Yòwanìrzɛ̀ 14:24 - Mokpwe: Bakwery (New Testament)

²⁴ È mɔ̀ ema a rza nò lìŋgànɛ a rza ika hwèyòkòlèlì hwe ami. Hwenè hwèyòhwèlì ema e hwèya, hwe rza enje e hwe ami. Hwe hwèlì ndi e hwe ama Tatɛ̀ ema à mà nò òma.”

Yòwanìrzɛ̀ 14:24 ပူးပေါင်းရင်းမြစ်များ

Matiyò 19:21

Yerzù rzìi a mò alàhwɛ̀ hvɛ nanù ema, “O arza tɛ lì hwɛ ema ò rza òhvɛ njɔ̀mì, ɛ̀ndɛ ò àhwirzɛ̀ lìrzàŋgò la aŋgɔ̀ la arzɛ ò ŋgbe mèlìrza me hwatò wòŋgò wòlì. O gbe tɛ nanù, ò luwa mònàmɛ̀ ò ŋmanyu yà lohwà. Eŋge hvònda ndi ò nò nɔ̀ŋgɔ.”

Yòwanìrzɛ̀ 14:10

O rza lòkɛ̀ nanù ema imba na hwèlì ò tenì ya ama Tatɛ̀, ndèŋgànɛ̀lɛ̀ hvɛ Tatɛ̀ mɔ̀ hvɛ a hwèlì ò tenì ya ami e?” Yerzù rzìi a òhweyà hvɛ hwà-òkòwèlì hwa eni nanù ema, “È mbɔrzi ema na e òhweyà e rza uwɛ̀lɛ̀lɛ̀yi na imba. È mbɔrzi ya ami e hwèlì ndi ya ama Tatɛ̀, ema a hwèlì ò tenì ya ami, ema a gbeyà èwòlò ya eni.

Yòwanìrzɛ̀ 14:15

Yerzù rzìi a òhwa hvɛ nanù ema, “È hwèlì tɛ ema e nò lìŋgàni, e hwɛnì lì ika imbenda ja ami.

Yòwanìrzɛ̀ 14:25

“Nà e òhweyà hwene hweyà hwe arzɛ na òma na e hwèlì na inyɔ.

Yòwanìrzɛ̀ 3:11

Nà e òhweyà e jɔ̀kɛ̀ nanù ema irzɔ jò òhwa ndi mamɛ ema i hwi. I tɛ̀mɛ̀ mbòŋgi ò mamɛ ya arzɛ ema irzɔ i ma ɛnɛ. Ndi tɔ̀ nanù, tɔ̀ mɔ̀kɔ hwa anyu a rzi imanɛlɛ ò lìlòkɛ̀ hweyà ema i hwèlì jò òhwa.

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Yòwanìrzɛ̀ 5:19

Yerzù rzìi a alàhwɛ̀ hwàmbaki hwa wònyà Yudà nanù ema, “Nà è òhweyà è jɔ̀kɛ̀ nanù ema è Ŋmanà wà Lohwà à rza tanɛ lì gbeyà tɔ̀ eyà nà mɔ̀ ŋmìti, à gbeyà ndi mamɛ ema mɔ̀ à ɛni ema Tatɛ̀ wa eni a gbeyà. Tɔ̀ mamɛ ema Tatɛ̀ à gbeyà, è Ŋmanà wa eni mɔhvɛ à è gbeyà.

Yòwanìrzɛ̀ 5:38

È rza uti ŋmɛ̀ndi mò eni ò mèèmà me anyu, èhwanja e rza lòkɛ̀ e mɔ̀ ema no òmi.

Yòwanìrzɛ̀ 7:16

O èŋgànɛ̀lɛ̀ Yerzù à mà hwa alàhwɛ̀ nanù ema, “Hwèyòkòlelì ema na òkòlɛ hwe rza enje e hwe ami, ndi e uwɛ̀lɛ̀lɛ̀yi ndi na e mɔ̀ ema a nò òmi.

Yòwanìrzɛ̀ 7:28

Nà òma Yerzù a mà hwɛ lì òkòlɛ̀ ò Ndawò yà Lohwà, rzìi a kàrzɛ lìlò la eni a òhwa nanù ema, “Ɛ̀ɛ e nò hwi jɔ̀kɛ̀-jɔ̀kɛ̀, rzi e hwi hvɛ èki ema nà uwɛ̀lɛ̀lɛ̀yi. Ndi nà rza jelì anù ò imba mbiti. È mɔ̀ ema a nò òmi à hwèlì è jɔ̀kɛ̀. È rza mò hwi,

Yòwanìrzɛ̀ 8:26

Nà òhvi hweyà rzayì-rzayì ò lì e òhweyà, na lì e kàyìrzɛ̀. Ndi e mɔ̀ ema à mà nò òma, a hwèlì ndi wa jɔ̀kɛ̀. Ndeŋga tɔ̀ mamɛ ema nà mà mò hweyànɛ, na òhweyà e rze.”

Yòwanìrzɛ̀ 8:28

O èŋgànɛ̀lɛ̀ Yerzù rzìi a hwa òhwàna nanù ema, “È hvònda ema e ò kàrzɛ è Ŋmanà wà è Mòtò wà Hwènàmà ò ŋmanyu, lìŋgi lìrzakò òma e ma hwiya ema imba na hwèlì ndi e mɔ̀ ema na òhwa e ma na hwèlì. Ndèŋgànɛ̀lɛ̀ hvɛ ema, ò imba mbiti na rza gbeyà tɔ̀ eyà, ndi na òma Tatɛ̀ à mà nò òkòlɛ̀ na òhwa hwene hweyà.

Yòwanìrzɛ̀ 8:38

Imba na e òhweyà ndi mamɛ ema na ɛni ò ma Tatɛ̀. Ndi inyɔ e gbeyà ndi mamɛ e ɛni na e rzàŋgò ya anyu.”

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.