Yòwanìrzɛ̀ 12:43 - Mokpwe: Bakwery (New Testament)

⁴³ Hwa mà hwɛ lì gbeyà nanù èhwanja hwa mà lìŋgàna jeka jà hwatò lì aka è lɔ̀ là ama Lohwà.

Yòwanìrzɛ̀ 12:43 ပူးပေါင်းရင်းမြစ်များ

Matiyò 6:2

“O èŋgànɛ̀lɛ̀ rzɔ è ŋgbà tɛ mòtò yòma ema mɔ̀ à endelì, è rza tòŋga rzehwa, nà òma hwatò hwa mèhvìlì hwa gbeyà. Wɔ̀ hwa tòŋga irzehwa ò indawò ja màkanɛ̀ nà ò hwèwòka hwe màlòkò ema hwatò hwa arzàŋganɛ, ema wɔ̀ hwa ɛnɛhwɛ. Nà è òhwèyà ndi è jɔ̀kɛ̀ nanù ema wɔ̀ hwa mà màa lì lùwa mòrzawèlì mò awu mò arzɛ hvɔni.

Lukàrzɛ̀ 16:15

Yerzù rzìi a hwa òhweyà nanù ema, “Inyɔ è a uŋmɛ̀lɛ̀ ò màrzò ma hwatò ema è rzàŋgi, ndi Lohwɛ̀ à hwi mamɛ ema e hwèlì ò mèèmà me anyu. Èŋge eyà ema hwatò hwa wò wòlìtò rzayì-rzayì, e hwèlì ndi nàa lòwa lì uŋgbàa ò wòrzò wò ama Lohwɛ̀.”

Lukàrzɛ̀ 19:17

Èŋge kiŋgɛ̀ rzìi è mò òhweyà nanù ema, ‘Ò gbèyi gbamù. Ò hwèlì ndi mògbèèlì hwà gbamù! Kànatɛ ò tànɛyi lì ɔ̀ŋgeyà hwàna hweyà, ò èŋgànɛ̀lɛ̀ nà ò ŋgba lìyòmɛ̀ là màmbòwà ò lì mà kànèyà.’

Yòwanìrzɛ̀ 12:26

Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.

Yòwanìrzɛ̀ 5:41

“Nà rza arza ndi èluhwe ya hwatò hwa hwènàmà.

Yòwanìrzɛ̀ 5:44

È ayèkanɛ̀ tɛ mɔ̀kɔ na ɔ̀nɛyi e hweyà gbamù, ndi e rza gbeyà tɔ̀ eyà ò lì lùwa jèeka ema i uwɛlɛlɛ ndi na Lohwɛ̀. Nɛ rzɔ e tànɛyi lì nò lòkɛ̀ e?

Yòwanìrzɛ̀ 7:18

Tɔ̀ ima mòtò ema a òhwà na è wònjà ya eni a gbeyà ndi nanù ò lì arzɛlɛ èluhwe na mɔ̀ ŋmìti. Ndi e mɔ̀ ema a arza èluhwe ya e mɔ̀ ema a mò òmi, a hwèlì ehve-ehve a rza enje mòtò ema a kɔwu hweyà.

Yòwanìrzɛ̀ 8:54

Yerzù ama hwa timbirzɛlɛlɛ nanù ema “È hwèlì tɛ ema na akàrzɛ̀yi imba mbiti, lì kàrzɛ̀lɛ̀hwɛ̀ lì ami lì rza òhva tɔ̀ wòlìtò. Rzàŋgò wa ami, ema inyɔ e kɔti nàa Lòohwà là anyu, mɔ̀ ndi à hwèlì e mɔ̀ ema a nò kàrzɛ.

Ròmànì 2:29

Jàyɛ̀, ò tɛ̀ɛ̀tɛ̀ɛ e wònja ya wònyà Yudà e hwèlì ndi òŋgò mòtò ema a hwèlì wònyà Yuda ò tenì ya ŋmèma, ene ŋgàna e hwèlì ndi nanù ema, mòtò ema à mà endàhwɛ̀ ò ŋmèma, ndèŋgàna ene èwòlò e gbeyàhwa ndi na Èlìŋgɛ̀ ya ama Lohwɛ̀, rzeketɛ e ya e mbenda ema e tìlahwì. Èŋge tumba mòtò e ekàhwà na Lohwɛ̀ rzeketɛ ò hwatò hwa hwènàmà.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

2 Kɔ̀rintìyà 10:18

Rzeketɛ hweyà hwe gbamù ema mòtò à ohwanɛ̀lɛ ò mɔ̀ ŋmìti ndi hwe uŋmɛ̀lɛ̀ nanù ema à emànɛ̀lɛ̀hwɛ̀ nàa àpɔ̀rzìtòlò, ndi è mòtò wà jɔ̀kɛ̀ ema Lohwɛ̀ à ohwa hweyà hwe gbamù lì hvomɛ̀nɛ̀ mɔ̀ ndi à emeyàhwɛlɛyi.

1 Tɛ̀rzàlonìyà 2:6

I rzi arze nanù ema inyɔ tɔ̀ hwahvɛhvɛ hwàtò hwa i eke.

1 Pètrò 3:4

Ndi hwe e hwiye ndi o mòlòŋgà ema mo uwɛ̀lɛ̀lɛ̀yi ndi o tenì ya anyu moŋgo mòlòŋgà mo rza àyèŋgòwɛ̀ ehwànja mo uwɛ̀lɛ̀lɛ̀yi ndi o èlìŋgɛ̀ ema e arzihwirzɛ na lì hwɛ hviyayi. Moŋgo mòlòŋgà mɔ̀ ndi Lohwɛ̀ a ɛnɛ nanù ema mo hwèlì wòlìto.