Yòwanìrzɛ̀ 17:18 - Mokpwe: Bakwery (New Testament)

¹⁸ Nà hwa òmi ò rze, na òma ò ma nò òme ò ene rze.

Yòwanìrzɛ̀ 17:18 ပူးပေါင်းရင်းမြစ်များ

Matiyò 10:5

Yerzù à mà òma lìyòme la hwatò na hwahwakɛ. Rzìi à hwa òhweyà nanù ema, “È rzi ɛ̀ndɛ ò mambòwà ema mà rza enje mambòwà mà wònyà Yudà. Ndèŋgànà e rzi ɛndɛ ò tɔ̀ mbòwa ema e hwèlì ò èkòmè ya Rzàmàrìyà.

Matiyò 23:34

Ene ŋgàna e gbèyi na e òmeya hwà-òhwèlì hwa hwèlìŋgɛ̀, na hwatò hwa mahwiye, nà Hwà-òkòlèlì. Lòŋgò la hwanù hwatò, inyɔ e hwa òŋwa, hwanɛyi hvɛ e hwa wòmeya ò mbarza. Lòŋgò hvɛ e hwa gbiyɛ hvònji ò tenì ja mandawò ma anyu ma màkanɛ̀, na hwahvɛhvɛ, e hwa hvaya ò lì anjiya ò mambòwà na mambòwà.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Yòwanìrzɛ̀ 17:25

Ìi Tatà ò tɛmi ehve-ehve. È rze e rza ò hwi ndi imba na ò hwi, rzìi hwanù hwa hwi nanù ema ò wa ndi ò nò òmi.

Yòwanìrzɛ̀ 17:3

Lòŋgɛ la gbìndèyà lì hwèlì ndi nanù ema wɔ̀ hwa ò hwiye, ò wa ema ò hwèlì Lòohwà la jɔ̀kɛ̀ na ò lì hwiya Yerzù Krirztò ema ò wa ò òmi.

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 20:21

Yerzù rzìi a òhwa hvɛ nanù ema, “Ɛ̀yɔ̀lɛ̀ e hwɛ na inyɔ, Tatɛ̀ a nò òmi, ò èŋgànɛ̀lɛ̀ imba hvɛ na e òmi.”

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 4:38

Nà ma ò òma ò lì ɛ̀ndɛ lì rzàŋga e mbòtà ema ò rzi òne. Hwahvɛhvɛ hwatò hwa gbeyà èwòlò, ndi ò wa rzɔ ò hwèlì lì lùwa mònàmɛ̀ mò èwòlò ya awu.”

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.