Yòwanìrzɛ̀ 15:20 - Mokpwe: Bakwery (New Testament)

²⁰ È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Yòwanìrzɛ̀ 15:20 ပူးပေါင်းရင်းမြစ်များ

Matiyò 10:24

È mòòkòwèlì à rza tànɛyi lì aka è Mòòkòlèlì. È mògbèèlì mɔ̀ hvɛ à rza tànɛyi lì aka è rzàŋgò yà eni wà èwòlò.

Makòrzì 10:39

Hwà mà alàhwɛ̀ Yerzù hwa ma, ì tànɛyi. Yerzù rzìi a hwa timbirzɛlɛlɛ nanù ema, “È tanɛ lì hwanɛ̀ mètàkà ema nà hwanɛ̀yi, e ò lùwa lì lùhwìrzɛ̀ la mètàkà ema nà ò lùwa,

Lukàrzɛ̀ 2:34

Rzimìyɔ̀nì rzìi, a hwa nàmìrzɛ̀, a òhweyà, Màlìyɛ̀ è nyàŋgò yà e Ŋmanà nanù ema, “Ɔ̀ŋgɔ tɛ! Ò nò Ŋmanà e ɛnɛ nanù à òmahwi ndi nà Lohwɛ̀. À ò jàneya lòŋgò la hwatò hwèkàyìrzèlì, lòŋgò hvɛ hwèyòŋgìrzèlì, ò èkòmè ya Irzàyɛ̀lì. Ò nò Ŋmanà a ò hwɛ ndi nàa ɛ̀mɛ̀nɛ̀nì ya ama Lohwɛ̀ ema rzayì-rzayì ja hwatò hwa ò mò teŋgɛ̀nɛ̀.

Lukàrzɛ̀ 6:40

È ŋmanà wà hwèyòkòwèlì à rza tànɛ̀yi ò lì akà è Mòòkòlèlì wà èni. Ndi tɔ̀ njɛnɛ ema à kulɛ hwèyòkòwèlì hwe eni à ò hwɛ ndi lìmɛ̀nì lɔ̀kɔ nàa è mɔ̀ ema à mò òkòlɛ̀yi.

Yòwanìrzɛ̀ 10:31

O ene hvònda hwatò hwa wònyà Yudà hwà mà kòma màŋyàyi ò lì uŋma Yerzù hvɛ.

Yòwanìrzɛ̀ 11:57

Ipìlìrzì ndɛnɛ na Ihvàlìrzàyì hwà mà akɛ̀lɛ̀ e njàmbɛ̀ nanù ema, “Tɔ̀ njɛnɛ ema a hwi èki ema Yerzù a hwèlì a je a hwa òhweyà aŋga nanù òma hwà mà mò ŋgbaŋgɛ.”

Yòwanìrzɛ̀ 13:16

Nà è òhweyà ndi è jɔ̀kɛ̀, ò rza enje tɔ̀ mòkutu ema à akayi è rzàŋgò yà eni, tɔ̀ è mòtò ema à òmahwi à rza akayi è mɔ̀ ema à mò òmi.

Yòwanìrzɛ̀ 5:16

Rzìi hwaŋga hwatò hwa wòteya lì wòŋgìrzɛ̀nɛ̀ lì gbeyà Yerzù wòhwe, èhwanja à mà wɔ̀wìrzɛ̀ ndi òŋgò mòtò ò wùnyà wò lì arziyòlɛ.

Yòwanìrzɛ̀ 7:32

Ihvàlìrzàyì hwà mà hweye na òma hwatò hwa àyiŋgòwɛ̀ ò lì òhwa hwene hweyà lì hvòmɛ̀nɛ̀ Yerzù. O èŋgànɛ̀lɛ̀ wɔ̀ na Ipìlìrzì ndɛnɛ hwà mà òma hwakutu hwa e Ndawò yà Lohwà ò lì ŋgbaŋgɛ Yerzù.

Yòwanìrzɛ̀ 8:51

Nà e òhweyà e jɔ̀kɛ̀ ema tɔ̀ ima mòtò ema a ika i mbenda ja ami, mɔ̀ à rza ɛnɛ e kpelì.”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

1 Kɔ̀rintìyà 4:12

Irzɔ i gbeyà èwòlò ya imbami na màà mà arzu, ò lì lùwa lì làa la arzu la wùnyà. Hwatò hwa jò jemi tɛ ì hwa nàmìrzɛ̀, hwatò hwa jò tàkirzɛ tɛ i hwa àjùlɛ̀nɛ̀.

2 Kɔ̀rintìyà 4:9

Hwatò hwa jo tàkirzɛ i hvonda ja arzɛ ndi Lohwɛ̀ a rzi jo hwɛmi. Tɔ̀ nɛ hvɛ marzako hwa jo hwenirzɛ, ndi Lohwɛ̀ a rza emeyà nanù ema hwa jo òŋwe.

1 Tɛ̀rzàlonìyà 2:15

Lòŋgo la hwaŋga hwatò hwa Irzàyɛ̀lì hwà mà oŋwa e Rzàŋgo Yerzù Krirztò, ndèŋgana lòŋgo hwà mà oŋwa hwà-òhwèlì hwa hwèlìŋgɛ̀. Lòŋgo la hwaŋga hwatò hwa Irzàyɛ̀lì hwà mà jo hvaya o mbowà ndɛnɛ ya awu. Wɔ̀ hwa rzi lìŋgìrzɛ Lohwɛ̀, wɔ̀ hwà mà urzuhweya ndi hwatò hwa arzɛ.

2 Tìmotì 3:12

Ndi o jɔ̀kɛ̀, tɔ̀ ima mòtò ema a arza o lì lìya lòŋgɛ la ehve-ehve, na oma mɔ̀ à hwèlì na Yerzù Krirztò a hwɛni lì tàkìrzɛ̀hwɛ o màà mà hwatò.