Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yòwanìrzɛ̀ 14:17 - Mokpwe: Bakwery (New Testament)

17 Oŋgò Mòòŋgòwànèlì ndi à hwèlì Èlìŋgɛ̀ ema e wurzirzɛ e jɔ̀kɛ̀ ya ama Lohwɛ̀. Hwatò hwa rze hwa rza tànɛyi lì mò emeyà, èhwanja wɔ̀ hwa rzìi mò ɛnɛ, ndèŋgànɛlɛ hvɛ hwa rza mò hwi. Ndi inyɔ e mò hwi, èhwanja a hwèlì na inyɔ, ndèŋgànɛ̀lɛ̀ hvɛ a ò hwɛ ò tenì ya anyu.

အခန်းကိုကြည့်ပါ။ ကော်ပီ




Yòwanìrzɛ̀ 14:17
30 ပူးပေါင်းရင်းမြစ်များ  

È mbɔrzi ema à ò òhwɛ e rza hwɛ e ya eni ndi e uhwɛ̀lɛ̀lɛ ndi ò èlìŋgɛ̀ ya ama e Tatɛ̀ wa eni ema a òhwa ò nyòla ya eni.


Nà òhweyà Tatɛ̀, ndèŋgànɛ̀lɛ̀ mɔ̀ à e ò ŋgbà ò hvɛhvɛ Moòŋgòwànèlì ema a ò hwɛ na inyɔ ihvònda ja arzɛ.


Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.


È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.


Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.


Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.


Ò èŋgànɛ̀lɛ̀ rzɔ mamɛ nà hwɛnì lì gbeyà e? Nà o kanɛ̀ na èlìŋgɛ̀ ya ami, rzi na o kanɛ̀ hvɛ o ŋmèma mo ami. Nà o emba jèembò na èlìŋgɛ̀ ya ami, rzi nà o embà hvɛ jèembò na ŋmèma mo ami.


È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.


Nà lòkɛ̀yi nanù ema e ayèmbɛ inyɔ hwa arzɛ nanù ema e hwèlì ndi nàa e Ndawò yà Lohwà. Ndèŋgana èlìŋgɛ̀ ya ama Lohwɛ̀ e hwèlì, e lìyayi o ìtììtènì ja anyu.


È rza hwi nanù ema è nyo ya anyu è hwèlì ndi hwèlìyelì hwe Èlìŋgɛ̀ yà Wòtani e? Èma e lìyayi o tenì yà nyo yà anyu, ema Lohwɛ̀ a mà è ŋgbè e? Rzèketɛ inyɔ ndi e ohvi i nyo ja anyu, i hwèlì ndi nyo ja ama Lohwɛ̀.


Inyɛ̀ tɔ̀ ima mɔ̀ wa anyu a àyijànè lòŋgɛ la eni kɔ̀yi-kɔ̀yi o lì hwiya ŋga a lìya ndi nàa hwatò ema hwa lòkɛ̀yì. Imba na hwi nanù ema e hwi nanù ema tɔ̀ ima mɔ̀ wa anyu a hwi nanù ema Yerzù Krirztò a hwèlì o tenì ya eni. È hwèlì tɛ nanù ema tɔ̀ ima mɔ̀ wa anyu a àyijànè mɔ̀ ŋmìti ɔ̀ndi e hwiya o jɔ̀kɛ̀ nanù ema e hwèlì na Krirztò.


È Ndawò ya Lohwà e rza ohvi tɔ̀ eyà o lì gbeyà na e ndawò ya lì hvɛhvɛ lohwà. Imba na ohwa ndi nanù èhwanja irzɔ ndi i hwèlì e ndawò yà Lohwà, Lòohwà ema lì hwèlì lòŋgɛ. È hwèlì ndi nanù, na oma e tìlahwì nanù ema Lohwɛ̀ a ohwi nanù ema, “Nà o hwɛ na hwatò hwa amì ndèŋgànɛlɛ na o lìya na wɔ̀. Hwa o no gbeyà ndi nàa e Ndawò ya Lohwà ndèŋgànɛlɛ na o ò hwa wòwa ndi nàa hwatò hwa ami.”


Nà oma e hwèlì ndi hwàanà hwa ama Lohwɛ̀, eŋge eyà e ma gbeyà Lohwɛ̀ o lì jo òmeya Èlìŋgɛ̀ ya ama Ŋmanà eni o mèèmà me arzu. Èŋge Èlìŋgɛ̀ e ma gbeyà ema nàŋgɛ i hwɛlɛ Lohwɛ̀ nanù ema, “Ìi Tatɛ̀.”


Nà oma e hwèlì mòtò mɔ̀kɔ na Krirztò, à mà e lata na hwahvɛhvɛ hwàlòkèlì hwa Krirztò. Nà oma e hwèlì naŋgɛ nanù, e hwèlì ndi nàa wòoŋgi ema Lohwɛ̀ a lìiyaà o tenì. Lohwɛ̀ ema a hwèlì ndi nàa Èlìŋgɛ̀.


Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.


Lohwɛ̀ à arza nanù ema hwatò hwa eni hwa hwiye nanù ema mònàmɛ̀ nà è ndèli yà ama Krirztò è hwèlì hvɛ nanù mɛnɛ ò hwatò ema hwa rza enje wònyà Yudà. È wùndɛ̀ ema è hwèlì ò tenì è hwèlì ndi ema inyɔ e ika mèèmà mè anyu nanù ema, inyɔ è lùwa è ndèli ema Lohwɛ̀ à ohwi nanù ema à ŋgba hwatò wà eni.


Èlìŋgɛ̀ yà Wòtani è hwèlì ò tenì yà arzu, ndèŋgàna yɔ̀ ndi è ò oŋgòwànà ò lì lɛ̀mbɛ kɔ̀yi-kɔ̀yi ŋmɛ̀ndì mò gbamù ema Lohwɛ̀ à ò ŋgbelì ò màà mà aŋgɔ.


Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.


Hwàŋga hwatò ema hwa ika imbenda jà ama Lohwɛ̀, hwa lììyà ò lì ahvìyànɛ̀ nà mɔ̀, ndèŋgànɛ̀lɛ̀ mɔ̀ à lìya ò lì ahvìyànɛ̀ nà wɔ̀. Nànù ndi irzɔ ì hwiya nanù ema Lohwɛ̀ à hwèlì nà irzɔ. Ì hwi nanù ehwànja èlìŋgɛ̀ ema mɔ̀ à mà jò ŋgbɛ.


Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.


Irzɔ ì hwèlì ndi hwatò hwa ama Lohwɛ̀ ndèŋgànɛ̀lɛ̀ tɔ̀ njɛnɛ ema à hwi Lohwɛ̀, à àŋgàmɛ̀nɛ̀yi lì jo òkànèyà. Ndi tɔ̀ njɛnɛ ema à rza enje mòtò wà ama Lohwɛ̀, à rza jò hweyànà. Nànù ndi irzɔ jè embànà Èlìŋgɛ̀ yà jɔ̀kɛ̀ nà èlìŋgɛ̀ ema è lùkɛ̀lɛ̀ hwatò.


Ò hwèlì ŋgànà iyàwò ò lì hwiya e jɔ̀kɛ̀ ya ama Yerzù.


Tɔ̀ njɛnɛ ema à hwɛnì matò inyɛ à okànèyà mamɛ Èlìŋgɛ̀ è ohweyà ŋmèmba. Hwàto ema hwa akayi wòhwe, imba nà ò hwa ŋgbà mana ema imba nà hwa utelì, ndèŋgànɛ̀lɛ̀ nà ò hwa ŋgba hvɛ lìŋyàyi ema lì ɛneyà mbɔ̀mi. Ò ŋmanyu yà lìŋgi lìŋyàyi, hwa mà tìla lìnà lì hvènya ema tɔ̀ mòtò à rza hwiyɛ, lì aka tɛ è mòtò mɛnɛ ema à ò ŋgbahwa lìŋgi lìŋyàyi.’”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ