Yòwanìrzɛ̀ 14:15 - Mokpwe: Bakwery (New Testament)

¹⁵ Yerzù rzìi a òhwa hvɛ nanù ema, “È hwèlì tɛ ema e nò lìŋgàni, e hwɛnì lì ika imbenda ja ami.

Yòwanìrzɛ̀ 14:15 ပူးပေါင်းရင်းမြစ်များ

Matiyò 10:37

“Tɔ̀ ima mòtò ema a lìŋgàni e rzàŋgò tɔ̀ e nyàŋgò ya eni lì nò aka, a rza tànɛyi lì hwɛ e mòòkòwèlì wa ami. Tɔ̀ ima mòtò ema a lìŋgàni e ŋmanà ŋgɔ̀ndɔ̀ tɔ̀ e mberza ya eni lì nò aka, a rza uki hvɛ tɔ̀ lì hwɛ e mòòkòwèlì wà ami.

Yòwanìrzɛ̀ 8:42

Yerzù à mà hwa òhweyà nanù ema, “Lohwɛ̀ à mà hwɛ tɛ e rzàŋgò ya anyu, ò ma e nò lìŋgàni èhwanja na uwɛ̀lɛ̀lɛ̀yi ndi ò ma Lohwɛ̀ ndèŋgànɛ̀lɛ̀ naŋgɛ na hwèlì anù. Nà rza jelì ndi ò hwe lìŋgànelì hwe ami. Ndi mɔ̀ ndi à nò òmi.

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Ɛ̀hvìrzìyà 6:24

Inyɛ̀ è ndèli yà ama Lohwɛ̀ è hwɛ nà hwaŋga hwa arzɛ ema hwa lìŋgàni Rzàŋgo wà arzu Yerzù Krirztò nà ndìŋgɛ ema è rza kùwa.

1 Pètrò 1:8

Inyɔ e mo lìŋgàni, tɔ̀ nɛ e rzi mo ɛni. Inyɔ e mo lòkɛ̀yi tɔ̀ nɛ o naŋgɛ e rzi mo ɛni. O eŋgànɛ̀lɛ̀ rzɔ inyɔ e oke mɔ̀nyɛ̀ŋgi, na màlìŋgo ma ndɛnɛ ema mà rza ohwawa.

2 Yòwanìrzɛ̀ 1:6

Nànù ndi e ndìŋgɛ ya jɔ̀kɛ̀ e hwèlì, e hwèlì ndi nanù ema irzɔ i hwɛnì lì oŋgama imbenda ja ama Lohwɛ̀. Èŋge mbenda na oma inyɔ hwa arzɛ e ma hweye nàtɛ̀ɛ na o hwewòtelì, e hwèlì ndi nanù ema e àŋgàmɛ̀nɛ̀yi lì alìŋgànɛ mɔ̀kɔ na ɔ̀nɛti.