Yòwanìrzɛ̀ 16:24 - Mokpwe: Bakwery (New Testament)

²⁴ Nàtɛ̀ɛ nà nàŋgɛ è rzi mò ijòwi tɔ̀ yomà ò lìnà là ami. E ijòwa Lohwɛ̀, à ò ŋgbà, òma mɔ̀nyɛ̀ŋgì mò anyu mò mà ònda.

Yòwanìrzɛ̀ 16:24 ပူးပေါင်းရင်းမြစ်များ

Matiyò 6:9

O èŋgànɛ̀lɛ̀ rzɔ nanù ndi inyɔ è hwɛnì lì kanɛ̀, Lohwɛ̀, Tatɛ̀ wà arzu ema ò hwèlì ò ŋmanyu, èluhwe è hwɛ nà lìinà là aŋgɔ̀.

Yòwanìrzɛ̀ 14:1

Yerzù rzìi a òhweyà Hwà-òkòwèlì hwa eni nanù ema, “È rzi keka lì tàkirzɛ mèèmà me anyu. È lòkɛ̀ Lohwɛ̀, e nò lòkɛ̀ imba hvɛ.

Yòwanìrzɛ̀ 14:14

È ijòwi tɛ tɔ̀ ima lìtumba la eyà ò lìna là ami, imba na e ò gbeyà e yɔ.”

Yòwanìrzɛ̀ 15:11

Nà e òhweyà ndi hwene hweyà hwe arzɛ aŋga nanù inyɔ hvɛ e òka e nyayi ya mɔ̀nyɛ̀ŋgì ema imba hvɛ na òka. Ndèŋgànɛ̀lɛ̀ mɔ̀nyɛ̀ŋgì mò anyu mò ònda.

Yòwanìrzɛ̀ 16:23

Ò wòŋgò wùnyà è rza ò nò ijòwa hvɛ tɔ̀ eyà. Nà è òhweyà ndi è jɔ̀kɛ̀ ema Tatɛ̀ à è ŋgbà ndi tɔ̀ mamɛ ema è ijò ò lìnà là ami.

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

2 Tɛ̀rzàlonìyà 1:2

Inyɛ̀ Lohwɛ̀ Tatɛ̀ wà arzu nà Rzàŋgo Yerzù Krirztò hwa è ŋgbe è ndèli nà ɛ̀yɔ̀lɛ̀.

2 Yòwanìrzɛ̀ 1:12

Ò hwèlì hweyà rzayì-rzayì ema nà mà hwɛnɛ lì è ohweyà, ndi nà rza arze lì hwe tìla ò tenì yà ene kààti. Ndi nà àhvitɛ̀ nanù ema nà ò èhvɛhvɛ, aŋga nanù jò ò à ɛ̀nɛ̀nɛ̀ ò worzo nà worzo, aŋga nanù mɔ̀nyɛ̀ŋgì mò arzu mò ònda.