Yòwanìrzɛ̀ 14:23 - Mokpwe: Bakwery (New Testament)

²³ Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

Yòwanìrzɛ̀ 14:23 ပူးပေါင်းရင်းမြစ်များ

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 14:15

Yerzù rzìi a òhwa hvɛ nanù ema, “È hwèlì tɛ ema e nò lìŋgàni, e hwɛnì lì ika imbenda ja ami.

Yòwanìrzɛ̀ 14:17

Oŋgò Mòòŋgòwànèlì ndi à hwèlì Èlìŋgɛ̀ ema e wurzirzɛ e jɔ̀kɛ̀ ya ama Lohwɛ̀. Hwatò hwa rze hwa rza tànɛyi lì mò emeyà, èhwanja wɔ̀ hwa rzìi mò ɛnɛ, ndèŋgànɛlɛ hvɛ hwa rza mò hwi. Ndi inyɔ e mò hwi, èhwanja a hwèlì na inyɔ, ndèŋgànɛ̀lɛ̀ hvɛ a ò hwɛ ò tenì ya anyu.

Yòwanìrzɛ̀ 14:21

Tɔ̀ njɛnɛ ema a lu imbenda ja ami rzìi a i ika, ò ma mɔ̀ ndi à nò lìŋgàni. È mɔ̀ ema a nò lìŋgàni, a ò lìŋganahwa na Tatɛ̀ wa ami. Imba hvɛ na ò mò lìŋgana, ndèŋgànɛ̀lɛ̀ hvɛ na mò awuŋmɛ̀lɛ̀ imba mbiti.”

Yòwanìrzɛ̀ 14:24

È mɔ̀ ema a rza nò lìŋgànɛ a rza ika hwèyòkòlèlì hwe ami. Hwenè hwèyòhwèlì ema e hwèya, hwe rza enje e hwe ami. Hwe hwèlì ndi e hwe ama Tatɛ̀ ema à mà nò òma.”

Yòwanìrzɛ̀ 15:10

È ikayi tɛ imbenda ja ami, aŋga ndi na e lìŋgàna nanù mɛnɛ. Nànù ndi imba hvɛ na hweyàni imbenda ja ama Tatà wa ami ndèŋgàna a nò lìŋgàni nanù mɛnɛ.

Yòwanìrzɛ̀ 16:27

èhwanja, Tatɛ̀ mɔ̀ ŋmìti à è lìŋgàni. À è lìŋgàni èhwanja è nò lìŋgàni, ndèŋgàna è lòkɛ̀ nanù ema nà uwɛ̀lɛ̀lɛ̀yi ndi nà mɔ̀.

Yòwanìrzɛ̀ 6:56

Tɔ njɛnɛ ema a lelì e nyàmà nyò ya ami rzìi a nyɔ hvɛ màyija ma ami à hwèlì ndi na imba ndèŋgànɛlɛ imba hvɛ na hwèlì ndi na mɔ̀.

Yòwanìrzɛ̀ 8:51

Nà e òhweyà e jɔ̀kɛ̀ ema tɔ̀ ima mòtò ema a ika i mbenda ja ami, mɔ̀ à rza ɛnɛ e kpelì.”

Yòwanìrzɛ̀ 8:52

Hwatò hwa Yudà hwà mà hwèya nanù rzi hwa tɛ na merzeya mèndɛnɛ me hwetàtò nanù ema “Nàŋgɛ nanù, irzɔ i hwi ema ò hwèlì èlìŋgɛ̀ ya wòhwe ema yò ò tàkirzɛ! Abràhamù à mà ŋwa, hwanɛ̀yi hwà-òhwèlì hwa hwèlìŋgɛ̀ wɔ̀ hvɛ hwà mà ŋwa. Ndi ò wa ònò ò òhwa òma, tɔ̀ ima mòtò ema a ikayi e mbɔrzi ya aŋgɔ, e kpelì e rza tànɛyi lì mò keka.

2 Kɔ̀rintìyà 6:16

È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

1 Yòwanìrzɛ̀ 2:24

Inyɔ è àŋgàmɛ̀nɛ̀yi ò lì ɛnɛ nanù ema, ŋmɛ̀ndì ema inyɔ è mà hwèyɛ natɛ̀ɛ nà ò hwèwòtèlì, mò lìyayi ò tenì yà anyu. Ŋmɛ̀ndì ema è mà hwèyɛ mò lìyelì tɛ ò tenì yà anyu, è ò hwɛ nà è Ŋmanà wà ama Lohwɛ̀ nà è Tatɛ̀.

1 Yòwanìrzɛ̀ 2:5

Tɔ̀ njɛnɛ ema à gbeyà mamɛ ema eyà yà ama Lohwɛ̀ è ohwa, à uŋmɛ̀lɛ̀ nà è jɔ̀kɛ̀ nanù ema à mò lìŋgàni kɔ̀yi-kɔ̀yi. Nànù ndi irzɔ ì tànɛyi lì hwiya kɔ̀yi-kɔ̀yi nanù ema ì hwèlì nà Lohwɛ̀.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.

1 Yòwanìrzɛ̀ 5:3

Ì lìŋgàni tɛ Lohwɛ̀ nà è jɔ̀kɛ̀, nanù oma irzɔ ì hwɛni lì ika imbenda jà eni. Ndèŋgana imbenda jà eni ì rza ambi ò lì ika.

2 Yòwanìrzɛ̀ 1:6

Nànù ndi e ndìŋgɛ ya jɔ̀kɛ̀ e hwèlì, e hwèlì ndi nanù ema irzɔ i hwɛnì lì oŋgama imbenda ja ama Lohwɛ̀. Èŋge mbenda na oma inyɔ hwa arzɛ e ma hweye nàtɛ̀ɛ na o hwewòtelì, e hwèlì ndi nanù ema e àŋgàmɛ̀nɛ̀yi lì alìŋgànɛ mɔ̀kɔ na ɔ̀nɛti.

Hwèwulùwèlì 21:22

O tenì ya eŋge mbowà ndɛɛndɛ na rza ɛnɛ e Ndawò ya Lohwà, ehwànja e Rzàŋgo Lòohwɛ̀ lì kàrzami na e Ŋgumà ya Mɔ̀lɛ̀ŋgù wɔ̀ ndi hwa hwèlì nàa e ndawò yà Lohwà.

Hwèwulùwèlì 21:3

Nà ma hweyà lìlo lì ndɛnɛ ema lì uwɛlɛlɛyi o konda ya lìkànèyà lì ohwa nanù ema, “È ɔŋgɔ̀ tɛ, o naŋgɛ èki ya hwèlìyelì hwe ama Lohwɛ̀ e hwèlì ndi na hwatò hwa hwènàmà! Lohwɛ̀ a o lìiya na wɔ̀ èki yɔ̀kɔ ndèŋgànɛ̀lɛ̀ wɔ̀ hvɛ hwa o hwɛ ndi hwatò hwa eni. Lohwɛ̀ a o lìiya èki yɔ̀kɔ na wɔ̀.

Hwèwulùwèlì 22:3

Tɔ̀ mamɛ ema Lohwɛ̀ à mà jemɛ e rza o hwɛ o tenì ya eŋge mbowà ndɛnɛ hvɛ. È konda ya lìkànèyà ya ama Lohwɛ̀ na e ya ama e Ŋgumà ya Mɔ̀lɛ̀ŋgù jo o hwɛ o tenì ya eŋge mbowà ndɛnɛ. Ndeŋgànɛ̀lɛ̀ hwàgbèèlì hwa ama Lohwɛ̀ hwa o mo kanɛ̀.