Yòwanìrzɛ̀ 16:20 - Mokpwe: Bakwery (New Testament)

²⁰ Nà e òhweyà ndi e jɔ̀kɛ̀, e ò èya na lì ɛhwɛ ndi e rze e hwɛ ò mɔ̀nyɛ̀ŋgì. È ò hwɛ ndi rzɔ̀lùu, ndi e rzɔ̀lùu e anyu e ò tìmba ndi mɔ̀nyɛ̀ŋgì.

Yòwanìrzɛ̀ 16:20 ပူးပေါင်းရင်းမြစ်များ

Matiyò 21:38

Ndi na òma hwaŋga hwàgbèèlì hwa eŋge hvaya, hwà mà ɛnɛ eŋge mberza ya ama òŋgò mò hwɛnɛ wa hvaya ndi à jà, hwa òhwanɛ̀lɛ mɔ̀kɔ nà ɔ̀nɛyi nanù ema, ‘Onò ndi à rzaŋgòwa rzaŋgɛ. È je anù i mò òŋwe aŋga nanù ò ma i ma kùwàna ene erzaŋgò ya arzɛ.’

Matiyò 5:4

Mònàmɛ̀ nà hwatò ema hwa ɛhwɛ, èhwanja Lohwà à ò gbèya hwa òhva mɔ̀nyɛ̀ŋgì hvɛ.

Makòrzì 14:72

Lìwòkìmɛnɛ è mòmɛ̀ wà wuhwa à tòŋga è ŋgèlì ema è mà ùkirzɛ̀ ihwàkɛ. Rzìi Pètrò à ɔ̀ŋgɛ̀lɛ̀ è mbɔrzi Yerzù à mà mò òhweyà nanù ema, “Ndèŋgana è mòme wà wuhwa à è tòŋga ŋgèlì ihwàkɛ, o ò nò rzɔ̀rzɔ̀ ŋgèlì iyàwò.” Rzìi Pètrò à wùmɛ̀nɛ̀ lùwa à wòteya lì eyaa.

Makòrzì 16:10

Ònò mòlanà a mà ɛ̀ndɛ lì òhweyà hwaŋga hwatò ema hwà mà hwɛ lì hwɛ nà Yerzù ì hvònda ja arzɛ. A ma hwa ùŋmanɛlɛ hwa mò ɛhwɛ nà lì ahvahvɛ ò e kpelì ya eni. O mburzà yà hwenè hweyà Yerzù mɔ̀ ŋmìti à ma òma hwatò ò rze ya arze ò lì òhwa Ŋmɛ̀ndì mò Gbamù. Mòŋgò Ŋmɛ̀ndì mò Gbamù mò Wòtani ema mò rza ayèŋgòwɛ̀, mòŋgò Ŋmɛ̀ndì mò Gbamù mò hwèlì ndi lì hvòmɛ̀nɛ̀ lòŋgɛ la gbìndèyà.]

Lukàrzɛ̀ 22:45

Nà òmà à mà kulɛ lì kànɛ̀, à mà tɛ̀mɛ̀ rzìi à tìmba ò lì ùŋma hwà-òkòwèlì hwa eni. À mà hwa ùŋma ndi ò ìjɔ, èhwanja, è ndùtù è mà hwa rzɔkɔ ò mèèmà.

Lukàrzɛ̀ 22:62

Pètrò à mà ànjiya èŋge èwòkà rzìi a wumɛnɛ lùwa la ije-ije.

Lukàrzɛ̀ 23:27

Ŋgindi ndɛnɛ̀ è mà òŋgama Yerzù. O èŋge ŋgìndì ema e ma òŋgama Yerzù, ò mà hwɛ hwalanà ema hwà mà hwɛ lì eyaa nà lì ɛhwɛ Yerzù.

Lukàrzɛ̀ 24:17

Yerzù rzìi a hwa ijòwa nanù ema, “Ì ma nyàyi yà mèndèŋgà menè e tuhwa nanù ò njiya e?” Hwa mà tɛ̀mɛ̀ tòlòlòlò rzìi hwa nyùkɛ marzò.

Lukàrzɛ̀ 24:21

Ì mà àhvìtɛ̀ nanù ema, mɔ̀ ndì à ò òŋgìrzɛ̀ wònya Irzàyɛ̀lì. Lì aka hvɛ tɔ̀ nanù, yàwònò ndi ò gbèyi mèenyà meyàwò ema enè eyà è mà gbèyɛ̀nɛ.

Lukàrzɛ̀ 6:21

Mònàmɛ̀ nà inyɔ ema è hweyà njàwò nàŋgɛ èhwanja Lohwɛ̀ à è ujìrzɛ̀. Mònàmɛ̀ nà inyɔ ema è hwèlì ò lùwa nàŋgɛ èhwanja è hwɛnì lì yɔ̀ɔ.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Yòwanìrzɛ̀ 16:6

È òndi na ndùtù èhwanja na e òhwèlì hwenè hweyà.

Yòwanìrzɛ̀ 20:20

Nà òma à mà kulɛ lì òhwa nanù, rzìi a hwa uŋmɛ̀lɛ̀ màà mà eni na èhvàrzù ya eni ya luuŋga. Hwà-òkòwèlì hwa eni hwà mà lìŋga na òma hwa mò ɛnɛ.

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

Ròmànì 5:11

Ndi rzeke hvɛ tɔ̀ nanù mɛnɛ, ndi jò òki mɔ̀nyɛ̀ŋgì èhwanja Lohwɛ̀ à mà jò gbèeyà ema i hwɛ hwatò hwa eni, ò lì akeyà nà e Rzàŋgò ya arzu Yerzù Krirztò, mɔ̀ ema a jò gbèyi ò lì ukɛnɛ màrzèèlì na Lohwɛ̀.

2 Kɔ̀rintìyà 6:10

I hwèlì o tenì ya ndùtù ndi o i hvonda ja arzɛ i hwèlì o mɔ̀nyɛ̀ŋgì. Tɔ̀ nɛ i rza ohvɛ hwema rzayi-rzayi ndi èwòlò ema i gbeyà e gbeyà hwatò rzayi-rzayi o lì lòkɛ̀ Lohwɛ̀. O èŋgànɛ̀lɛ̀ rzɔ eŋge e hwa gbèyi ema wɔ̀ hwa ohvi hwema rzayi-rzayi. Tɔ̀ nɛ i rza ohvɛ tɔ̀ yoma, mònàmɛ̀ mò ama Lohwɛ̀ mo hwèlì ndi e mo arzu.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

1 Tɛ̀rzàlonìyà 1:6

Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

Jèmìrzì 1:2

Ìi wònyàmòwe kòkò, tɔ̀ ima hvonda ema tɔ̀ ima lìtumba la màkekirzɛnɛ ma e uŋmànɛlɛ ye e wowe inyɔ hwiti nàa e lɔ̀wu ya nyo.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

Hwèwulùwèlì 11:10

Hwatò ema hwa hwèlì ò rze yà mɔ̀nyɛ̀ hwa ò lìŋgeyà è kpelì yà hwanu hwatò hwààhwàkɛ. Hwa ò wòŋgìrzɛ̀nɛ̀ ndèma, ndèŋgànɛ̀lɛ̀ hwa ò aŋgbàànɛ màhwèyà mɔ̀kɔ nà ɔnɛyi ò lì uŋmɛ̀lɛ̀ màlìŋgo. Hwa ò gbèeyà nanù ehwànja, hwanu hwà-òhwèlì hwa hwèlìŋgɛ̀ hwahwàkɛ hwa mà tàkirzɛ̀ hwatò è hvonda ema hwa mà hwɛ ò è rze yà mɔ̀nyɛ̀.

Hwèwulùwèlì 18:7

È mo ŋgbe rzayi-rzayi ja mètàkà na ndùtù ŋgelì ihwakɛ nàa èluhwe na lìwɔ̀wìrzɛ̀ la nyo ema à mà aŋgbɛ mɔ̀ ŋmìti. Mɔ̀ a ohwa o tenì ya ŋmèma mo eni nanù ema, ‘Nà lìyayi ndi nàa gbàta, na rza enje mòkurze mo molanà, ndèŋgànɛ̀lɛ̀ na rza o ɛhwɛ hvɛ tɔ̀ wùnyà.’