Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yòwanìrzɛ̀ 14:26 - Mokpwe: Bakwery (New Testament)

26 È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

အခန်းကိုကြည့်ပါ။ ကော်ပီ




Yòwanìrzɛ̀ 14:26
75 ပူးပေါင်းရင်းမြစ်များ  

Nanù ndi hwèŋyàyèlì hwe ama Yerzù hwe mà hwɛ: Màlìyɛ̀ è nyàŋgò yà ama Yerzù à mà hwɛ ndi mɔ̀ɔmbɔ̀ mò ŋgɔ̀ndɔ̀ ema à rzi hwiyɛ̀ munyanà. À mà hwɛ ndi ehwàndà yà ama Jòrzɛ̀hvù. Ndèŋgàna Màlìyɛ̀ à è ɛndɛ ò lì hwahwà, Jòrzɛ̀hvù hwa mà emba nanù ema Màlìyɛ̀ à mà hwɛ nà lèmì, ò lì akèyà nà è ŋginyà yà Èlìŋgɛ̀ yà Wòtani.


Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.


O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.


Imba nà è lùhwìrzɛ̀ nà malìhwa ò lì uŋmɛ̀lɛ̀ nanù ema è mà ayèŋgòwɛ̀ ò wòhwe wò anyu. Ndi òhvɛhvɛ mòtò à hwèlì à jà ema à nò akàyi. Ema imba nà rza ukɛ hvɛ tɔ̀ mòtò ema à tanɛ lì hwànɛ hwètàmbì hwe eni. Mɔ̀ à è lùhwìrzɛ̀ ndi nà Èlìŋgɛ̀ yà Wòtani nà mùùnya.


Dàhwitì mɔ̀ ŋmìti, Èlìŋgɛ̀ yà Wòtani e mà mò kpèeyà rzìi a òhwa nanù ema, ‘È Rzàŋgò Lohwɛ̀ à mà òhweyà e Rzàŋgò wa ami ama, Lìyà ò lìya la ami la mòme, natɛ̀ɛ na e hvònda ema na gbeyà ò laala hwakɔ̀èlì hwa aŋgɔ̀ na mataŋgà mà aŋgɔ̀.’


Hwa è ŋgbàŋgɛ tɛ rzìi hwa e jànà ò hwèkàyìrzèlì, è rzìi atàkìrzɛ̀ ò mamɛ ema e hwɛ̀nì lì òhwa. È òhwe ndi mamɛ ye e ŋgbààhwì èŋge hvònda, èhwanja rzèketɛ inyɔ ndi è òhwa èhwanja mamɛ e òhwa e uwɛ̀lɛ̀lɛ̀yi ndi ò Èlìŋgɛ̀ yà Wòtani.


È ò hwɛ ndi nanù, èhwanja ò nò ŋmanà a ò hwɛnɛ èluhwe ndɛnɛ̀ ò wòrzò wò amà Rzàŋgò. A rza ò nyɔ mimba ema mà èèti tɔ̀ hwelandì. Lìwòteya ò hwèŋyàyèlì hwe eni, a ò òndìrzɛ̀hwɛ̀ nà Èlìŋgɛ̀ yà Wòtani.


È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.


Nà òmà Èlìrzabɛ̀tì a mà hweye ìikɔ̀mi ja ama Màlìyɛ̀, ŋmɛ̀ɛŋgɛ mò ŋmanà ema mò mà hwɛ ò èwònì ya lùùŋgà la ama Èlìrzabɛ̀tì mò mà anyìŋgìrzɛ̀nɛ̀. Èlìrzabɛ̀tì à mà ònda nà Èlìŋgɛ̀ yà Wòtani.


Rzìi Yòwanìrzɛ̀, rzàŋgò wà èni, Rzàkàriyà à mà ònda nà Èlìŋgɛ̀ yà Wòtani, rzìi a wòteya lì òhwà hweyà nanù ema,


Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”


O èŋge hvònda, ò mà hwɛ mùnyanà ò Jèrurzalɛ̀mù, à ma hwɛ̀lɛ̀hwɛ̀ Rzimìyɔ̀nì. Ò nò mùnyanà à mà tɛ̀mɛ̀ ehve-ehve, nà lì òkà Lohwɛ̀ wɔ̀ŋgɔ̀. À mà ambɛlɛlɛ è hvònda ema Lohwɛ̀ à mà hwɛnɛ lì òŋgìrzɛ̀ hwatò hwa Irzàyɛ̀lì, Èlìŋgɛ̀ yà Wòtani e mà hwɛ nà mɔ̀.


Nà è òmeyà mamɛ ema Tatɛ̀ wà ami à mà kàkɛ̀nɛ̀. Inyɔ è lìyà ò ène mbòwà, è ambɛ̀lɛ̀ natɛ̀ɛ yò òndìrzɛ̀hwɛ̀ nà è ŋginyà e uhweyà ò ŋmanyu yà lohwà.”


Èlìŋgɛ̀ yà Wòtani rzìi e uhweyà ò ŋmanyu lì ayèkɛnɛ̀ nàa mbèŋgà rzì e rzìhwà, e mò tɛ̀mɛ̀ ò mòhvò. Rzìi lìlò lì uwɛ̀lɛ̀lɛ̀ ò ŋmanyu yà lohwà lì òhwa nanù ema, “O wà ndì ò hwèlì è Ŋmanà wa amì wà ndìŋgɛ ya màlìŋgò, nà òki mɔ̀nyɛ̀ŋgì nà ò wa rzayì-rzayì.”


Tɔ̀ nɛ nà rzi rzɔ̀ŋgìtɛ̀nɛ̀ nanù ema mɔ̀ òŋgò. Ndi nà òma Lohwɛ̀ à mà nò òme ò lì lùhwìrzɛ̀ hwatò nà màlìhwa, à mà nò òhweyà nanù ema, ‘È mɔ̀ ema ò ɛni èlìŋgɛ̀ è mò rzihwèlì lì mò tɛmeyà, mɔ̀ ndi à hwèlì è mɔ̀ ema à ò lùhwìrzɛ̀ hwatò nà èlìŋgɛ̀ yà wòtani.’


Nà òma hwene hweyà hwe mà gbèyɛ̀nɛ̀, hwà-òkòwèlì hwa eni hwa rzi hwe rzɔ̀ŋgìtɛ̀nɛ̀. Ndi nà òma Yerzù à mà hvùmùwè nà èluhwe yà ama Lohwà, rzìi hwa ɔ̀ŋgɛ̀lɛ̀ nanù ema hweyà ema hwe mà gbèyɛ̀nɛ̀ lì hvòmɛ̀nɛ̀ Yerzù, hwe mà lòma lì tìlahwa.


Nà òhweyà Tatɛ̀, ndèŋgànɛ̀lɛ̀ mɔ̀ à e ò ŋgbà ò hvɛhvɛ Moòŋgòwànèlì ema a ò hwɛ na inyɔ ihvònda ja arzɛ.


“Nà e òhweyà hwene hweyà hwe arzɛ na òma na e hwèlì na inyɔ.


È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.


Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.


O mburzà ya hvònda ema Yerzù à mà ŋwe rzi Lohwɛ̀ a mò hvùmùlɛ̀, ɔ̀ndi Hwà-òkòwèlì hwa eni hwa a ɔ̀ŋgɛ̀lɛ̀ mamɛ ema mɔ̀ à mà òhwe. Aŋga ndi wɔ̀ hwa lòkɛ̀ hwètìlèlì hwe eyà ya Lohwà na e mbɔrzi ema Yerzù à mà òhwe.


Rzìi à hwa uŋgɛlɛ muulu, a hwa òhweyà nanù ema, “È wòwe Èlìŋgɛ̀ yà Wòtani.


È tìlahwì na òma hwà-òhwèlì hwa hwèlìŋgɛ̀ hwa òhwi nanù ema, ‘Lohwà a ò hwa òkòlɛ wɔ̀ hwa arzɛ.’ Tɔ ima mɔ̀ ema a hweyàni Tatɛ̀ rzìi a òkòwa a nò jèeya imba.


Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.


natɛ̀ɛ na e hvònda ema Lohwɛ̀ a mà mò gbeeyà ò lì ɛndɛ ò ŋmanyu yà lohwà. Ndèŋgàna a e ɛndɛ ò ŋmanyu yà lohwà, a mà gbeyàna e ŋginyà ya èlìŋgɛ̀ yà wòtani, ò lì òhweyà hwatò ema à mà hvɔ̀rzè nàa i àpɔ̀rzìtòlò ja eni hweyà ema hwà mà aŋgàmɛ̀nɛ̀yi lì gbeyà.


Ò wùnyà wɔ̀kɔ ema hwa mà arzàŋgànɛ, ò hwèlèèlì hwe awu nà mɔ̀, rzìi à hwa kòkòhwɛ̀lɛ̀ kɔ̀yi-kɔ̀yi nanù ema, “È rzi keka lì anjiya anù mbòwà ya Jèrurzalɛ̀mù, ndi e ambɛ̀lɛ̀ natɛ̀ɛ è lùwa jàhwèyà ema Tatɛ̀ wa ami à mà è kàkɛ̀nɛ̀. Iŋgi jàhwèyà ndi nà mà lòme lì è òhwèyà.


Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”


Àŋga ndi nà à ɔ̀ŋgɛ̀lɛ̀ hweyà ema Rzàŋgò mɔ̀ à mà òhwe nanù ema, ‘Yòwanìrzɛ̀ à mà lùhwìrzɛ̀ ndi nà malìhwa, ndi inyɔ è ò lùhwìrzɛ̀hwɛ̀ ndi nà Èlìŋgɛ̀ yà Wòtani.’


Nà òma hwà mà hwɛ lì gbèeyà Rzàŋgò na lì hwɛ hvɛ ò mòkìyà njàwò, Èlìŋgɛ̀ yà Wòtani rzìi e hwa òhweyà nanù ema, “È nò tindeya Bànàbàrzì na Rzàwòlò ò lì nò gbèeyà èwòlò ema imba nà mà hwa hwɛlɛnɛ.”


Nà òma Èlìŋgɛ̀ ya wòtani ema hwa òme wɔ̀ hwahwàkɛ, hwà mà ɔ̀ndɔ̀ ò mbòwa ya Rzɛ̀lùrzìyà. Aŋga ndi hwa a anjiyana wɔ̀ɔlɔ̀ ò lì ɛndɛ ò yòndi ya Rzàyìprɔ̀rzì.


Èlìŋgɛ̀ yà Wòtani e ma jò lìyɛlɛ nanù ema i rza e tàkirzɛ na hwehvɛhvɛ hweyà lì aka tɛ hwene hweyà ema hwe hwèlì wòlìtò.


Lohwɛ̀ ema a hwi mèèmà me hwatò, à mà uŋmɛ̀lɛ̀ nanù ema à mà ŋgba hwaŋga hwatò ema hwa rza enje wònyà Yudà è wònjà ò lì lòkɛ̀, na òma à mà hwa ŋgbe Èlìŋgɛ̀ yà Wòtani, ŋgàna hvɔ̀kɔ mɛnɛ na òma à mà jò ŋgbe irzɔ hvɛ e yɔ.


Pàwolò na mòndeŋge mò eni hwà mà akeyà hwèrzòòkà hwe Hvrigèyà na Gàlèrzìyà, èhwanja Èlìŋgɛ̀ yà Wòtani ema hwa keka nanù ema hwa rzi keka lì òhwa eyà ya Lohwà ò erzòòkà ya arzɛ ya Èrzìyà.


Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.


Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.


È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.


O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”


O èŋgànɛ̀lɛ̀ hwà mà wòteyà lì atɔ̀kìrzɛ̀nɛ na òma hwà mà hwɛ lì ɛndɛ. Hwa è hwiya lì anjiya, Pàwolò à mà hwa òhweyà nanù ema, “Èlìŋgɛ̀ yà Wòtani e ma hvòmɛ̀nɛ̀ na òma e mò òhweyà mòòhwèlì wà èlìŋgɛ̀ Àyìrzayà hweyà nanù ema a òhweyà imbamba ja anyu nanù ema,


Aŋga ndi Pètrò à mà mò ijòwa nanù ema, “Ìi Ànàniyarzì mamɛ ndèŋgàtɛ ò imanɛlɛ nanù ema mòkarzɛ̀ a ò kànèyà. Nàŋgɛ rzɔ mòkarzɛ̀ à mà ò gbeyà ò ma kɔ̀yeyà Èlìŋgɛ̀ yà Wòtani eyà na òma ò wa ò ma utɛ lòŋgò la wòŋgò wòlì ema ò ma àhwirzɛ̀ eŋge etò.


Rzìtehvànɛ rzìi a hwatɛ hvɛ ò lì òhwa nanù ema, “Inyɔ hwatò hwa maniya, mèèmà me anyu ma eti. È ma umba matò ma anyu ò lì hweyà ŋmɛ̀ndì mò ama Lohwɛ̀. È gbèyi ndi nàa imbamba ja anyu, e teŋgɛ̀nɛ̀yi Èlìŋgɛ̀ yà Wòtani.


Ndi kanatɛ Rzìtehvànɛ à mà ònde nà Èlìŋgɛ̀ yà Wòtani, à mà ɔŋgɔ̀ ò ŋmanyu yà lohwà, rzi à ɛnɛ ŋmàye mò òma Lohwɛ̀, nà Yerzù ema à tɛ̀mì ò ehvàrzu yà lìya là mòmɛ̀ là ama Lohwɛ̀.


Rzeketɛ lì laa la mòlelì na lì nyɔ la mimba ndi lì hwèlì wòlìtò ò lìkànèyà la ama Lohwɛ̀. Ndi hweyà ema hwe hwèlì wòlìtò hwe hwèlì ndi ò lì hwɛnɛ hwɛ̀ɛ̀mɛ̀ ema hwe enyòhwɛ̀nɛ̀ ò wòrzò wò ama Lohwɛ̀, ò lì hwɛ ò ɛ̀yɔ̀lɛ̀, nà ò mɔ̀nyɛ̀ŋgì ema Èlìŋgɛ̀ yà Wòtani e ŋgba.


Nà kànɛ nanù ema, Lohwɛ̀ ema mɔ̀ ndi à ŋgbàà lìhvìtà, a e gbeye e ònde na mɔ̀nyɛ̀ŋgì mò arzɛ na ò lì hwɛ na ɛ̀yɔ̀lɛ̀ ò nyòla lì lòkɛ̀ ema e lòkɛ̀. Ène eyà e gbeyà e ŋginyà ya Èlìŋgɛ̀ yà Wòtani e gbeyà lì lòkɛ̀ la anyu lì nyàla rzayi-rzayi.


Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.


Jò òhvi tɛ lìhvìtà i rza timbana màa matò. Èhwanja Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, na òma a mà gbeyɛ e ndìŋgɛ ya eni ò lì kpèeyà ò mèèmà me arzu. À mà gbeyà ene na òma a jò ŋgbelì Èlìŋgɛ̀ yà eni yà Wòtani.


O èŋgànɛ̀lɛ̀ rzɔ na arza ema e rzɔ̀ŋgìtɛ̀nɛ̀ nanù ema, tɔ̀ mòtò tɔ̀ mɔ̀kɔ ema a ondi na Èlìŋgɛ̀ ya ama Lohwɛ̀, a rza tanɛ lì ohwa nanù ema, “Yerzù a jemahwi” Rzi tɔ̀ mɔ̀kɔ a rza tanɛ a ohwa nanù ema “Yerzù a hwèlì ndi Rzàŋgo” ema rzeketɛ Èlìŋgɛ̀ yà Wòtani ndi è mò òŋgòwani.


È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀.


Ima awuŋmɛ̀lɛ̀ hvɛ nanù ema i hwèlì ndi hwàgbèelì hwa ama Lohwɛ̀ na oma i ma gbeye hweyà hwe gbamù na mèèmà ema me rzaŋgi, Lohwɛ̀ à mà jo ŋgba lì rzɔŋgìtɛ̀nɛ̀ o lì hwiya e nyayi ya lòŋgɛ ema i hwɛni lì lìya, lì àjùlɛ̀, na lì ohva ŋmèma mo gbamù o lì oŋgòwànà hwatò. Èlìŋgɛ̀ ya wòtani ndi e jo timba, ndèŋgànɛlɛ i lìŋgàni hwatò hwa arzɛ na ŋmèma mɔ̀kɔ.


Inyɔ hvɛ è mà hweyà ŋmɛ̀ndì mò jɔ̀kɛ̀. Mòŋgo ŋmɛ̀ndì mò jɔ̀kɛ̀ mɔ̀ ndi mò hwèlì Ŋmɛ̀ndì mò Gbamù ema mò è jànelì lì kɔ̀tɔ̀wɔ̀. Inyɔ è lòkɛ̀ Yerzù ndèŋgànà è ma hwɛ ndi mòtò mɔ̀kɔ nà mɔ̀. Ène eyà è mà gbeyà Lohwɛ̀ à mà è ŋgbà Èlìŋgɛ̀ yà Wòtani ema à mà ohwe nanù ema à ŋgba hwatò hwa eni. Èŋge Èlìŋgɛ̀ yà Wòtani è hwèlì ndi nàa embànèlì ema è uŋmɛ̀lɛ̀ nanù ema inyɔ è hwèlì ndi hwatò hwa ama Lohwɛ̀.


Ndèŋgànɛ̀lɛ̀ nà kanɛ̀ ndi nanù ema Lòohwà là ama Rzàŋgo yà arzu Yerzù Krirztò, Tatɛ̀ yà èluhwe, à è ŋgbe Èlìŋgɛ̀ yà Wòtani nà ò lì rzɔ̀ŋgìtɛ̀nɛ̀ iŋgi wùndɛ̀ jà hweyà ema hwe utamì aŋga nanù è hwe hwiya gbamù.


È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.


O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.


Èlìŋgɛ̀ yà Wòtani è hwèlì ò tenì yà arzu, ndèŋgàna yɔ̀ ndi è ò oŋgòwànà ò lì lɛ̀mbɛ kɔ̀yi-kɔ̀yi ŋmɛ̀ndì mò gbamù ema Lohwɛ̀ à ò ŋgbelì ò màà mà aŋgɔ.


Rzeketɛ o hweyà hwe ehve-ehve ema i ma gbeeye ɔ̀ndèŋgàtɛ̀ à mà jo rzùŋgà, ndi à mà jo rzùŋgà ndi o nyòla ììlì ja eni. Lohwɛ̀ à mà oma Èlìŋgɛ̀ yà Wòtani o lì rzorza wòhwe wo arzu, aŋga nanù jo o ŋyàahwà hwahvènya.


Èlìŋgɛ̀ ya wòtani yɔ hvɛ e jo uŋmɛ̀lɛ̀ nanù ema e hwèlì ndi e jɔ̀kɛ̀. È ohwi nanù ema,


Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.


Ò eŋgànɛlɛ, è okànèyà mamɛ ema Èlìŋgɛ̀ yà Wòtani è ohwa. Yɔ̀ è ohwa nanù ema, “Yàwonò, è hweyi tɛ lìlo là ama Lohwɛ̀,


Èlìŋgɛ̀ yà Wòtani e ma gbeyà hwene hweyà o lì jo uŋmɛ̀lɛ̀ nanù ema, na oma i hwèlì i gbeyàna lìwondo la e rze ya mɔ̀nyɛ̀, e ma gbeyà ema irzɔ i rza tanɛyi o lì uka Lìwondo la Wòtani o èki ema Lohwɛ̀ a hwèlì.


Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.


È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.


Ndì ò inyɔ, è Mɔ̀ ema à Ɔ̀kirzɛ̀hwɛ̀ à mà è ŋgba Èlìŋgɛ̀ yà Wòtani. Ò eŋgànɛ̀lɛ̀ rzɔ inyɔ hwa arzɛ è hwi è jɔ̀kɛ̀.


Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.


Ò hwèlì ŋgànà iyàwò ò lì hwiya e jɔ̀kɛ̀ ya ama Yerzù.


Ndi imbùnda jà ami kòkò, inyɛ lìlòkɛ̀ là wòtani ema è hwɛni lì hwɛ ndi ò lì ɔŋgɔ ò tenì yà anyu lì ɛndɛ ò worzo. È kànɛ nanù ema è ŋginyà yà Èlìŋgɛ̀ yà Wòtani yè è timbe.


Tɔ̀ njɛnɛ ema à ohvi mato inyɛ à hwèye eyà ema Èlìŋgɛ̀ è ohweyà ŋmèmba. Hwàto ema hwa akayi wòhwe hwa rza ò ŋwa è kpelì yà èlìŋgɛ̀.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ