Yòwanìrzɛ̀ 12:40 - Mokpwe: Bakwery (New Testament)

⁴⁰ “Lohwɛ̀ à mà tìmbìrzɛ̀ mììrzɔ̀ mà awu ndima, rzìi à hwa ŋgbà hvɛ mèèmà ema me eti, aŋga nanù hwa rza ɛnɛ, ndèŋgàna hwa rza rzɔ̀ŋgìtɛ̀nɛ̀. Aŋga nanù hwa gbe tɛ nanù hwa nò tìmbeyà òma nà mà hwa wɔ̀wìrzɛ̀.”

Yòwanìrzɛ̀ 12:40 ပူးပေါင်းရင်းမြစ်များ

Matiyò 15:14

È rza atàkìrzɛ̀ ò nyòla ya awu! Hwa hwèlì ndi hwàtìmbèlì hwa ndima; mòtò wa ndìma a timbì tɛ òhvɛhvɛ mòtò wà ndìma, hwahwàkɛ hwa undà ò tenì yà èhvɔ̀ndì.”

Makòrzì 4:12

À mà gbeyà ndi nanù ema, tɔ̀ hwa ɛnɛ̀ hwa rzà èmbàneyà, tɔ̀ hwa hweyà hwa rzà rzɔ̀ŋgìtɛ̀nɛ̀, èhwanja hwa rzɔ̀ŋgìtɛ̀nɛ̀yi tɛ hwa tìmba ò mà Lohwɛ̀ òma à mà hwa làkìrzɛ̀.”

Makòrzì 6:52

Hwà-òkòwèlì hwà mà tàmà èhwanja, wɔ̀ hwa rzi rzɔ̀ŋgìtɛ̀nɛ̀ jànda ja mànyakà mà eyà ema Yerzù a lìrzɛyi hwèkòlì hwèta hwe hwatò. Hwà-òkòwèlì hwa eni hwa rzi tanɛ̀yi lì ayèmbɛ.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Lukàrzɛ̀ 8:10

Yerzù à mà hwa alàhwɛ̀ nanù ema, “Lohwɛ̀ à è ŋgbèlì è wònjà yà lì hwiyà ìwùndɛ̀ jà Lìkànèyà là ama Lohwɛ̀. Ndi hwanɛ̀yi hwatò hwa arzɛ hwa hweyànà ndì Lìkànèyà là ama Lohwɛ̀ nàa meyànà aŋga nanù, tɔ̀ nɛ̀ hwa ɔ̀ŋgɔ, hwa rzà èmba, hwa hweyà, ndi hwa rzà rzɔ̀ŋgìtɛ̀nɛ̀.

Yòwanìrzɛ̀ 12:39

Ò èŋgànɛ̀lɛ̀ hwa rzi tànɛyi lì lòkɛ̀. Àyìrzayà à mò òhwa ò èhvɛhvɛ èki nanù ema,

Yòwanìrzɛ̀ 9:39

Yerzù a òhwa nanù ema, “Imba na jelì ndi anù rze lì kaya, aŋga nanù i ndima ja ɛnɛ, rzìi hwaŋga ema hwa ɛnɛ hwa hwɛ ndima.”

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 28:26

‘Ɛndɛ ò òhweyà hwaŋga hwatò nanù ema, È òkànèyà ndèŋgànɛlɛ e òkànèyà hvɛ ndi e rza ò rzɔ̀ŋgìtɛ̀nɛ̀, e ɔ̀ŋgɔ ndèŋgànɛlɛ e ɔŋgɔ hvɛ ndi e rza ò ɛnɛ tɔ̀ yòma.

Hwègbèèlì 3:19

È àyèŋgòwɛ̀ rzɔ nàŋgɛ̀, ò wòhwe wò anyu e tìmbèyà Lohwɛ̀, aŋga nanù à è làkirzɛ̀ wòhwe wò anyu.

Ròmànì 9:18

O eŋgànɛ̀lɛ̀ rzɔ, Lohwɛ̀ mɔ̀ à hwɛnɛ ììlì ò tɔ̀ ima mòtò ema mɔ̀ à mà hvɔ̀rzɔ̀, ndeŋgànɛ̀lɛ̀ mɔ̀ à mà gbeyà tɔ̀ ima mòtò ò lì hwɛ maniya na òma mɔ̀ à arza nanù ema a hwɛ maniya.