Yòwanìrzɛ̀ 12:48 - Mokpwe: Bakwery (New Testament)

⁴⁸ È mòtò ema a nò rzɔ̀rzi rzìi a rzi imanɛlɛ hvɛ ŋmɛ̀ndì mò ami, mɔ̀ à òhvi e mɔ̀ ema a mò kàyìrzɛ̀. È mbɔrzi ema na òhwi yɔ ndi e mò kàyìrzɛ̀ ò wùnyà wò hwèkàyìrzèlèlì.

Yòwanìrzɛ̀ 12:48 ပူးပေါင်းရင်းမြစ်များ

Matiyò 10:15

Nà è òhweyà ndi e jɔ̀kɛ̀ nanù ema, ò Wùnyà wò Hwèkàyìrzèlèlì, Lohwɛ̀ à ò uŋmɛ̀lɛ̀ ììlì ò hwatò hwa màmbòwà ma Rzòdòmì na Gòmòrà lì aka mamɛ ema hwaŋga hwatò hwa eŋge mbòwa hwa ò lùwɛ.”

Matiyò 21:42

Yerzù rzi a hwa òhweyà nanù ema, “È rzi laŋgi ò èki ema Èya ya Lohwà e òhwa nanù ema, ‘Lìnyayi ema hwà-òŋgèlì hwà mà hvake na yòma ya ŋgundu, lì ɔ̀ndi lì ma timbɛ lìŋyàyi ema lì endàhwàwɛlɛ. È Rzàŋgò ndi à mà gbeyà ene eyà. Ndèŋgànɛ̀lɛ̀ e hwèlì mànyakà ò mirzɔ̀ ma arzu.’

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Makòrzì 12:10

Eyà ya Lohwà e òhwa nanù ema, ‘Lìnyayi ema hwà-òŋgèlì hwà mà hvake, lɔ̀ndi lì ma timbɛ lìŋyàyi lì endahwɛlɛ.

Makòrzì 16:16

Tɔ̀ ima mòtò ema à lòkɛ̀yi rzìi a lùhwìrzɛ̀hwɛ̀ à ò kɔtɔ̀wɔ. Ndì tɔ̀ ima mòtò ema a rza lòkɛ̀ a ò kɔkìrzɛhwɛ̀.

Makòrzì 8:31

Yerzù rzìi a wòteya lì òkòlɛ̀ hwà-òkòwèlì hwa eni nanù ema, “È Ŋmanà wà è Mòtò wà Hwènàmà à hwɛnì lì taka ò nyayi na nyayi ja hweyà. Hwàmbaki hwa hwatò, ipìlìrzì ndɛnɛ, na hwà-òkòlèlì hwa mbenda hwa hwɛnì lì mò ndinda. À hwɛnì lì òŋwàhwà, ndi ò mburzà ya menya meyàwò à ò hvùmùwà.”

Lukàrzɛ̀ 10:16

Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Lukàrzɛ̀ 17:25

Ndi tɔ̀ nanù, mɔ̀ à lòma lì tàka rzayì-rzayì. À hwɛnì hvɛ lì rzɔ̀rzɔ̀wɔ̀ nà ène nyɔ̀ŋgɔ̀nì ya àrzɛ.

Lukàrzɛ̀ 20:17

Yerzù à ma hwa ɔ̀ŋgɔ lòŋgòlòŋgò, rzìi a hwa ijòwa nanù ema, “Nɛ inyɔ e rzɔ̀ŋgìtɛ̀nɛ̀, eyà ya Lohwà na òma e tìlahwì nanù ema, ‘Lìŋyayì ema hwà-òŋgèlì hwa mà ndinde, lɔ ndi lì ma tìmbɛ̀ɛ lìŋyàyi la wòlìtò.’

Lukàrzɛ̀ 7:30

Ndi Ì Hvàlìrzàyì nà hwà-òkòlèlì hwa mbenda hwa rzi emeyà lìkàkɛ̀nɛ la ama Lohwɛ̀ èhwanja hwà mà rzɔ̀rzɔ̀ lì lùhwìrzɛ̀ lì ama Yòwanìrzɛ̀).

Lukàrzɛ̀ 9:22

Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Lukàrzɛ̀ 9:26

Mòtò à nò òkanì tɛ ìrzɔnì nà hweyòhwèlì hwe amì, È Ŋmanà wà è Mòtò wà hwènàmà mɔ̀ hvɛ à mò òkànà ìrzɔnì lìŋgi lìrzàkò ema à tìmba ònò nà wòtani wà eni, nà è wɔ̀ hwa ama è Rzàŋgò yà enì, nà i aŋgèlì ja wòrzaŋgi.

Yòwanìrzɛ̀ 11:24

Mata rzìi a mò alàhwɛ̀ nanù ema, “A ò hvùmùwà hvɛ e hvònda hwanɛ̀yi hwa arzɛ hwa ò hvùmùwɛ̀ ò wùnyà wò lìrzukù.”

Yòwanìrzɛ̀ 5:45

Tɔ nɛ e rza na emelɛ e rza lùtèyà nanù ema imba ndi na ò hwɛ e mɔ̀ ema a òhweyà Tatɛ̀ wa ami nanù ema e rza nò emelì Mòrzè ema inyɔ e ikayi mahvita mɔ̀ mɛnɛ ndi à hwèlì e mɔ̀ ema a òhwa nanù ema inyɔ e gbèyi wòhwe.

Yòwanìrzɛ̀ 6:39

Ndèŋgànɛ̀lɛ̀ lì lùtèyà la ama e mɔ̀ ema a nò òmi lìini ema ò ìtììtènì ja hwatò hwa arzɛ ema a nò ŋgbelì, na rza wɔ̀lɛ̀nɛ̀ tɔ̀ mɔ̀kɔ, ndi ema na hwa hvùmùlɛ̀ hwa arzɛ ò wùnyà wò lìrzukù.

Yòwanìrzɛ̀ 8:47

È mɔ̀ e ma a hwèlì na Lohwɛ̀, a hwèya mamɛ Lohwɛ̀ a òhwa. Litiŋga mamɛ ndeŋgatɛ inyɔ e rza hwèya, lì hwèlì ndi ema inyɔ e rza enje e hwàa ama Lohwɛ̀.”

Hwègbèèlì 17:31

Èhwanja mɔ̀ à mà rzekeya wùnyà nanù ema mɔ̀ à ò kàyìrzɛ̀ e rze ya arzɛ na hwèkàyìrzèlèlì hwe ehve-ehve. A ma hvɔ̀rzɔ̀ e mòtò ema a kàyìrzɛ mòŋgò ŋmàŋgò. Ndeŋgànɛ̀lɛ̀ mɔ̀ à mà uŋmɛ̀lɛ̀ hwatò hwa arzɛ nanù ema òŋgò mòtò a lòŋgamɛnɛyi na òma à mà mò hvùmùlɛ̀ ò kpelì.”

Hwègbèèlì 3:23

Tɔ̀ njɛ̀nɛ ema a rza hweyàna òŋgò mòòhwèlì wà èlìŋgɛ̀, Lohwɛ̀ a mò ulɛ ò ìtììtènì ja hwatò hwa Lohwɛ̀ ndèŋgànɛ̀lɛ̀ a hvaŋgahwa.’

Ròmànì 2:16

O èŋgànɛ̀lɛ̀ lì hvòmɛ̀nɛ̀ Ŋmɛ̀ndì mò gbamù ema imba na òhwa, nanù ndi e ò hwɛ̀ɛ ò wòŋgò Wùnyà ema Lohwɛ̀ a ò ŋgbàà Yerzù Krirztò e ŋginyà ò lì kàyìrzɛ̀ɛ hwatò, lì hvòmɛ̀nɛ̀ màlùtèyà ma ìwùndɛ̀ ja mèèmà me awu na mamɛ hwa gbeyà ò jututa.

2 Kɔ̀rintìyà 4:3

È hwèlì tɛ ema ŋmɛ̀ndì mo Lohwà mo gbamù ema jo òhwa mo rza kpèelì o mèèmà me lòŋgo la hwatò, e hwɛ rzɔ ndi nanù èhwanja hwaŋga hwatò hwa rza e lòkɛ̀yi. Nà oma hwa rza lòkɛ̀yi Lohwɛ̀, hwa rza o hwɛ na mɔ̀.

2 Tɛ̀rzàlonìyà 1:8

À ò kɔ̀kìrzɛ̀ hwatò ema hwa rzɔ̀rzì Lohwɛ̀, ndèŋgànɛ̀lɛ̀ hwa rzɔ̀rzì ò lì oŋgamà Ŋmɛ̀ndì mò Gbamù ema mò òhwa lì hvomɛ̀nɛ̀ Rzàŋgo wà arzu Yerzù.

Hibrù 10:25

Inyɛ̀ i rza ɔ̀tɔ̀ o lì arzàŋganɛ èki yɔ̀kɔ o i hvonda ja arzɛ na oma hwahvɛhvɛ hwatò hwa gbeyà. Ndi inyɛ ja a kɔ̀mɛ̀lɛ̀nɛ mɔ̀kɔ na ɔ̀nɛyi, rzɛ̀hvɔ̀nì nàŋgɛ ema e ɛnɛ Èyu ya ama Rzàŋgo e ma kombɛnɛ.

Hibrù 12:25

È hwɛnì lì aŋgòwa, nanù ema e rzi ndinda mamɛ ema Lohwɛ̀ a e ohweyà. Hwatò ema hwa rzi hweyàne e mòtò ema Lohwɛ̀ à mà ike o rze o lì kòkòwɛ̀lɛ̀ hwatò hwà mà kɔ̀kìrzɛ̀hwɛ̀. Nà oma hwà mà kɔ̀kìrzɛ̀hwɛ̀, nanù ndi irzɔ hvɛ jo ò kɔ̀kìrzɛ̀hwɛ̀ i rza hweyàni tɛ màyòwà ema mà uwɛ̀lɛ̀lɛ̀yi o ŋmanyu ya Lohwà.

Hibrù 2:3

Nɛ rzɔ, inyɔ e ɔ̀ŋgɛ̀lɛ̀ nanù ema irzɔ i tànɛyi lì hwaŋga ene e kɔ̀kìrzɛ̀, e hwèlì tɛ nanù ema irzɔ̀ i rza hwɛni tɛ e hvonda na mono ŋmɛ̀ndì mò gbamù e? Mono ŋmɛ̀ndì mò gbamù, mɔ̀ ndi mo jànà ene tumba mòrzùŋgèlì. È Rzàŋgo Yerzù mɔ̀ ŋmitɛ ŋmitɛ ndi à lomi lì ohweyà hwatò lì hvomɛ̀nɛ̀ mono ŋmɛ̀ndì mò gbamù. Ndeŋgànɛ̀lɛ̀ hwatò ema hwà mà hweya hweyà ema mɔ̀ à mà ohwe, hwà mà jo gbeyà irzɔ o lì rzɔ̀ŋgìtɛ̀nɛ̀ nanù ema hweŋge hweyà hwe ma hwɛ ndi e jɔ̀kɛ̀.

Hibrù 4:12

È hwèlì e jɔ̀kɛ̀ nanù ema, Eyà ema e uwɛlɛlɛyi o ma Lohwɛ̀, e hwèlì lòŋgɛ, ndèŋgànɛ̀lɛ̀ e hwɛni màyìmbi. È èeyà lì aka rzɔ̀lɔ̀ ema ye hwàhwì ò hwèhvarzù hwe ahwàkɛ. Eyà yà ama Lohwɛ̀ è kpèeyà mòtò natɛ̀ɛ nà ò tenì yà eni nà ò èlìŋgɛ̀ yà eni. È kpèeyà mòtò natɛ̀ɛ nà ò tenì yà matìŋga nà ò tenì yà hwèèrzè. Èŋge eyà è emba màlùtèyà mà mòtò nà tɔ̀ ima eyà ema mòtò à arza lì gbeyà.

1 Pètrò 1:5

Lohwɛ̀ à gbeyàna è ŋginyà yà eni ò lì è kɔmɛ̀lɛ̀ lìlòkɛ̀ là anyu, natɛ̀ɛ è lùwa lì rzuŋgàhwa. Lìŋgi lì rzuŋgàhwa lì ò ɛnɛhwɛ o wùnyà wo lìrzukù.

2 Pètrò 3:3

Eyà ya worzo e aŋgàmɛ̀nɛ̀yi lì rzɔ̀ŋgìtɛ̀nɛ̀ nanù ema o mene mèènyà me lìrzùkù, lòŋgo la hwatò hwa o wurza ema mòŋgɛ ma awu, ma o kànèyàhwɛlɛ ndi na e nyìrzɛ̀ ya awu ya e nyàmà ya nyo hwa e yɔ̀eyà,

2 Pètrò 3:7

Èŋge mbɔrzi mɛnɛ ema Lohwɛ̀ à mà gbeyàne o lì wèka e ŋmanyu yà lohwà na e rze, ɔndi mɔ̀ à gbeyànì o lì kombɛ e ŋmanyu yà lohwà na e rze aŋga nanù a hwe rzɛlɛnɛ mùnya. A hwèlì a ambɛlɛlɛ e ŋmanyu yà lohwà na e rze na hwèkàyìrzèlèlì. Woŋgo wùnyà ɔndi mɔ̀ à o hvàŋgɛ hwatò ema hwa rza ohvi ɛ̀ɛ̀mɛ̀ ya hwatò hwa Lohwɛ̀.