Yòwanìrzɛ̀ 16:14 - Mokpwe: Bakwery (New Testament)

¹⁴ Mɔ̀ a nò jàneyà èluhwe ndɛnɛ, èhwanja a ò nò wòwàna mamɛ ema na òhwa rzìi a e òhweyà.

Yòwanìrzɛ̀ 16:14 ပူးပေါင်းရင်းမြစ်များ

Yòwanìrzɛ̀ 14:21

Tɔ̀ njɛnɛ ema a lu imbenda ja ami rzìi a i ika, ò ma mɔ̀ ndi à nò lìŋgàni. È mɔ̀ ema a nò lìŋgàni, a ò lìŋganahwa na Tatɛ̀ wa ami. Imba hvɛ na ò mò lìŋgana, ndèŋgànɛ̀lɛ̀ hvɛ na mò awuŋmɛ̀lɛ̀ imba mbiti.”

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Yòwanìrzɛ̀ 7:39

Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

1 Kɔ̀rintìyà 12:3

O èŋgànɛ̀lɛ̀ rzɔ na arza ema e rzɔ̀ŋgìtɛ̀nɛ̀ nanù ema, tɔ̀ mòtò tɔ̀ mɔ̀kɔ ema a ondi na Èlìŋgɛ̀ ya ama Lohwɛ̀, a rza tanɛ lì ohwa nanù ema, “Yerzù a jemahwi” Rzi tɔ̀ mɔ̀kɔ a rza tanɛ a ohwa nanù ema “Yerzù a hwèlì ndi Rzàŋgo” ema rzeketɛ Èlìŋgɛ̀ yà Wòtani ndi è mò òŋgòwani.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

Gàletìyà 5:5

O irzɔ, Èlìŋgɛ̀ ya ama Lohwɛ̀ e ma jo gbeyà o lì ohva lìhvìtà nanù ema, Lohwɛ̀ a o jo emeyà nàa hwatò ema hwa hwèlì wòtani èhwanja je emelì Krirztò.

1 Pètrò 2:7

Lìni lìŋyàyi lì e hwɛnelì wòlìto inyɔ ema e mo lòkɛ̀yi, ndi hwatò ema hwa rza mo lòkɛ̀ lì gbèyi ndi nàa, “Lìnyàŋyi ema hwà-òŋgèlì hwà mà rzɔnjɛ̀lɛ̀, lì ɔndi lì ma jɛ̀ɛ̀ lìŋyàyi la wòlìto wo ndɛnɛ.”

1 Yòwanìrzɛ̀ 3:23

È mbenda ema a ŋgbelì e hwèlì ndi nanù ema, i lòkɛ̀ o lìinà la ama è Ŋmanà wà eni Yerzù Krirztò na o lì alìŋgànɛ mɔ̀kɔ na ɔ̀nɛyi. Ène mbenda hvɛ mɛnɛ ndi Krirztò à mà jo ŋgbe.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

1 Yòwanìrzɛ̀ 5:6

Yerzù Krirztò à mà jà ò rze. Hwa mà mò lùhwìrzɛ̀ nà malìhwa, ndi ò mburza hweŋweelì hwe eni ò mbàrza, rzi màyija mà eni mà kòmeyà ò rze. Rzeketɛ lì lùhwìrzɛ̀ là màlìhwa mɛnɛ ndi lì mà mò gbèyɛ̀nɛ̀, ndi è hvonda ema à mà ŋwe màyija mà eni ma mà kòmeyà ò rze. Èlìŋgɛ̀ yà Wòtani yɔ̀ ndi è jò uŋmɛ̀lɛ̀ nanù ema ene eyà è hwèlì ndi è jɔ̀kɛ̀, ehwànja Èlìŋgɛ̀ yà Wòtani è rza kɔ̀ɔ̀ hweyà.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.