Yòwanìrzɛ̀ 16:33 - Mokpwe: Bakwery (New Testament)

³³ Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Yòwanìrzɛ̀ 16:33 ပူးပေါင်းရင်းမြစ်များ

Matiyò 9:2

Nà òmà à mà uke ò mbòwà ya eni, lòŋgò la hwatò hwa ma mò jàneyà mòtò mɔ̀kɔ ò lìkɔ̀kɔ̀ ema à mà ɔ̀kìrzɛ̀ e nyàmbɛ ya njɛmbu. Nà òma Yerzù à mà ɛnɛ lìlòkɛ̀ la awu, rzìi à òhweyà òŋgò mòòkèlì nanù ema, “È ŋmanà wa munyanà wa ami kòkò, ò rza òka wɔ̀ŋgɔ̀, na mà ò làkìrzɛ̀ wòhwe wò aŋgɔ̀.”

Lukàrzɛ̀ 19:38

rzìi hwa wòteyà ò lì òhwa nanù ema, “Mònàmɛ̀ mò hwèlì nà è kiŋgɛ̀ ema è jelì ò lìna là ama è Rzàŋgò! Ɛ̀yɔ̀lɛ̀ è hwɛ ò ŋmanyu yà lohwà, Èluhwe hvɛ nà Lohwɛ̀ ema à kàrzamì!”

Lukàrzɛ̀ 2:14

“Èluhwe e hwɛ nà Lohwɛ̀ lì Karzamì, ndèŋgàna ɛ̀yɔ̀lɛ̀ hvɛ e hwɛ nà hwatò ema mɔ̀ à ŋgbelì mòrzìmà ò rze!”

Yòwanìrzɛ̀ 12:31

O nàŋgɛ nanù e hvònda ene ema Lohwɛ̀ a kàyìrzɛ ene rze. Nàŋgɛ nanù e mòkànèlì wà ene rze a hweni lì kàyìrzɛ̀hwɛ.

Yòwanìrzɛ̀ 14:1

Yerzù rzìi a òhweyà Hwà-òkòwèlì hwa eni nanù ema, “È rzi keka lì tàkirzɛ mèèmà me anyu. È lòkɛ̀ Lohwɛ̀, e nò lòkɛ̀ imba hvɛ.

Yòwanìrzɛ̀ 14:27

Nà e lìyani ɛ̀yɔ̀lɛ̀, ɛ̀yɔ̀lɛ̀ ya ami ndi na e ŋgbelì. Nà rza e ŋgbelì na òma e rze ye e ŋgbà. È rzi keka lì tàkirzɛ mèèmà, ndèŋgàna e rzìi òka wɔ̀ŋgɔ̀.

Yòwanìrzɛ̀ 16:11

Ndèŋgànɛ̀lɛ̀ hwa tòni hvɛ o lì o hwàanà hwèkàyìrzèlèlì, hwe ama Lohwɛ̀ èhwanja mɔ̀ à mà màa lì kàyìrzɛ̀ e mòkànèlì wà ene rze.”

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 27:22

Ndi ò naŋgɛ na e rzòrzòmelì e kake mèèmà. Èhwànja tɔ̀ mɔ̀kɔ wa anyu a rza ò wɔ̀lɛnɛ lòŋgɛ la eni anu, ndi melì me ŋmànja mɛnɛ ndi me ò hvàŋgahwɛ̀.

Hwègbèèlì 27:25

O eŋgànɛlɛ rzɔ, ìi wònyàmòwe e kake mèèmà. Èhwanja imba na lòkɛ̀yì Lohwɛ̀ nanù ema hweyà hwe arzɛ hwe ò gbèyɛ̀nɛ ndi na òma e aŋgèlì e nò òhweyàyi.

Hwègbèèlì 9:31

O èŋgànɛ̀lɛ̀ rzɔ, ò eŋge hvònda ya arzɛ hwatò ema hwà mà lòkɛ̀ Yerzù ò hwèrzòòkà hwe arzɛ hwe Yùdeyà, Galìlì na Rzàmàrìyà hwe ma luwa ɛ̀yɔ̀lɛ̀. Ndeŋgànɛ̀lɛ̀ hwà mà òhva wɔ̀ɔŋgɔ̀ wò ama Lohwɛ̀ na wɔ̀, ndèŋgànɛ̀lɛ̀ Èlìŋgɛ̀ yà Wòtani e ma gbeyà hwà mà imbama.

2 Kɔ̀rintìyà 1:3

Inyɛ̀ ì ŋgbe Lohwɛ̀ jèka, è Tatɛ̀ yà ama Rzàŋgo yà arzu Yerzù Krirztò. Mɔ̀ ndi à hwèlì Tatɛ̀ wà ììlì ja arzɛ nà Lòohwà ema lì ètirzɛ mèèmà mè hwatò hwa arzɛ.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

2 Kɔ̀rintìyà 2:14

Ndi na ekì Lohwɛ̀ ema a jò gbeyà ema jo ohwe ŋmɛ̀ndì mò eni. Nà oma i hwèlì mòndeŋgè na Krirztò, à mà jo gbeyà ima timba ndi nà hwatò ema Lohwɛ̀ à mà imanɛlɛ na lì timba o lì ɛnɛ jo ohwa ŋmɛ̀ndì mò gbamu ò hweki hwe arzɛ. Lohwɛ̀ à hwèlì lì gbeyà hwatò ò lì hwiya Yerzù Krirztò èhwanja ò ŋmɛ̀ndì mò eni ema i hwèlì lì ohwa. Moŋgo ŋmɛ̀ndì mò àyinɛ̀lɛ̀ o ìtììtènì ja hwatò, nàa erzunju ya gbamù ya hvɛ̀ɛ̀hvɛ̀.

2 Kɔ̀rintìyà 4:7

Ndi ŋmɛ̀ndì ema Lohwɛ̀ a jo ŋgbelì o lì ohwa, mo hwèlì ndi eyà ema e ohvi wòlìto rzayi-rzayi. Irzɔ i hwèlì ndi nàa lìhwànya ema eŋge yoma e hwèlì o tenì. Ène eyà e ma gbèyɛ̀nɛ ndi nanù, aŋga nanù hwatò hwa hwiya nanù ema e ŋginyà ndɛnɛ e uwɛ̀lɛ̀lɛ̀yi ndi na Lohwɛ̀, rzeketɛ na irzɔ.

2 Kɔ̀rintìyà 6:4

Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.

2 Kɔ̀rintìyà 7:4

Nà e hwɛnelì kumbà. Nà e kùmbelì e kòkò. È no ètìrzɛ̀ ŋmèma mo ami nyayi ema e no òkirzɛ mɔ̀nyɛ̀ŋgì rzayi-rzayi, tɔ̀ nɛ irzɔ i taka rzayi-rzayi.

Gàletìyà 1:4

Ò lì arza nanù ema i rzolowahwa ò lì gbeyà wòhwe ò ene rze yà yawono, Yerzù Krirztò à mà aŋgbɛ mɔ̀ ŋmìti ò lì jò ŋwèeyà ò wòhwe wò arzu. À mà gbeyà ndi nanù èhwanja nanù ndi Lohwɛ̀ è Tatɛ̀ yà arzu è mà tɛ̀yirzɛ.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.

Hvìlipìyà 4:7

È gbèyi tɛ nanù, Lohwɛ̀ a gbeyà e hwɛnɛ ɛ̀yɔ̀lɛ̀. Ène ɛ̀yɔ̀lɛ̀ e olo lì aka mamɛ hwatò hwa tanɛyi lì rzɔ̀ŋgìtɛ̀nɛ̀. Ène ɛ̀yɔ̀lɛ̀ ye e oŋgòhwànà aŋga nanù e rza oka wɔ̀ŋgɔ̀ na lì ohva màlùtèyà ema mà e tàkirzɛ, ehwànja e hwèlì ndi mòtò mɔ̀kɔ na Yerzù Krirztò.

Kòlòrzìyà 1:20

Lohwɛ̀ à mà gbeyà ndi nanù, aŋga nanù hwèèmà hwe arzɛ hwe ò mò jèeyà ò rze yà eni ò lì akeyà nà Krirztò. Hwene hwèmà hwe hwèlì ndi è hweyɔ hwe anu rze yà mɔ̀nyɛ̀ nà è hwè ŋmanyu yà lohwà, ehwànja è ŋmanà wà eni à mà kòma màyija mà eni ò mbàrza. Ò nàŋgɛ nanù hwèèmà hwe arzɛ hwe tànɛyi lì hwɛ ò ɛ̀yɔ̀lɛ̀ nà Lohwɛ̀.

1 Tɛ̀rzàlonìyà 3:4

Ò jɔ̀kɛ̀ e hvonda ema i ma hwɛ na inyɔ, i ma e ohweyà o worzo wo hvonda nanù ema o jɔ̀kɛ̀-jɔ̀kɛ̀ hwa o jo tàkìrzɛ̀. Ndeŋgànɛ̀lɛ̀ inyɔ e ma ɛnɛ kɔ̀yi-kɔ̀yi nanù ema eyà ene ema e ma e gbeeyɛnɛ.

1 Tɛ̀rzàlonìyà 3:7

O eŋgànɛ̀lɛ rzɔ, ìi wònyàmòwe kòkò, o ìtììtènì ya indùtù na mètàkà me arzu me arzɛ mèèmà me arzu me ma ètìrzɛ̀hwɛ o nyòla inyɔ. Lìlòkɛ̀ la anyu ndi lì jo ètìrzɛ̀ mèèmà me arzu.

2 Tɛ̀rzàlonìyà 3:16

Inyɛ̀ Rzàŋgo Yerzù mɔ̀ ŋmìti ema a jo ŋgbàà ɛ̀yɔ̀lɛ̀, a e ŋgbe ɛ̀yɔ̀lɛ̀ o ihvonda ja arzɛ na o injiya ja arzɛ. Ndèŋgànɛlɛ irzɔ i kànɛ nanù ema inyɛ mɔ̀ à hwɛ na inyɔ hwa arzɛ.

2 Tìmotì 3:12

Ndi o jɔ̀kɛ̀, tɔ̀ ima mòtò ema a arza o lì lìya lòŋgɛ la ehve-ehve, na oma mɔ̀ à hwèlì na Yerzù Krirztò a hwɛni lì tàkìrzɛ̀hwɛ o màà mà hwatò.

Hibrù 11:25

Mɔ̀ Morzè à mà emeyà o lì taka na hwatò hwa Irzàyɛ̀lì, lì aka o lì oka mɔ̀nyɛ̀ŋgì o tenì ya wòhwe o ŋmanà hvoka hvonda.

Hibrù 7:2

Abràhamù à mà mo ŋgbà lòŋgo lɔ̀kɔ la lìyomɛ la mamɛ ya arzɛ ema à mà uhwane o njùma. Jànda ja worzò ja lìna la Mɛlkirzɛdɛki o mbɔrzi ya Hibrù lì hwèlì ndi nanù ema, “È kiŋgɛ̀ ema e ma tɛ̀mɛ̀ ehve-ehve.” Jànda ema jo ùkirzɛ̀ ihwàkɛ i hwèlì ndi nanù ema, “È kiŋgɛ̀ ya Rzàlɛ̀mu.” Èma e hwèlì ndi, “È kiŋgɛ̀ ya ɛ̀yɔ̀lɛ̀.”

1 Pètrò 5:9

È rzi emeyà nanù ema a e nìnè. Inyɛ̀ lì lòkɛ̀ la anyu lì imbame, ehwànja inyɔ e hwi nanù ema wònyànyàŋgo hwa anyu na indomɛ ja anyu hwa ama Krirztò o e rze ya arzɛ, wɔ hvɛ hwa hwèlì hwa takà na oma inyɔ hvɛ e hwèlì e takà.

1 Yòwanìrzɛ̀ 2:13

Inyɔ ema è hwèlì nàa ì tatɛ̀ ja ami, na e tìleya ehwànja e mo hwi e mɔ̀ ema a hwèlì natɛ̀ɛ na o hwewotelì. Hwèrzɔ̀mbɛ̀ hwe hwatò, na e tìleya ehwànja e akayi e Mɔ̀ ema a hwèlì Wòhwe.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.

1 Yòwanìrzɛ̀ 5:4

Èhwanja tɔ̀ njɛnɛ ema à hwèlì è ŋmanà wà ama Lohwɛ̀ à mà màa lì rzuwànà è rze. Lìtiŋga ema mɔ̀ à mà màà lì rzuwànà è rze lì hwèlì ndi nanù ema, irzɔ ì lòkɛ̀ nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi nà Lohwɛ̀.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 3:21

Hwàto ema hwa lìya lì aka hweyà hwe wòhwe, nà ò hwa ŋgba è wònja ò lì lìya nà imba ò konda yà ami yà lìkànèyà, ŋgànà hvɔ̀kɔ nà oma imba hvɛ nà lìya ò ŋmanyu yà hwàkɔ̀yèlì wà ami rzìi nà lìya nà Tatɛ̀ wà ami ò è konda yà eni yà lìkànèyà.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.