Yòwanìrzɛ̀ 18:12 - Mokpwe: Bakwery (New Testament)

¹² Rzìi hwaŋga hwanelì hwa njùma nà è mòtimbèlì wa awu, nà hwàgbèèlì hwa hwatò hwa Yudà, hwa mà lɛmbɛ Yerzù rzìi hwa mò kanya.

Yòwanìrzɛ̀ 18:12 ပူးပေါင်းရင်းမြစ်များ

Matiyò 26:57

Hwàŋga ema hwa mà ŋgbaŋgɛ Yerzù hwa mà mò ɛ̀ndɛnɛ ò è ndawò yà ama Kàyìhvàrzì è Pìlìrzì ema è kàrzamì. Aŋga ndi Hwà-òkòlèlì hwa mbenda nà hwàmbaki hwa mbòwà hwa mà arzàŋganɛ.

Matiyò 27:2

Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Matiyò 27:27

Hwaànelì hwa njùma hwà mà Pìlatò rzìi hwa wòwa Yerzù hwa mò ɛ̀ndɛnɛ ò ewòka ya e mòkànèlì. Rzìi e ŋgindi ya arzɛ ya hwaànèlì hwa njùma e tòŋga Yerzù.

Makòrzì 14:53

Hwàŋga hwatò ema hwa mà lɛ̀mbɛ Yerzù, rzìi hwa mò ɛ̀ndɛnɛ ò è Pìlìrzì è kàrzàmi. Ipìlìrzì Ndɛnɛ, hwàmbaki, nà Hwà-òkòlèlì hwa mbenda hwa jà lì arzàŋganɛ.

Makòrzì 15:1

O ekpaarzɛ ya wùnyà, Ipìlìrzì ndɛ̀nɛ, hwàmbaki hwa Irzàyɛ̀lì, hwà-òkòlèlì hwa mbenda nà hwatò hwa ndawò yà hwèkàyìrzèlì hwe kàrzàmì hwa mà hwɛnɛ hwèlìyelì. Hwà mà kaka Yerzù, hwa mò ɛ̀ndɛnɛ, rzìi hwa mò akɛlɛlɛ Pìlatò.

Lukàrzɛ̀ 22:54

Rzìi hwa mà ŋgbaŋgɛ Yerzù. Hwa mà mò tìmba rzìi hwa mò ɛ̀ndɛnɛ ò ndawò yà ama è Pìlìrzì è kàrzàmi. Pètrò hvɛ à mà hwɛ lì hwa òŋgama ò mburzà, eyà yà ehvòwa màtaŋga.

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 21:31

Nà òma hwà mà hwɛ lì keka ò lì òŋwa Pàwolò, rzìi lòŋgò la hwatò hwa ɛndɛ lì òhweyà e mòkànèlì wa hwàanà njuma wa Ròmànì nanù ema kànjɛ-kanjɛ e hwèlì ò tenì ya Jèrurzalɛ̀mù hwa arzɛ.

Hwègbèèlì 21:37

Nà òma hwàànèlì hwa njuma hwà mà arze lì kpeyaneya Pàwolò ò tenì ya eŋge ndawò ya ŋguhwa, rzi mɔ̀ à òhwèyà e mòkànèlì wa hwàanà njuma nanù ema na hwɛni ŋmanà eyà ò lì ò òhweyà. Oŋgò mòkànèlì wa hwààna njuma rzi a mò ijòwa nanù ema, “O eŋgànɛlɛ ò tanɛyi lì òhwa e mbɔrzi ya Grìki e?

Hwègbèèlì 23:10

Mòtàŋgò mò ma òlòwa nyayi ema e mòkànèlì wa hwààna njuma à mà òka wɔ̀ŋgɔ̀ nanù ema, wɔ hwa tànɛyi lì tàawa Pàwolò. O eŋgànɛ̀lɛ̀ rzɔ, mɔ̀ à mà àka hwàanèlì wa eni hwa njuma ò lì rzihwa ò tenì ya e ŋgindi, ò lì wòwa Pàwolò ò ìtììtènì ja awu, lì ɛndɛ lì mò uta ò ndawò ya ŋguhwa.