Yòwanìrzɛ̀ 18:17 - Mokpwe: Bakwery (New Testament)

¹⁷ Oŋgò ŋmanà wà ŋgɔndɔ rzi à ijòwa Pètrò nànù ema, “Rzekɛ ò wà hvɛ ò hwèlì ndi mòòkòwèlì mɔ̀kɔ wà ama òŋgò mòtò e?” Pètrò rzi à alàhwɛ̀ nanù ema, “Jàyɛ̀, nà rza enje.”

Yòwanìrzɛ̀ 18:17 ပူးပေါင်းရင်းမြစ်များ

Matiyò 26:33

Nà òma Yerzù à mà kulɛ̀ lì òhwa nanù, Pètrò rzìi à mà alàhwɛ̀ nanù ema, “Tɔ̀ è hwɛ ndi ema hwanɛ̀yi hwa arzɛ hwa ò rzɔ̀rzì imba nà rza tànɛyi nà ò rzɔ̀rzɔ̀.”

Lukàrzɛ̀ 22:54

Rzìi hwa mà ŋgbaŋgɛ Yerzù. Hwa mà mò tìmba rzìi hwa mò ɛ̀ndɛnɛ ò ndawò yà ama è Pìlìrzì è kàrzàmi. Pètrò hvɛ à mà hwɛ lì hwa òŋgama ò mburzà, eyà yà ehvòwa màtaŋga.

Yòwanìrzɛ̀ 18:16

Ndi Pètrò à lìiya ndi ò lìyòhva là kɔ̀tɔ̀. Oŋgò mòòkòwèlì ema à mà hwiyɛnɛ nà è Pìlìrzì è kàrzamì, ama tìmba ò lìyòhva là kɔ̀tɔ̀, rzìi à òhwìrzɛ̀nɛ̀ òŋgò ŋmanà wà ŋgɔndɔ ema mɔ̀ ndi à mà hwɛ lì àŋgòhweyà lìŋgi lìyòhva là kɔ̀tɔ̀, aŋga ndi òŋgò ŋmanà wà ŋgɔ̀ndɔ̀ a à kpɛɛlɛyi Pètrò ò màŋga màanda.

Yòwanìrzɛ̀ 18:25

Rzìmɔ̀nì Pètrò ama tɛ̀mɛ̀ nanù mɛnɛ ò lì atòwɛ mùnya, hwaŋga hwatò ema hwa mà hwɛ aŋga hwa mà mò ijòwa nanù ema, “O rza enje ndi mòòkòwèlì mɔ̀kɔ wà ama òŋgò mòtò e?” Pètrò à mà rzɔ̀rzɔ̀ rzìi à òhwa nanù ema, “Jàyɛ̀, nà rza enje.”

Yòwanìrzɛ̀ 18:5

Hwà mà mò alàhwɛ̀ hwa nanù ema, “I arza ndi Yerzù wa Nàrzarɛ̀tì” rzìi mɔ̀ hvɛ a òhwa nanù ema, “Nà hwèlì ndi mɔ̀.” Jùdàrzì e mò àhwìrzèlèlì mɔ̀ hvɛ à mà hwɛ̀ aŋga na hwaŋga hwatò.

Yòwanìrzɛ̀ 18:8

Yerzù rzi a hwa òhweyà nanù ema, “Nà ma e òhweyà ema na hwèlì ndi mɔ̀. È hwèlì tɛ ema imba ndi e arza, e hwɛmɛ hwanù hwatò ema hwa hwèlì anu na imba hwa ɛ̀ndɛ.”

Yòwanìrzɛ̀ 21:15

È hvònda hwà mà kulɛ lì làa rzìi Yerzù a ijòwa Rzìmɔ̀nì Pètrò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni lì aka hwanù hwà-òkòwèlì hwa arzɛ e?” Rzìi à mò alàhwɛ̀ nanù ema, “Ɛ̀ɛ Rzàŋgò, ò wa ò hwi òma imba na ò lìŋgàni.” Yerzù rzìi a mò òhweyà nanù ema, “Aŋgòhweya iŋguma ja ami ja mɛ̀lɛ̀ŋgù.”

Hwègbèèlì 12:13

Nà òma Pètrò à mà uke aŋga, rzìi a kumba lìyòhva la kɔ̀tɔ̀, rzìi e ŋmanà mòkutu wa ŋgɔ̀ndɔ̀ ema lìinà la eni lì ma hwɛ ndi Rhòda à mà ɛndɛ ò lì ɛnɛ e mòtò ema a kumba lìŋgi lìyòhva la kɔtɔ̀.