Yòwanìrzɛ̀ 16:16 - Mokpwe: Bakwery (New Testament)

¹⁶ “Yerzù rzìi a hwata hvɛ lì òhwa nanù ema, ‘O ŋmanà hvònda e rza ò nò ɛnɛ hvɛ, rzi ò mburzà ŋmanà hvònda hvɛ e ò nò ɛnɛ.’”

Yòwanìrzɛ̀ 16:16 ပူးပေါင်းရင်းမြစ်များ

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

Yòwanìrzɛ̀ 12:35

Yerzù rzìi à alàhwɛ̀ nanù ema, “Ŋmaye mò hwɛ na inyɔ ò ŋmana hvòka wa hvònda. È ɛ̀ndɛ ò wòrzò nàŋgɛ ema e òhvi mònò ŋmàye, aŋga jììtìtì i rza e lìŋgɛ̀lɛ̀. È mɔ̀ ema ayɛ̀ndɛya ò jìtìtì a rza hwi èki a ɛ̀ndɛ.

Yòwanìrzɛ̀ 13:3

Yerzù à mà hwiya nanù ema Tatɛ̀ wa eni à mà màa lì mò ika hweyà hwe arzɛ ò màa me eni. A ma hwiya ama à mà uwɛ̀lɛ̀lɛ̀yi ndi ò ma Lohwɛ̀ ndèŋgàna à mà hwɛnɛ ndi lì tìmba òma Lohwɛ̀.

Yòwanìrzɛ̀ 13:33

Wònyànyàŋgò wà ami kòkò, nà ò hwɛ ndi nà inyɔ ò ŋmanà hvòka wà hvònda mɛnɛ. Ndi nà òma nà mà òhweyà wònyà Yudà, nanù mɛnɛ ndi nà è òhweyà naŋgɛ nanù ema, ‘Èki ema nà ɛ̀ndɛ, inyɔ è rza tanɛ lì uka aŋga.’

Yòwanìrzɛ̀ 16:10

Hwa tòni lì hvòmɛ̀nɛ̀ hweyà ema hwe hwèlì jɔ̀kɛ̀, èhwanja imba na ɛ̀ndɛ òma Tatɛ̀, ndèŋgàna inyɔ e rza ò nò ɛnɛ hvɛ.

Yòwanìrzɛ̀ 16:22

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu.

Yòwanìrzɛ̀ 16:28

Nà mà uwɛ̀lɛ̀lɛ̀yi ndi òma Tatɛ̀, rzi nà jà ò rze. Nàŋgɛ nanù imba nà è lìya è rze ò lì ɛ̀ndɛ lì tìmba ò mà Tatɛ̀.”

Yòwanìrzɛ̀ 16:5

O nàŋgɛ imba na ɛ̀ndɛ òma e mɔ̀ ema à mà nò òma. Ndi tɔ̀ mɔ̀kɔ wa anyu a rzi nò ijòwi ema, ‘One ò ɛ̀ndɛ e?’

Yòwanìrzɛ̀ 17:13

O naŋgɛ na e jèeyà. Nà òhwa ndi hwenè hweyà na òma e hwèlì nanù mɛnɛ ò rze aŋga nanù mɔ̀nyɛ̀ŋgì mò awù mo òndìrzɛ̀hwɛ̀yi, mòlemilemi na òma e mò ami mò òndirzɛhwɛyi.

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 7:33

Ndi Yerzù à mà hwa òhweyà nanù ema, “Nà hwèlì nà inyɔ ndi ŋmanà mbɔ, na timba òma e mɔ̀ ema à nò òmi.

Hwègbèèlì 1:3

Lìwòteyà e hvònda ema Yerzù à mà ŋwe, ò lì uka meni menii me mèenyà à mà àwuŋmɛ̀lɛ̀ i àpɔ̀rzìtòlò ja eni mɔ̀ ŋmìti ŋgèlì rzayì-rzayì, ò lì uŋmɛ̀lɛ̀ nanù ema ò jɔ̀kɛ̀ a hwèlì lòŋgɛ. Hwà mà mò ɛnɛ a òhwa lì hvòmɛ̀nɛ̀ lìkànèyà là ama Lohwɛ̀.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.