Yòwanìrzɛ̀ 12:38 - Mokpwe: Bakwery (New Testament)

³⁸ Ène eyà è mà gbèyɛ̀nɛ ndi ò lì òndìrzɛ̀ hwèyòhwèlì hwe ama è mòòhwèlì wà èlìŋgɛ̀ Àyìrzayà ema hwe òhwa nanù ema, “Rzàŋgò njɛnɛ à lòkɛ̀yi ŋmɛ̀ndì ema irzɔ i mà òhwe e? Njɛnɛ à mà ɛnɛ è ŋginyà yà aŋgɔ rzìi à è embàneyà e?”

Yòwanìrzɛ̀ 12:38 ပူးပေါင်းရင်းမြစ်များ

Matiyò 15:7

Inyɔ hwatò hwa mèhvìlì! È Mòòhwèlì wa Èlìŋgɛ̀ Àyìrzayà à mà hvòmɛ̀nɛ̀ lìrzàkò ema à mà òhwe ò èlìŋgɛ̀ lì e hvòmɛ̀nɛ̀ nanù ema,

Matiyò 16:17

Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.

Matiyò 27:35

Hwa wòmeyà Yerzù ò mbarza. Rzìi hwà òka mèrzɔ̀ɔ̀nì ò lì hwàa è mbɔ̀ti ya eni.

Yòwanìrzɛ̀ 12:37

Tɔ̀ nɛ Yerzù à mà gbeye manù mànyakà ma arzɛ ò marzò ma awu, eŋge ŋgindi e rzi mò lòkɛ̀.

Yòwanìrzɛ̀ 12:39

Ò èŋgànɛ̀lɛ̀ hwa rzi tànɛyi lì lòkɛ̀. Àyìrzayà à mò òhwa ò èhvɛhvɛ èki nanù ema,

Yòwanìrzɛ̀ 15:25

Ène eyà e ma hwɛnɛ lì gbèyɛ̀nɛ mɛnɛ, ò lì òndìrzɛ̀ mamɛ ema e tìlahwì ò e mbenda ya awu nanù ema, ‘Hwà mà nò kɔwu ŋgundɛ-ŋgundɛ.’”

Yòwanìrzɛ̀ 17:12

È hvònda nà mà hwɛ na wɔ̀ nà mà hwa kòmbɛ ò e ŋginyà ya lìinà la aŋgɔ, lìinà ema ò ma nò ŋgbe. Nà ma hwa kòmbɛ, ò rza enje tɔ̀ mɔ̀kɔ ema a wɔ̀ɔ lì aka tɛ e mòtò ema à mà hwɛnɛ lì wɔ̀ aŋga nanù e gbèyɛ̀nɛ na òma e tìlahwì ò Kaàti ya Lohwà.

Yòwanìrzɛ̀ 19:24

Àŋga ndi hwa òhwalɛnɛ nanù ema, “I rza lì ŋyàawà. Ja aŋgbe ndi lìnjaŋgà jò ɔ̀ŋgɔ njɛnɛ a lì kùwàna.” Ène ema gbèyɛ̀nɛ ndi ò lì òndìrzɛ̀ mamɛ ema e ma tìlahwa ò Kaàti ya Lohwà nanù ema, “Wɔ̀ hwiti hwà mà a kahwɛnɛ̀ màatù ma ami. Rzi hwa aŋgbaanɛ hvɛ lìnjaŋgà ò lì kawa mòŋgòmbè mò ami.” O èŋgànɛ̀lɛ̀ nanù ndi hwaŋga hwàanà njuma hwà mà gbèye.

Ròmànì 10:16

Rzeketɛ hwatò hwa arzɛ wɔ̀ ndi hwa mà emeyà Ŋmɛ̀ndì mò Gbamù. È mòòhwèlì wà èlìŋgɛ̀ Àyìrzayà mɔ̀ ŋmìti à mà òhwa nanù ema, “Ìi Rzàŋgò njɛnɛ hwa awu à lòkɛ̀ mònò ŋmɛ̀ndì ema jò òhwa e?”

Ròmànì 10:20

Ndeŋgànɛ̀lɛ̀ e mòòhwèlì wà èlìŋgɛ̀ Àyìrzayà mɔ̀ hvɛ à mà emeyà ò lì alàhwɛ̀ na òma Lohwɛ̀ à mà òhwe. Mɔ̀ a òhwa ò mòte nanù ema, “Nà mà lùwahwa na hwaŋga hwatò ema hwa rzi hwɛ lì nò arza. Nà ma àwùlùhwɛlɛ imba mbiti ò hwaŋga hwatò ema hwa rzi hwɛ lì nò ijòwa.”

1 Kɔ̀rintìyà 1:24

Ndi Lohwɛ̀ à hwɛlɛyi hwatò ò lì rzuŋgahwa. Lòŋgò là awu hwa hwèlì ndi wònyà Yudà hwanɛyi hvɛ hwatò hwa Grìki. Ò hwanù hwatò monò ŋmɛ̀ndì ema ì ohwa mò hwèlì ndi Krirztò, Mɔ̀ ndi à hwèlì è ŋginyà yà ama Lohwɛ̀ nà lìhwiyè là ama Lohwɛ̀.

Gàletìyà 1:16

A ma no wuluhweyà è Ŋmanà wà eni, aŋga nanù imba na ohweyà hwaŋga hwatò ema hwa rza enje wònyà Yudà ŋmɛ̀ndì mò gbamù mo ama oŋgo ŋmanà wa eni. Nà oma à mà gbeye nanù, na rzi ɛndɛ o lì ùŋmànɛ̀lɛ̀ tɔ̀ mòtò tɔ̀ mɔ̀kɔ wa hwènàmà o lì no òkolɛ mamɛ ema na hwɛni lì gbeyà.