Yòwanìrzɛ̀ 17:25 - Mokpwe: Bakwery (New Testament)

²⁵ Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Yòwanìrzɛ̀ 17:25 ပူးပေါင်းရင်းမြစ်များ

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Lukàrzɛ̀ 10:22

“Tatɛ̀ wà ami a nò ŋgbelì hweyà hwe arzɛ ò màa mà ami. Tɔ̀ mòtò à rza hwi njɛnɛ è ŋmanà à hweli lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi njɛnɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.”

Yòwanìrzɛ̀ 1:18

Tɔ̀ mòtò à rzi ɛni Lohwɛ̀ tɔ̀ wùnyà lì aka tɛ ehvòwà yà eni yà ŋmanà ema è hwèlì ò ŋmanyu yà Lohwà ò tòŋgòŋgò yà eni. Mɔ̀ ndi à jò wùlùhwèlì Tatà Lohwɛ̀.

Yòwanìrzɛ̀ 10:15

Nànù mɛnɛ ndi Tatɛ̀ wa ami a nò hwi, ndèŋgàna imba hvɛ na mò hwi. O èŋgànɛ̀lɛ̀ rzɔ na wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù me ami.

Yòwanìrzɛ̀ 15:21

Ndi hwa ò è gbèeyà hwenè hweyà hwe arzɛ ò lìnà là ami èhwanja hwa rza hwi e mɔ̀ ema a nò òmi.

Yòwanìrzɛ̀ 16:27

èhwanja, Tatɛ̀ mɔ̀ ŋmìti à è lìŋgàni. À è lìŋgàni èhwanja è nò lìŋgàni, ndèŋgàna è lòkɛ̀ nanù ema nà uwɛ̀lɛ̀lɛ̀yi ndi nà mɔ̀.

Yòwanìrzɛ̀ 16:3

Wɔ̀ wò ò gbeyà ndi hwèŋge hweyà èhwanja, wɔ̀ hwa rzi hwi Tatɛ̀ tɔ̀ imba.

Yòwanìrzɛ̀ 16:30

O naŋgɛ, irzɔ i hwi ema ò hwi hweyà hwe arzɛ, ò èŋgànɛ̀lɛ̀ ò wa ò rza lùwa tɔ̀ mòtò ema a ò ijòwa miijòwelì. Ène eyà yɔ yiti, e jò gbe irzɔ i lòkɛ̀ ema ò wa ò ma uwɛ̀lɛ̀lɛ̀yi ndi òma Lohwɛ̀.”

Yòwanìrzɛ̀ 17:11

O naŋgɛ na jà lì ò ùŋmanɛlɛ, ò ŋmanà hvònda na rza ò hwɛ hvɛ ò rze ndi wɔ̀ hwa hwèlì nanù mɛnɛ anù rze. Ìi Tatà wa Wòtani! O wa ò hwa kòmbɛ ò e ŋginyà ya lìna la aŋgɔ, lìinà ema ò ma nò ŋgbe, aŋga nanù hwa hwɛ mòtò mɔ̀kɔ na òma irzɔ na òhwa i hwèlì mòtò mɔ̀kɔ.

Yòwanìrzɛ̀ 17:18

Nà hwa òmi ò rze, na òma ò ma nò òme ò ene rze.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 6:19

Hwa mà luka eyà yà màyìlì màyawò tɔ̀ mànìi rzìi hwa ɛnɛ Yerzù à ɛ̀ndɛ ò ŋmanyu yà malìhwa rzìi a jèeyà wɔ̀ɔ̀lɔ̀ wò awu. Hwà mà lɛmbeya mòkambiya mò ŋginyà.

Yòwanìrzɛ̀ 7:29

Ndi nà mò hwi èhwànja nà uwɛ̀lɛ̀lɛ̀yi ndi ò mbe eni, mɔ̀ ndi à nò òmi.”

Yòwanìrzɛ̀ 8:19

Rzìi hwa mò ijòwa nanù ema, “One e Rzàŋgò ya aŋgɔ̀ yɔ e hwèlì e?” Yerzù rzìi a hwa timbirzɛlɛlɛ nanù ema, “È rza nò hwi imba tɔ̀ Rzàŋgò wa ami. È ma nò hwiya tɛ ò mà è hwi hvɛ Rzàŋgò wà ami.”

Yòwanìrzɛ̀ 8:55

Tɔ̀ nɛ inyɔ e rza mò hwiyɛ, imba na mò hwi na òhwi tɛ ema na rza mò hwi, ò ma na hwèlì mòlàŋgà na òma inyɔ e hwèlì. Ndi imba na mò hwi ndèŋgànɛ̀lɛ̀ na hweyàna e mbɔrzi ya eni.

Hwègbèèlì 17:23

Nà òhwa ndi nanù ehwànja ò hweyàkèlì hwe ami ò tenì ya e mbòwa ndɛnɛ ya anyu, na ɛnɛ meyòka me anyu ema e kànɛlɛlɛ mòohwà. Nà mà ɛnɛ èki yɔ̀kɔ ema e tilì nanù ema, ‘Èki ya ama Lohwɛ̀ ema lì rza hwiyahwɛ.’ Lìŋgi lohwà ema inyɔ e kànɛlɛlɛ, tɔ̀ nɛ inyɔ e rza lì hwiyɛ, lɔ ndi imba na e òhweyà naŋgɛ.

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

Ròmànì 3:11

O rza enje tɔ̀ mòtò tɔ̀ mɔ̀kɔ ema a rzɔ̀ŋgìtɛ̀nɛ̀ e jɔ̀kɛ̀ lì hvòmɛ̀nɛ̀ Lohwɛ̀, ò rza enje tɔ̀ mòtò tɔ̀ mɔ̀kɔ ema a keka ò lì hwiya Lohwɛ̀.

Ròmànì 3:26

Ndi ò ene hvònda ya nàŋgɛ, a uŋmɛ̀lɛ̀ hwatò nanù ema a gbeyà hweyà wa eni ŋgàna ema e hvòmɛ̀nɛ̀yi. Ndèŋgana à mà uŋmɛ̀lɛ̀ hwatò nanù ema a ò emeyà tɔ̀ ima mòtò ema a lòkɛ̀yì Yerzù.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

1 Kɔ̀rintìyà 15:34

È timbe o mahwiye ma anyu ma jɔ̀kɛ̀, e rzìi gbeyà wòhwe hvɛ. Lòŋgò la anyu e rza hwi Lohwɛ̀. È hwɛnì ndi lì oka ìrzɔnì na oma na ohwa ene eyà.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

Hibrù 8:11

Tɔ̀ mɔ̀kɔ wà awu à rza tanɛyi lì okolɛ̀ e mbunda ya eni ndèŋgànɛ̀lɛ̀ tɔ̀ mòtò a rza o ohweyà ŋmanyàŋgò wa eni nanù ema a hwi Lohwɛ̀, èhwanja wɔ̀ hwa arzɛ hwa o no hwiya, lì wòteya o hwarzàlì natɛ̀ɛ no o hwàmbaki.

1 Yòwanìrzɛ̀ 1:9

Ndì i purzɛlɛyi tɛ wòhwe wo arzu, mɔ̀ à ondìrzɛ̀ lì kàkɛ̀nɛ̀ la eni ndèŋgànɛ̀lɛ̀ a lì gbeyà o ŋgànà ema e hvomɛ̀nɛ̀yi. Mɔ̀ a o jo làkìrzɛ̀ wòhwe wo arzu, ndèŋgànɛ̀lɛ̀ a jo rzorza wòhwe wo arzu wo arzɛ.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 16:5

Nà mà hweyà e aŋgèlì ema e ma hwɛ o lì kànèyà malìhwa e ohwa nanù ema, “O wa o tɛmi ehve-ehve o hwene hwèkàyìrzèlì ema o gbèyi. O wa ema o hwèlì, ndeŋgànɛlɛ ema o ma hwɛ. O wa ema o hwèlì wòtani.