Yòwanìrzɛ̀ 16:28 - Mokpwe: Bakwery (New Testament)

²⁸ Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 16:28 ပူးပေါင်းရင်းမြစ်များ

Lukàrzɛ̀ 24:51

Nà òmà a mà hwɛ lì hwa nàmìrzɛ̀, rzìi hwa lìiya aŋga, à kòhwà ò ŋmanyu yà Lohwà.

Lukàrzɛ̀ 9:51

Nàŋgɛ è hvònda ema Yerzù a mà hwɛnɛ lì ɛ̀ndɛ ò ŋmanyu yà lohwà è mà kòmbɛ̀nɛ̀. O èŋgànɛ̀lɛ̀ rzɔ à mà kàkɛ̀nɛ̀ nanù ema à hwɛnì lì ɛ̀ndɛ ò Jèrurzalɛ̀mù.

Yòwanìrzɛ̀ 13:1

O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 14:28

È ma hwèya na òma na òhwa nanù ema, ‘Nà e lìyà ndi na e timbeya hvɛ.’ È ma nò lìŋgana tɛ, òma e òki mɔ̀nyɛ̀ŋgì ema, imba na ɛ̀ndɛ ò ma Tatɛ̀, èhwanja Tatɛ̀ ndi à Olò lì nò aka.

Yòwanìrzɛ̀ 16:10

Hwa tòni lì hvòmɛ̀nɛ̀ hweyà ema hwe hwèlì jɔ̀kɛ̀, èhwanja imba na ɛ̀ndɛ òma Tatɛ̀, ndèŋgàna inyɔ e rza ò nò ɛnɛ hvɛ.

Yòwanìrzɛ̀ 16:16

“Yerzù rzìi a hwata hvɛ lì òhwa nanù ema, ‘O ŋmanà hvònda e rza ò nò ɛnɛ hvɛ, rzi ò mburzà ŋmanà hvònda hvɛ e ò nò ɛnɛ.’”

Yòwanìrzɛ̀ 16:30

O naŋgɛ, irzɔ i hwi ema ò hwi hweyà hwe arzɛ, ò èŋgànɛ̀lɛ̀ ò wa ò rza lùwa tɔ̀ mòtò ema a ò ijòwa miijòwelì. Ène eyà yɔ yiti, e jò gbe irzɔ i lòkɛ̀ ema ò wa ò ma uwɛ̀lɛ̀lɛ̀yi ndi òma Lohwɛ̀.”

Yòwanìrzɛ̀ 16:5

O nàŋgɛ imba na ɛ̀ndɛ òma e mɔ̀ ema à mà nò òma. Ndi tɔ̀ mɔ̀kɔ wa anyu a rzi nò ijòwi ema, ‘One ò ɛ̀ndɛ e?’

Yòwanìrzɛ̀ 17:11

O naŋgɛ na jà lì ò ùŋmanɛlɛ, ò ŋmanà hvònda na rza ò hwɛ hvɛ ò rze ndi wɔ̀ hwa hwèlì nanù mɛnɛ anù rze. Ìi Tatà wa Wòtani! O wa ò hwa kòmbɛ ò e ŋginyà ya lìna la aŋgɔ, lìinà ema ò ma nò ŋgbe, aŋga nanù hwa hwɛ mòtò mɔ̀kɔ na òma irzɔ na òhwa i hwèlì mòtò mɔ̀kɔ.

Yòwanìrzɛ̀ 17:13

O naŋgɛ na e jèeyà. Nà òhwa ndi hwenè hweyà na òma e hwèlì nanù mɛnɛ ò rze aŋga nanù mɔ̀nyɛ̀ŋgì mò awù mo òndìrzɛ̀hwɛ̀yi, mòlemilemi na òma e mò ami mò òndirzɛhwɛyi.

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 8:14

Yerzù rzìi a hwa alàhwɛ̀ nanù ema, “Tɔ̀ na òma na atɛ̀mɛ̀lɛyi e mbòŋgi, hwe òhwèlì hwe ami hwe hwèlì ndì e jɔ̀kɛ̀, èhwanja na hwi èki ema na uwɛ̀lɛ̀lɛ̀yi, na èki hvɛ ema na ɛ̀ndɛ. Ndi inyɔ e rza hwi èki ema na uwɛ̀lɛ̀lɛ̀yi tɔ̀ èki ema na ɛ̀ndɛ.

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.