Yòwanìrzɛ̀ 17:22 - Mokpwe: Bakwery (New Testament)

²² Nà hwa ŋgbelì mòlemilemi mò èluhwe ema ò nò ŋgbelì aŋga nanù hwa hwɛ mòtò mɔ̀kɔ na òma irzɔ na ò wa i hwèlì mòtò mɔ̀kɔ.

Yòwanìrzɛ̀ 17:22 ပူးပေါင်းရင်းမြစ်များ

Makòrzì 6:7

À mà hwɛlɛ lìyòmɛ̀ la Hwà-òkòwèlì hwa eni nà hwàhwàkɛ̀ a hwa rzàŋgà rzìi a hwa òma hwàhwàkɛ̀, hwàhwàkɛ̀. A hwa ŋgba hvɛ wònjà ya lì hvayà hwèlìŋgɛ̀ hwe wòhwe.

Lukàrzɛ̀ 22:30

Ène e gbeyà è hwɛnì lì làa nà lì nyɔ nà ìmba èki yɔ̀kɔ ò lìkànèyà la amì. È ò lìya hvɛ ò mbòkò ja màkànèyà ò lì kàyìrzɛ̀ lìyòmɛ̀ la matumba nà mahwàkɛ ma wònyà Irzàyɛ̀lì.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 1:16

Nà òma mɔ̀ à òndi nà ndèli, ò èŋgànɛ̀lɛ̀ irzɔ hwa arzɛ ì lu mònàmɛ̀ mɔ̀kɔ, mɔ̀kɔ nà ɔ̀nɛyi.

Yòwanìrzɛ̀ 14:20

Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.

Yòwanìrzɛ̀ 17:24

Ìi Tatà ò nò ŋgbelì e wɔ̀, na arza nanù ema, hwa hwɛ na imba èki ema imba na hwèlì, aŋga nanù hwa ɛnɛ èluhwe ya ami. O ma nò ŋgbà èluhwe èhwanja ò ma nò lìŋgana ndèŋgàna e rze ye e wekahwa.

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

Ròmànì 8:30

O èŋgànɛ̀lɛ̀ rzɔ, hwatò ema Lohwɛ̀ à mà màa lì hvɔ̀rzɔ̀ mɔ̀ à hwa hwɛlɛyi ò lì hwɛ hwatò hwa eni. Ndèŋgàna e wɔ̀ ema mɔ̀ à hwɛlɛ a òhwi nanù ema hwa emeyàlɛhwɛ ò wòrzò wò eni, à mà hwa ŋgba èluhwe ya eni.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Ɛ̀hvìrzìyà 2:20

È hwèlì ndi nàa hwèèmà ema hwa gbeyàna o lì oŋgà e ndawò. I àpɔ̀rzìtòlò na hwà-òhwèlì hwa hwèlìŋgɛ̀ hwa gbèyi ndi nàa mɔ̀nɔ̀ŋgɔ̀ mo e ndawò. Yerzù Krirztò mɔ̀ ŋmìti ndi à hwèlì lìwondi la tina.

Hvìlipìyà 1:29

Lohwɛ̀ a gbeyànì ŋmèma mo eni mo gbamù nanù ema inyɔ e gbèeyà Krirztò, rzeketɛ o lì lòkɛ̀ Krirztò mɛnɛ, ndi o lì tàkirzɛhwɛ o nyòla ama Krirztò.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

1 Yòwanìrzɛ̀ 3:24

Hwàŋga hwatò ema hwa ika imbenda jà ama Lohwɛ̀, hwa lììyà ò lì ahvìyànɛ̀ nà mɔ̀, ndèŋgànɛ̀lɛ̀ mɔ̀ à lìya ò lì ahvìyànɛ̀ nà wɔ̀. Nànù ndi irzɔ ì hwiya nanù ema Lohwɛ̀ à hwèlì nà irzɔ. Ì hwi nanù ehwànja èlìŋgɛ̀ ema mɔ̀ à mà jò ŋgbɛ.

1 Yòwanìrzɛ̀ 4:17

È ndìŋgɛ ema è hwèlì ò tenì yà arzu è òndìrzɛ̀hwɛ̀yi nyayi ema mèèmà mè arzu mè eta ò wùnyà wò hwèkàyìrzèlì. È ò ondìrzɛ̀hwɛ̀ nyàyi ema mèèmà mè arzu mè eta ò tenì ò wùnyà wò hwèkàyìrzèlì, ehwànja anu rze ì hwèlì ndi mòtò nà Lohwɛ̀ nyayi hvɔ̀kɔ nà oma Krirztò hvɛ à mà hwɛ nà mɔ̀.

Hwèwulùwèlì 21:14

Èŋge ŋgawo ya eŋge mbowà ndɛɛndɛ e ma oŋgahwa ndi o ŋmanyu ya lìyome la mènɔ̀ŋgɔ̀ na mehwakɛ, mìinà mà lìyome la àpɔ̀rzìtòlò na mahwakɛ me ama e Ŋgumà ya Mɔ̀lɛ̀ŋgù me mà tìlahwa o ŋmanyu ya mene mènɔ̀ŋgɔ.