Yòwanìrzɛ̀ 16:19 - Mokpwe: Bakwery (New Testament)

¹⁹ Yerzù à mà àyɛ̀mbɛ̀ ema hwà mà arza ò lì mò ijòwa eyà, ò èŋgànɛ̀lɛ̀ à mà hwa òhweyà nanù ema, “Èya ema na òhwi nanù ema, ‘O ŋmanà hvònda e rza ò nò ɛnɛ hvɛ, ndèŋgànɛ̀lɛ̀, ò mburzà ya ŋmanà ya hvònda hvɛ e ò nò ɛnɛ,’ eyà eŋge ema e hwèlì lì àyijòwànɛ̀ mɔ̀kɔ na ɔ̀nɛyi e?”

Yòwanìrzɛ̀ 16:19 ပူးပေါင်းရင်းမြစ်များ

Matiyò 6:8

È rzìi hwɛ nà òma wɔ̀ hwa hwèlì, èhwanja Lohwɛ̀, Tatɛ̀ wà anyu à hwi mamɛ yà arzɛ ema inyɔ yà arza ndèŋgànà è mò ijòwa ò màkanɛ̀.

Matiyò 9:4

Yerzù à mà hwiya mɔ̀ŋgɛ̀lɛ̀ ma awu rzìi à hwa òhweyà nanù ema, “Mamɛ ndeŋgatɛ è wòmba manù màlùtèyà ma wòhwe ò mèèmà me anyu e?

Makòrzì 9:32

Ndi Hwà-òkòwèlì hwa eni hwa rzìi rzɔ̀ŋgìtɛ̀nɛ̀ mamɛ èma a mà òhwe rzìi hwa òka wɔ̀ɔŋgɔ̀ ò lì mò ijòwà.

Yòwanìrzɛ̀ 13:33

Wònyànyàŋgò wà ami kòkò, nà ò hwɛ ndi nà inyɔ ò ŋmanà hvòka wà hvònda mɛnɛ. Ndi nà òma nà mà òhweyà wònyà Yudà, nanù mɛnɛ ndi nà è òhweyà naŋgɛ nanù ema, ‘Èki ema nà ɛ̀ndɛ, inyɔ è rza tanɛ lì uka aŋga.’

Yòwanìrzɛ̀ 14:19

O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.

Yòwanìrzɛ̀ 16:16

“Yerzù rzìi a hwata hvɛ lì òhwa nanù ema, ‘O ŋmanà hvònda e rza ò nò ɛnɛ hvɛ, rzi ò mburzà ŋmanà hvònda hvɛ e ò nò ɛnɛ.’”

Yòwanìrzɛ̀ 16:18

Rzi hwa wòteya lì ijòwa nanù ema, “Mamɛ e hwèlì jànda ja mamɛ ema mɔ̀ à òhwa nanù ema, ‘O ŋmanà hvònda e?’ Irzɔ i rza rzɔ̀ŋgìtɛ̀nɛ̀yi mamɛ mɔ̀ à hwèlì a òhwa.”

Yòwanìrzɛ̀ 16:23

Ò wòŋgò wùnyà è rza ò nò ijòwa hvɛ tɔ̀ eyà. Nà è òhweyà ndi è jɔ̀kɛ̀ ema Tatɛ̀ à è ŋgbà ndi tɔ̀ mamɛ ema è ijò ò lìnà là ami.

Yòwanìrzɛ̀ 16:26

Ò wòŋgò wùnyà yò mò ijòwa tɔ̀ mamɛ ò lìnà là ami. Nà rza ò gba à gba è nyò ò lì òhweyà Tatɛ̀ ò lì è ò òŋgòwànà,

Yòwanìrzɛ̀ 16:30

O naŋgɛ, irzɔ i hwi ema ò hwi hweyà hwe arzɛ, ò èŋgànɛ̀lɛ̀ ò wa ò rza lùwa tɔ̀ mòtò ema a ò ijòwa miijòwelì. Ène eyà yɔ yiti, e jò gbe irzɔ i lòkɛ̀ ema ò wa ò ma uwɛ̀lɛ̀lɛ̀yi ndi òma Lohwɛ̀.”

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Yòwanìrzɛ̀ 6:61

Yerzù a mà ayèmbɛ nanù ema hwà mà hwɛ lì àyiŋgòwɛ̀ lì mò hvòmɛ̀nɛ̀, rzi a hwa òhweyà nanù ema, “Ènè eyà ye e tàtìrzɛ̀ e?

Yòwanìrzɛ̀ 7:33

Ndi Yerzù à mà hwa òhweyà nanù ema, “Nà hwèlì nà inyɔ ndi ŋmanà mbɔ, na timba òma e mɔ̀ ema à nò òmi.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.