Yòwanìrzɛ̀ 15:24 - Mokpwe: Bakwery (New Testament)

²⁴ Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 15:24 ပူးပေါင်းရင်းမြစ်များ

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 21:32

Nà òhwa ene eyà nanù èhwanja Yòwanìrzɛ̀ e Mòlùhwìrzèlì à mà jà, ò lì e uŋmɛ̀lɛ̀ e njiya ema e enyòhwɛnɛ, ndi inyɔ e rzi mò lòkɛ̀. Ndi hwarzaŋgelì hwa e njàŋge ya lìkànèyà na hwàalanà hwa àkpàlà hwà mà mò lòkɛ̀. Tɔ̀ na òma inyɔ e ma ɛnɛ ene eyà, inyɔ e rzi aŋgòwɛ ò wòhwe wò anyu ndèŋgànà e rzi mò lòkɛ̀.”

Matiyò 9:33

Nà òma Yerzù à mà wurzirzɛ eŋge èlìŋgɛ̀ ya wòhwe, ò ma òŋgò mòtò ema à mà hwɛ mbùke rzìi òŋgò mòtò a wòteya lì òhwa. È ŋgìndì ema e ma hwɛ aŋga e ma tàmà rzìi hwa wòteya lì òhwa nanù ema, “Ene nyayi ya eyà e rzìi gbèyɛ̀nɛ ò èkòmè ya arzɛ ya Irzàyɛ̀lì.”

Makòrzì 2:12

À mà tɛ̀mɛ̀ rzìi à wòwà lìkɔ̀kɔ̀ lì eni à anjiya ò èŋge ndawò ò hwɛ̀ɛ̀nèlì hwe hwaŋga hwatò hwa arzɛ. Ène eyà è mà tàmìrzɛ̀ hwatò hwa arzɛ rzìi hwa eka Lohwɛ̀ hwa òhwa nanù ema, “Ì rzi ɛni ène nyàyi yà eyà!”

Lukàrzɛ̀ 24:19

Yerzù rzìi a hwa ijòwa nanù ema, “Ì ma nyayi ja hweyà e?” Rzìi hwa mò alàhwɛ nanù ema, “Jò òhwà ndi hweyà hwe ma gbèyɛnɛ lì hvòmɛ̀nɛ̀ Yerzù wà Nàrzàrɛ̀tì. À mà hwɛ ndi Mòòhwèlì wà Èlìŋgɛ̀ èma à ma gbeyà hweyà hwe mànyàka. À mà hwɛ ndi Mòòkòlèlì à Kàrzàmi. À mà ŋgbàahwa èluhwe nà Lohwɛ̀ nà hwatò.

Yòwanìrzɛ̀ 10:32

Ndi à mà hwa òhweyà nanù ema, “Nà ma e uŋmɛ̀lɛ̀ rzayi-rzayi ja hwèwòlò hwe gbamù ema hwe uwɛ̀lɛ̀lɛ̀yi ò ma Tatɛ̀. È arza lì nò uŋmanà màŋyàyi ò lì nò òŋwa. O ima èwòlò ema e arza lì nò uŋma màŋyàyi e?”

Yòwanìrzɛ̀ 10:37

Nà rza gbèyi tɛ èwòlò ya ama Tatɛ̀, e rzi nò lòkɛ̀.

Yòwanìrzɛ̀ 12:10

O èŋgànɛ̀lɛ̀ Ipìlìrzì ndɛnɛ i ma weka ŋmanò ò lì òŋwa hvɛ Làrzàrɔ̀rzì.

Yòwanìrzɛ̀ 12:45

Tɔ̀ ima mɔ̀ ema a nò ɛni, a ɛni hvɛ e mɔ̀ ema a nò òmi.

Yòwanìrzɛ̀ 14:9

Yerzù rzìi a mò alàhwɛ̀ nanù ema, “Ìi Hvìlìpì, ò rza nò hwi e? Tɔ̀ nɛ na hwèlì ò ìtììtènì ja anyu ene hvònda ya arzɛ e? È mɔ̀ ema à mà nò ɛnɛ, à mà ɛnɛ Tatɛ̀. Nɛ rzɔ ò wa ò tànɛyi lì tɛ̀mɛ̀ nàŋgɛ rzìi ò òhwa òma, ‘O jò uŋmɛ̀lɛ̀ Tatɛ̀ e?’

Yòwanìrzɛ̀ 15:21

Ndi hwa ò è gbèeyà hwenè hweyà hwe arzɛ ò lìnà là ami èhwanja hwa rza hwi e mɔ̀ ema a nò òmi.

Yòwanìrzɛ̀ 15:22

Oma hwa rza tuhwi ò wòhwe wò awu imba na rzi je tɛ lì hwa òhweyà hwene hweyà. O nàŋgɛ nanù, hwa rza òhvi tɔ̀ lìtìŋga ò melàkìrzɛ̀nɛ me wòhwe wò awu.

Yòwanìrzɛ̀ 15:23

Tɔ̀ njɛnɛ ema a nò kɔwu, a kɔwu hvɛ Tatɛ̀ wa ami.

Yòwanìrzɛ̀ 16:9

Li rzɔ̀ŋgìtɛ̀nɛ̀ lì awu la wòhwe lì rza hvòmɛ̀nɛ̀, èhwanja hwatò hwa rza nò lòkɛ̀.

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 5:36

Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Yòwanìrzɛ̀ 6:36

Nà è òhweyà nanù ema inyɔ è mà màà lì nò ɛnɛ ndi è rza nò lòkɛ̀.

Yòwanìrzɛ̀ 7:31

Ndi tɔ̀ nanù rzayì-rzayì ja hwatò ò ìtììtènì ja èŋge ŋgìndì hwa mà mò lòkɛ̀. Wɔ̀ hwà mà hwɛ lì òhwa nanù ema, “È Mɔ̀ ema a Ɔ̀kirzɛ̀hwɛ̀yi a jelì tɛ, a ò gbeyà hwèmbànèlì hwe mànyakà ema hwe ò aka hwenè hweyà ema ònò mòtò amà gbeyà e?”

Yòwanìrzɛ̀ 9:32

Liwòteya ò hwewòtelì hwe ene rze, e rzi hweyàhwì tɔ̀ wùnyà ema ò hwèlì mòtò ema a wɔ̀wìrzɛ̀ mòtò ema a ŋyàhwɛ̀nɛ̀yi ndima.

Yòwanìrzɛ̀ 9:41

Yerzù rzìi a alàhwɛ̀ nanù ema, “È ma hwɛ tɛ ndima, òma e rza òhva wòhwe, ndi na òma e alɛ̀ŋgɛ ema e ɛnɛ, e uŋmɛ̀lɛ̀ ndi nanù ema e òhvi wòhwe nanù mɛnɛ.”

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Ròmànì 1:30

Hwa lìŋgàni lì òhwa ò lì hvàŋga mìinà mà hwatò, hwa kɔ̀wu Lohwɛ̀, hwa hwɛ̀nyɛ̀nɛ̀, hwa rza ŋgbɛ̀ɛ̀nɛ̀ èluhwe, hwa àyèkìrzɛ̀, wɔ̀ hwa lìŋgàni ndi ò lì tɛ̀yìrzɛ̀ nɛ̀ hwa gbeyà wòhwe, ndèŋgàna hwa rza hweyàna irzàŋgo nà inyàŋgò ja awu.

2 Tìmotì 3:4

Hwa o hwɛ hwatò ema hwa o àhwirzɛ̀ imbunda ja awu, hwatò hvɛ ema hwa lìya lòŋgɛ la mooŋgoŋgo, hwatò ema hwa ondi na kumba, na hwaŋga hwatò ema hwa lìŋgàni hweyà hwe ene rze lì aka hweyà hwe ama Lohwɛ̀.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.