Yòwanìrzɛ̀ 17:15 - Mokpwe: Bakwery (New Testament)

¹⁵ Nà rza o òhwèlì nanù ema ò hwa ulɛ ò rze, ndi na òhwi ndi nanù ema ò hwa kòmbɛ ò lì arza nanù ema e Mòtò wa Wòhwe a rzi ja lì hwa gbeyà wòhwe.

Yòwanìrzɛ̀ 17:15 ပူးပေါင်းရင်းမြစ်များ

Matiyò 5:37

È òhwi tɛ nanù ema e gbèya eyà, e òhwe ndi ema, ‘Ɛ̀ɛ, na e gbèya.’ Tɔ e ò hwɛ ndi nanù ema, ‘Jàyɛ̀, na rza e gbèya.’ Tɔ̀ mamɛ ema e òhwi lì aka nanù, e uhwɛ̀lɛ̀lɛyi ndi na Mòkarzɛ̀.”

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Lukàrzɛ̀ 11:4

O jò làkìrzɛ̀ wòhwe wò arzu, nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe, O rzì emeyà nanù ema, ì kpèeyà ò màkèkìrzɛ̀nɛ̀.’”

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Gàletìyà 1:4

Ò lì arza nanù ema i rzolowahwa ò lì gbeyà wòhwe ò ene rze yà yawono, Yerzù Krirztò à mà aŋgbɛ mɔ̀ ŋmìti ò lì jò ŋwèeyà ò wòhwe wò arzu. À mà gbeyà ndi nanù èhwanja nanù ndi Lohwɛ̀ è Tatɛ̀ yà arzu è mà tɛ̀yirzɛ.

2 Tɛ̀rzàlonìyà 3:3

Ndi Rzàŋgo à gbèeyà ndi na oma mɔ̀ à ohwi nanù ema a gbeyà, à ò yè ètìrzɛ̀, na lì e iŋga aŋga nanù Mòkarzɛ̀ a rza e gbeyà tɔ̀ wòhwe.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

1 Yòwanìrzɛ̀ 5:18

Ì hwi nanù ema tɔ̀ ima mòtò ema à mà jɛ̀ɛ̀ è ŋmanà wà ama Lohwɛ̀ à rza tànɛ lì eleyà ò wòhwe. Oŋgo ema à mà jɛ̀ɛ̀ è ŋmanà wà ama Lohwɛ̀, Yerzù à mò kombɛ̀ komba-komba aŋga nanù è Mɔ̀ wà Wòhwe à rza mò gbeyà tɔ̀ eyà yà wòhwe.

1 Yòwanìrzɛ̀ 5:19

Ì hwi nanù ema irzɔ ì hwèlì ndi hwàanà hwa ama Lohwɛ̀, tɔ̀ nɛ ì hwi nanù ema è Mɔ̀ wà Wòhwe ndi à kànèyà hwatò ò rze ema hwa rza hwiyɛ Lohwɛ̀.