Yòwanìrzɛ̀ 13:33 - Mokpwe: Bakwery (New Testament)

³³ Wònyànyàŋgò wà ami kòkò, nà ò hwɛ ndi nà inyɔ ò ŋmanà hvòka wà hvònda mɛnɛ. Ndi nà òma nà mà òhweyà wònyà Yudà, nanù mɛnɛ ndi nà è òhweyà naŋgɛ nanù ema, ‘Èki ema nà ɛ̀ndɛ, inyɔ è rza tanɛ lì uka aŋga.’

Yòwanìrzɛ̀ 13:33 ပူးပေါင်းရင်းမြစ်များ

Yòwanìrzɛ̀ 13:36

Rzìmɔ̀nì Pètrò rzìi a ijòwa Yerzù nanù ema, “Ìi Rzàŋgò òne ò ɛ̀ndɛ e?” Yerzù rzìi a timbirzɛlɛlɛ nanù ema, “Èki ema na ɛ̀ndɛ, ò rza tànɛyi lì nò òŋgama naŋgɛ, ndi o ò nò òŋgama ò mburzà yà hvònda.”

Yòwanìrzɛ̀ 14:19

O rza wòwa hvònda hvɛ, e rze e rza ò nò ɛnɛ hvɛ. Ndi inyɔ e nò ɛnɛ. Èhwanja na hwèlì lòŋgɛ, inyɔ hvɛ e ò hwɛ lòŋgɛ.

Yòwanìrzɛ̀ 14:2

O ndawò ya ama Tatɛ̀ wa ami i tùu i kòki aŋga. Ndèŋgana na ɛ̀ndɛ aŋga ò lì e rzèkeya èki. È rzi hwɛ tɛ nanù, ò ma na rza e òhweyà nanù ema na ɛndɛ lì e rzèkeya èki.

Yòwanìrzɛ̀ 7:36

À òhwi ama jò ò mò arza ndi ì rza ò mò ɛnɛ. Ndèŋgana ì rza ò tànɛyi lì uka ò èki ema mɔ̀ à ò ɛndɛ. Mamɛ mɔ̀ à ɔ̀ŋgɛ̀lɛ̀ e?”

Gàletìyà 4:19

Ìi hwàanà hwa ami kòkò, o nyòla inyɔ na hweyà mòrziyò ema mo gbèyi ndi nàa molanà ema a hwèlì o mòrziyò mo lìyalì. Ndeŋgànɛ̀lɛ̀ na hweyà moŋgo mòrziyò natɛ̀ɛ ɛ̀ɛ̀mɛ̀ ya ama Krirztò è ò è kpèeyà gbamù.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.

1 Yòwanìrzɛ̀ 4:4

Inyɔ ema è hwèlì nàa hwàanà hwa ami, è hwèlì ndi hwatò hwa ama Lohwɛ̀, ndèŋgànɛlɛ è mà màà lì kpìrzɛ hwà-òhwèlì hwa hwèlìŋgɛ̀ hwa mòlàŋgà. Èhwànja Èlìŋgɛ̀ yà ama Lohwɛ̀ ema è hwèlì ò tenì yà anyu, è imbami lì aka Mòkarzɛ̀ ema à kànèyà hwatò hwa ene rze.

1 Yòwanìrzɛ̀ 5:21

Ò eŋgànɛ̀lɛ rzɔ hwàànà hwa ami kòkò, è rza ohva tɔ̀ eyà ò lì gbeyànà mòohwà mà mòlàŋga.