, rzìi a kàrzɛ lìlò la eni a òhwa nanù ema, “Ɛ̀ɛ e nò hwi jɔ̀kɛ̀-jɔ̀kɛ̀, rzi e hwi hvɛ èki ema nà uwɛ̀lɛ̀lɛ̀yi. Ndi nà rza jelì anù ò imba mbiti. È mɔ̀ ema a nò òmi à hwèlì è jɔ̀kɛ̀. È rza mò hwi,

Yòwanìrzɛ̀ 7:4

Tɔ mòtò a rzà gbeyà èwòlò ò jututa e hwèlì tɛ ema arza ema e hwiyahwe. Nà òma ò gbeyà hwene hweyà hwe arzɛ ò gbeye è rze ya arzɛ e hwiye.”

Yòwanìrzɛ̀ 8:2

O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.

Yòwanìrzɛ̀ 8:26

Nà òhvi hweyà rzayì-rzayì ò lì e òhweyà, na lì e kàyìrzɛ̀. Ndi e mɔ̀ ema à mà nò òma, a hwèlì ndi wa jɔ̀kɛ̀. Ndeŋga tɔ̀ mamɛ ema nà mà mò hweyànɛ, na òhweyà e rze.”

Hwègbèèlì 26:26

Kìŋgɛ̀ Agrìpa kòkò, na tànɛyi na ò òhwìrzɛ̀nɛ̀ na e kumba ehwànja na hwi nanù ema ò rzɔ̀ŋgitɛ̀nɛyi hwene hweyà hwe arzɛ. Nà lòkɛ̀ nanù ema ò rzɔ̀ŋgìtɛ̀nɛ̀ hweyà hwe arzɛ ema hwe ma gbèyɛ̀nɛ. Èhwànja hweyà ema hwe gbèyɛ̀nɛyi hwe rza gbèyɛ̀nɛyi ndi ò jututa.