Yòwanìrzɛ̀ 15:22 - Mokpwe: Bakwery (New Testament)

²² Oma hwa rza tuhwi ò wòhwe wò awu imba na rzi je tɛ lì hwa òhweyà hwene hweyà. O nàŋgɛ nanù, hwa rza òhvi tɔ̀ lìtìŋga ò melàkìrzɛ̀nɛ me wòhwe wò awu.

Yòwanìrzɛ̀ 15:22 ပူးပေါင်းရင်းမြစ်များ

Lukàrzɛ̀ 12:46

Òŋgò mògbèèlì, rzàŋgò wà èni wa èwòlò à tìmbà ò wùnyà ema a rza mò àhvìtɛ̀, nà ò lìrzàkò ema a rzà hwiya. A mò hvaka ò ewòka rzi hwa mò ŋgba e kɔ̀kìrzɛ̀ ema e imbami na hwaŋga hwatò ema hwa hwèlì maniya.

Yòwanìrzɛ̀ 12:48

È mòtò ema a nò rzɔ̀rzi rzìi a rzi imanɛlɛ hvɛ ŋmɛ̀ndì mò ami, mɔ̀ à òhvi e mɔ̀ ema a mò kàyìrzɛ̀. È mbɔrzi ema na òhwi yɔ ndi e mò kàyìrzɛ̀ ò wùnyà wò hwèkàyìrzèlèlì.

Yòwanìrzɛ̀ 15:23

Tɔ̀ njɛnɛ ema a nò kɔwu, a kɔwu hvɛ Tatɛ̀ wa ami.

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 16:9

Li rzɔ̀ŋgìtɛ̀nɛ̀ lì awu la wòhwe lì rza hvòmɛ̀nɛ̀, èhwanja hwatò hwa rza nò lòkɛ̀.

Yòwanìrzɛ̀ 19:11

Yerzù à mà alàhwɛ̀ nanù ema, “Ò rza hwɛnì wònjà ò ŋmanyu yà ami natɛ̀ɛ Lohwɛ̀ à ò ŋgbà eŋgè wònjà. Ò èŋgànɛ̀lɛ̀ rzɔ è mɔ̀ ema à nò àkɛ̀lɛ̀lɛ̀ ò màa aŋgɔ̀ à gbèyi wòhwe wò ndɛnɛ.”

Yòwanìrzɛ̀ 9:41

Yerzù rzìi a alàhwɛ̀ nanù ema, “È ma hwɛ tɛ ndima, òma e rza òhva wòhwe, ndi na òma e alɛ̀ŋgɛ ema e ɛnɛ, e uŋmɛ̀lɛ̀ ndi nanù ema e òhvi wòhwe nanù mɛnɛ.”

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

Ròmànì 1:20

Lìwòteya è hvònda ema Lohwɛ̀ à mà wèke è rze yà mɔ̀nyɛ̀, hwèèmà ema à mà wèkè hwe uŋmɛ̀lɛ̀ hwatò nà è jɔ̀kɛ̀ nanù ema, hweyà hwe ama Lohwɛ̀ ema tɔ̀ mòtò à rza ɛ̀nɛ̀nɛ̀ nà mìrzɔ̀ mà eni hwe hwèlì ndi è jɔ̀kɛ̀. Ndèŋgànɛ̀lɛ̀ è uŋmɛ̀lɛ̀ ndi nanù ema, è ŋginyà yà eni è hwèlì nà ò gbìndèyà ndèŋgàna mɔ̀ à akayi hwèèmà hwe arzɛ. Ò èŋgànɛ̀lɛ̀ rzɔ hwaŋga hwatò hwa rza òhvi tɔ̀ lìtiŋga ò lì làkìrzɛhwɛ.

Ròmànì 2:1

O èŋgànɛ̀lɛ̀ rzɔ, tɔ̀ ima mɔ̀ hwa anyu ema a kàyìrzɛ̀ɛ hwahvɛhvɛ hwatò, tɔ̀ ò hwɛ ndi njɛnɛ, ò rza òhvì tɔ̀ lìtìŋga ema ò rza lùhwànà lì làkìrzɛ̀. Èhwanja ò kàyìrzɛ̀ tɛ hwahvɛhvɛ hwatò, rzìi ò wà witi ò hwɛ ndi ò lì gbèeyà hwèŋge hweyà ema ò hwa kàyìrzɛ̀, nanù òma ò wa hvɛ ò a tùulɛ̀ ŋmàŋgò.

Jèmìrzì 4:17

O eŋgànɛ̀lɛ rzɔ̀, tɔ̀ njɛnɛ ema a hwi eyà ya gbamù ema àŋgàmɛ̀nɛ̀yi lì gbeyà, rzìi a rzi e gbeye, nanù oma a gbèyi wòhwe o worzo wo ama Lohwɛ̀.

1 Pètrò 2:16

È lìya nàa hwatò hwa wònja. Ndi e rzi gbeyàna eŋge wònja ya anyu, o lì gbeyà wòhwe. Ndi e lìya nàa hwàgbèèlì hwa ama Lohwɛ̀.