Yòwanìrzɛ̀ 14:20 - Mokpwe: Bakwery (New Testament)

²⁰ Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.

Yòwanìrzɛ̀ 14:20 ပူးပေါင်းရင်းမြစ်များ

Yòwanìrzɛ̀ 10:38

Ndi imba na e gbèyi tɛ, e hwɛni lì lòkɛ̀ èwòlò ya eni tɔ̀ e hwɛ ndi nanù ema e rza nò lòkɛ̀. Aŋga nanù inyɔ e hwɛni lì lòkɛ̀ na lì hwiya na lì rzɔ̀ŋgìtɛ̀nɛ̀ ŋgelì hvɔ̀kɔ ò i ŋgelì ja arzɛ nanù ema Tatɛ̀ a hwèlì ò tenì ya ami ndèŋgàna imbahvɛ na hwèlì ò tenì ya eni ò ŋgelì ja arzɛ.”

Yòwanìrzɛ̀ 14:10

O rza lòkɛ̀ nanù ema imba na hwèlì ò tenì ya ama Tatɛ̀, ndèŋgànɛ̀lɛ̀ hvɛ Tatɛ̀ mɔ̀ hvɛ a hwèlì ò tenì ya ami e?” Yerzù rzìi a òhweyà hvɛ hwà-òkòwèlì hwa eni nanù ema, “È mbɔrzi ema na e òhweyà e rza uwɛ̀lɛ̀lɛ̀yi na imba. È mbɔrzi ya ami e hwèlì ndi ya ama Tatɛ̀, ema a hwèlì ò tenì ya ami, ema a gbeyà èwòlò ya eni.

Yòwanìrzɛ̀ 14:11

È nò lòkɛ̀yi, na òhwi tɛ nanù ema na hwèlì ò tenì ya ama Tatɛ̀ ndèŋgànɛ̀lɛ̀ hvɛ Tatɛ̀ a hwèlì ò tenì ya ami. È lòkɛ̀yi tɛ eŋge e lòkɛ̀ hvɛ hweyà hwe mànyakà ema na gbeyà.

Yòwanìrzɛ̀ 16:23

Ò wòŋgò wùnyà è rza ò nò ijòwa hvɛ tɔ̀ eyà. Nà è òhweyà ndi è jɔ̀kɛ̀ ema Tatɛ̀ à è ŋgbà ndi tɔ̀ mamɛ ema è ijò ò lìnà là ami.

Yòwanìrzɛ̀ 16:26

Ò wòŋgò wùnyà yò mò ijòwa tɔ̀ mamɛ ò lìnà là ami. Nà rza ò gba à gba è nyò ò lì òhweyà Tatɛ̀ ò lì è ò òŋgòwànà,

Yòwanìrzɛ̀ 17:11

O naŋgɛ na jà lì ò ùŋmanɛlɛ, ò ŋmanà hvònda na rza ò hwɛ hvɛ ò rze ndi wɔ̀ hwa hwèlì nanù mɛnɛ anù rze. Ìi Tatà wa Wòtani! O wa ò hwa kòmbɛ ò e ŋginyà ya lìna la aŋgɔ, lìinà ema ò ma nò ŋgbe, aŋga nanù hwa hwɛ mòtò mɔ̀kɔ na òma irzɔ na òhwa i hwèlì mòtò mɔ̀kɔ.

Yòwanìrzɛ̀ 17:26

Imba na gbèyi nanù ema hwa ò hwiye, na ɛ̀ndɛ ndi ò wòrzò lì gbeyà nanù mɛnɛ, aŋga nanù e ndìŋgɛ ema ò nò hwɛnɛni e ò hwɛ ò tenì ya awu, ndèŋgàna imba hvɛ na hwɛ na wɔ̀.”

Yòwanìrzɛ̀ 17:7

Ndi ò naŋgɛ nanù hwa hwi ema tɔ̀ mamɛ ò ma nò ŋgbe e uwɛ̀lɛ̀lɛ̀yi ndi na ò wa.

Yòwanìrzɛ̀ 6:56

Tɔ njɛnɛ ema a lelì e nyàmà nyò ya ami rzìi a nyɔ hvɛ màyija ma ami à hwèlì ndi na imba ndèŋgànɛlɛ imba hvɛ na hwèlì ndi na mɔ̀.

Ròmànì 16:7

È kɔmè hvɛ Andrɔ̀nìkùrzì na Jùnìyà wònyànyàŋgò hwa ami hwa wònyà Yudà, ema i ma aŋgɛhwɛnɛ ò hwèwòwà. Hwa hwiyahwi kɔ̀yi-kɔ̀yi ò ìtììtènì ja àpɔ̀rzìtòlò. Ndeŋgànɛ̀lɛ̀ wɔ̀ hwà mà lòma lì hwɛ hwàlòkèlì hwa ama Krirztò ndèŋgàna imba na e lòkɛ̀.

Ròmànì 8:1

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

2 Kɔ̀rintìyà 12:2

Nà hwi eyà ema e ma gbeeyɛnɛ mòtò wa Krirztò mɔ̀kɔ lìyomɛ la meya na menì me ma aka. Lohwɛ̀ à mà mo hvùma a mo ɛ̀ndɛ̀nɛ̀ o ŋmanyu yà lohwà lì karzami, na rza hwi ŋga à mà ɛ̀ndɛ ndi o èlìŋgɛ̀ ŋga o nyàmà ya nyo, Lohwɛ̀ mɛnɛ ndi à hwi mamɛ e ma gbèyɛ̀nɛ.

2 Kɔ̀rintìyà 13:5

Inyɛ̀ tɔ̀ ima mɔ̀ wa anyu a àyijànè lòŋgɛ la eni kɔ̀yi-kɔ̀yi o lì hwiya ŋga a lìya ndi nàa hwatò ema hwa lòkɛ̀yì. Imba na hwi nanù ema e hwi nanù ema tɔ̀ ima mɔ̀ wa anyu a hwi nanù ema Yerzù Krirztò a hwèlì o tenì ya eni. È hwèlì tɛ nanù ema tɔ̀ ima mɔ̀ wa anyu a àyijànè mɔ̀ ŋmìti ɔ̀ndi e hwiya o jɔ̀kɛ̀ nanù ema e hwèlì na Krirztò.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

2 Kɔ̀rintìyà 5:19

Mamɛ ema imba na ohwa, e hwèlì ndi lì hvomɛ̀nɛ̀ e kpelì ema Krirztò à mà ŋwèeyà o mbarza. Lohwɛ̀ à mà gbeyà ema hwatò hwa uke o lì ahweyànɛ na mɔ̀. Lohwɛ̀ a rza kɔki wòhwe ema hwatò hwà mà gbeyɛ ndèŋgàna a jo ŋgbelì èwòlò, o lì ohweyà hwatò nanù ema hwa tànɛyi lì hwɛ o ɛ̀yɔ̀lɛ̀ na Lohwà.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Ɛ̀hvìrzìyà 2:10

Lohwɛ̀ à mà jo wèka o lì hwɛ mamɛ ema i hwèlì naŋgɛ. Nà oma i hwèlì mɔ̀kɔ na Yerzù Krirztò, mɔ̀ à jo ŋgbelì lòŋgɛ aŋga nanù, i gbeyà hwèwòlò hwe gbamù nanù ndi Lohwɛ̀ à mà tɛ̀yirzɛ natɛ̀ɛ na e hvonda ya koohwa ema i luwa ene tumba ɛ̀ɛ̀mɛ̀ o lòŋgɛ.

Kòlòrzìyà 1:19

Hwene hweyà hwe hwèlì ndi nanù ehwànja nanù ndi Lohwɛ̀ mɔ̀ ŋmitɛ-ŋmitɛ à hwèlì.

Kòlòrzìyà 1:27

Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.

Kòlòrzìyà 2:9

È rzi emeyà nanù ema hwaŋga hwà-òkòlèlì hwa mòlàŋga hwa e lukɛlɛ, ehwànja e ŋginyà na ɛ̀ɛ̀mɛ̀ ya ama Lohwɛ̀ e hwèlì o tenì ya e nyo ya e mòtò wa hwènàmà ya ama Krirztò.

1 Yòwanìrzɛ̀ 4:12

Tɔ̀ mòtò à rzi ɛni à ɛnɛ Lohwɛ̀, ndi jà alìŋgànɛ tɛ mɔ̀kɔ nà ɔ̀nɛyi, eŋge ŋgànà e hwèlì ndi nanù ema Lohwɛ̀ a hwèlì o ìtììtènì ja arzu ndèŋgàna e ndìŋgɛ ya eni e o ondìrzɛ̀hwɛ̀ o ìtììtènì ja arzu.