Yòwanìrzɛ̀ 12:45 - Mokpwe: Bakwery (New Testament)

⁴⁵ Tɔ̀ ima mɔ̀ ema a nò ɛni, a ɛni hvɛ e mɔ̀ ema a nò òmi.

Yòwanìrzɛ̀ 12:45 ပူးပေါင်းရင်းမြစ်များ

Yòwanìrzɛ̀ 12:41

Àyìrzayà à mà òhwa ndi nanù èhwanja à mà ɛnɛ èluhwe ndɛnɛ yà ama Yerzù ɔ̀ndeŋgàtɛ̀ à mà òhwa lì mò hvòmɛ̀nɛ̀.

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.

Kòlòrzìyà 1:15

Tɔ̀ mòtò à rza ɛni Lohwɛ̀ nà mììrzɔ̀ mà eni. Ndi hwatò hwa mà rzɔ̀ŋgìtɛ̀nɛ̀ njɛnɛ Lohwɛ̀ à hwèlì è hvonda ema hwa mà ɛnɛ Krirztò, ehwànja mɔ̀ ndi à akɛ̀nɛ̀ Lohwɛ̀. Mɔ̀ ndi à hwèlì ehvòwà yà ŋmanà ema à tɛmì ò ŋmanyu yà hwèèmà hwe arzɛ ema Lohwɛ̀ à mà wèkɛ.

Hibrù 1:3

Oŋgo Ŋmanà ndi à hwèlì ŋmɛ̀ɛ̀nɛ̀nì mò ŋmàye mò ama Lohwɛ̀, ndèŋgànɛ̀lɛ̀ mɔ̀ ndi à jò uŋmɛ̀lɛ̀ njɛnɛ Lohwɛ̀ à hwèlì nà è jɔ̀kɛ̀, à hwèlì ndi nyàyi hvɔ̀kɔ nà oma Lohwɛ̀ mɔ̀ hvɛ à hwèlì. Màyimbì mà hweyà hwe ama oŋgo Ŋmanà, hwe mà gbeyà hweyà hwe arzɛ hwe ɛndɛ ndi ò worzo nà oma hwe àŋgàmɛ̀nɛ̀yi lì hwɛ. Nà oma mɔ̀ à jò hvɔ̀ɔ̀tì ò wòhwe, mɔ̀ à mà jò gbeyà nanù ema i hwɛ wòtani. Ò mburza nanù à mà lìya ò lìyà là momɛ̀ là ama Lòohwɛ̀ ema lì kàrzàmi ò ŋmanyu yà lohwà.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.