Yòwanìrzɛ̀ 12:19 - Mokpwe: Bakwery (New Testament)

¹⁹ Ihvàlìrzàyì rzìi i àwòhwànɛ̀lɛ̀ mɔ̀kɔ nà ɔ̀nɛyi nanù ema, “È ɔ̀ŋgɔ tɔ̀ nàŋgɛ nanù ì rza tànɛyi lì gbeyà tɔ̀ eyà. È rze ya arzɛ e hwèlì e mò òŋgama.”

Yòwanìrzɛ̀ 12:19 ပူးပေါင်းရင်းမြစ်များ

Matiyò 21:15

Ndi na òma Ipìlìrzì ndɛnɛ na Hwà-òkòlèlì hwa mbenda hwà mà ɛnɛ hwenè hweyà hwe mànyakà ema Yerzù à mà hwɛ lì gbeyà, ndèŋgànɛ̀lɛ̀ hvɛ merzeya ema hwàna hwarzàlì hwà mà hwɛ lì tɛ nanù ema, “Jèèka i hwɛ na è Ŋmanà wà e nyɔ̀ŋgɔ̀nì ya ama Dàhwitì,” hwà mà tàta rzayi-rzayi.

Yòwanìrzɛ̀ 12:18

Lìtìŋga lìŋgi ndèŋgàtɛ̀ è ŋgìndì è mà ɛndɛ lì ùŋmanɛlɛ Yerzù èhwanja hwa mà hwèya nanù ema à gbèye manù mànyakà mà hweyà.

Yòwanìrzɛ̀ 12:20

Lòŋgò la hwatò hwa Grìki hwà mà hwɛ na hwanɛ̀yi hwatò ema hwà mà ɛ̀ndɛ ò Jèrurzalɛ̀mù lì kanɛ̀ ò e hvònda ya è Ndèma yà lì Aka Ɔ̀nɛyi.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Yòwanìrzɛ̀ 3:26

Hwà mà jèeyà Yòwanìrzɛ̀ rzìi hwa mò òhweyà nanù ema, “Ìi Mòòkòlèlì kòkò, ò ɔ̀ŋgɛ̀lɛ̀ e mòtò ema à mà hwɛ na ò wa ɔ̀nɛyi èhvarzù ya mòrzò mò Jɔdànì e? È mɔ̀ ema ò ma hwɛ lì òhwa hweyà lì mò hvòmɛ̀nɛ̀. Wa ɔ̀ŋgɔ tɛ! Mɔ̀ ndi à lùhwìrzɛ̀ hwatò nanù! Ndeŋgana rzayi-rzayi ja hwatò hwa mò ɛndeya.”

Hwègbèèlì 17:6

Ndi na òma hwà mà arze Pàwolò na Rzàyilarzi rzìi hwa rzi hwa luwe, hwà mà kòòwà Jèrzɔ̀nì na hwahvɛhvɛ hwatò ema hwà mà lòkɛ̀ Yerzù rzìi hwa hwà jànà ò wòrzò wò hwàtimbelì hwa e mbòwa ndɛnɛ. Hwàŋga hwatò hwà mà hwɛ lì tɛ nanù ema, “Hwanu hwatò ema hwà mà gbèèyɛ̀ kàyɛ ò e èki ya arzɛ, hwàanù nàŋgɛ hwà mà jò jàneya irzɔ hvɛ lùwànje ò mbòwa ndɛnɛ ya arzu.

1 Yòwanìrzɛ̀ 2:2

Krirztò ŋmìti à mà hwɛ ndi nàa jàhwèyà ema Lohwɛ̀ à mà gbeyàne o lì jo kɔ̀tɔ̀ o wòhwe ema i ma gbeye. A ma gbeyà ndi nanù aŋga nanù irzɔ i luwa lì làkìrzɛnɛ. Rzeketɛ o wòhwe wo arzu mɛnɛ ndi o wòhwe wo hwatò hwa arzɛ hwa ene rze.