Yòwanìrzɛ̀ 12:17 - Mokpwe: Bakwery (New Testament)

¹⁷ È ŋgindi ema è mà hwɛ nà Yerzù è hvònda ema à mà hwɛlɛ Làrzàrɔ̀rzì ò rzɔ̀ŋgɔ̀ rzìi à mò timbirzɛ ò lòŋgɛ, wɔ̀ hwa mà hwɛ lì nyàlirzɛ̀ meŋge meyàŋgò.

Yòwanìrzɛ̀ 12:17 ပူးပေါင်းရင်းမြစ်များ

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 1:32

Yòwanirzɛ rzìi à mò tɛ̀meyà mbòŋgi à òhwa nanù ema, “Nà mà ɛnɛ èlìŋgɛ̀ yà wòtani è uwɛlɛlɛ ò ŋmanyu yà lohwà nàa mbeŋga rzìi è tɛ̀mɛ̀ ò ŋmanyu yà eni.

Yòwanìrzɛ̀ 1:34

Nà mà ɛnɛ hwene hweyà hwe arzɛ, ò èŋgànɛ̀lɛ̀ nà tɛ̀mi mbòŋgi ò lì òhwa ema mɔ̀ ndi à hwèlì è Ŋmanà wà ama Lohwɛ̀.”

Yòwanìrzɛ̀ 11:31

Nà òma hwatò hwa wònyà Yudà ema hwà mà hwɛ ò ndawò ò lì arzarzɛ Màlìyɛ̀, hwà mà ɛnɛ na òma Màlìyɛ̀ ahwèŋgɛ̀ ò lì ɛndɛ ò rzɔ̀ŋgɔ̀ ya ama Làrzàrɔ̀rzì hwà mà ɔ̀ŋgɛ̀lɛ̀ nanù ema a ɛndɛ ndi àŋga ò lì eyà. O èŋgànɛ̀lɛ̀ rzɔ hwà mà mò òŋgama aŋga.

Yòwanìrzɛ̀ 11:42

Nà hwi nanù ema ò òkànèyà màkanɛ̀ ma ami ihvònda ja arzɛ, na òhwa ndi nanù aŋga nanù hwanù hwatò ema hwa ukelì anù hwa lòkɛ̀ nanù ema ò wa ndi ò nò òmi.”

Yòwanìrzɛ̀ 12:9

Ŋgindi ndɛnɛ ya wònyà Yudà e ma hwèya nanù ema Yerzù a hwèlì ò e mbòwà ya Bɛ̀tanì. O èŋgànɛ̀lɛ̀ hwà mà ɛ̀ndɛ aŋga. Rzekɛ hvɛ tɛ ema Yerzù a hwèlì aŋga ndi ò lì ɛnɛ Làrzàrɔ̀rzì ema Yerzù à mà timbirzɛ ò lòŋgɛ.

Yòwanìrzɛ̀ 19:35

È mòtò ema à mà ɛnɛ hwene hweyà na òma hwe ma gbèyɛ̀nɛ à mà tɛ̀mɛ̀ mbòŋgi, ndèŋgàna e mbòŋgi ya eni e hwèlì ndi e jɔ̀kɛ̀. A hwi nanù ema a òhwa ndi e jɔ̀kɛ̀, ndèŋgàna a òhwa ndi hwene hweyà nanù ema inyɔ hvɛ e lòkɛ̀.

Yòwanìrzɛ̀ 21:24

È mòòkòwèlì ò nò ema a tɛ̀mɛ̀ mbòŋgi ya hwene hweyà ndèŋgàna mɔ̀ ndì a hwe tilì. Ndèŋgana i hwi nanù ema tɔ̀ mamɛ a òhwi e hwèlì ndi e jɔ̀kɛ̀.

Hwègbèèlì 1:22

lìwòteyà e hvònda ema Yòwanìrzɛ̀ à mà hwɛ lì lùhwìrzɛ̀ hwatò lì uka e hvònda ema Lohwɛ̀ à mà gbeye Yerzù a ɛndɛ ò ŋmanyu ya Lohwà. Mɔ̀ hvɛ a hwɛni ndi lì hwɛ mòtò ema à mà tɛ̀mɛ̀ mbòŋgi ò hwèhvùmùwèlì hwe ama Yerzù.”

Hwègbèèlì 5:32

Irzɔ ì hwèlì ndi mbòŋgi ò hwenè hweyà hwe arzɛ ema hwe mà gbèyɛ̀nɛ̀. Èlìŋgɛ̀ yà Wòtani yɔ̀ hvɛ è hwèlì ndi mbòŋgi. Ndeŋgànɛ̀lɛ̀ yɔ̀ ndi è hwèlì làhweyà ema Lohwɛ̀ à ŋgba hwatò ema hwa mò hweyàna.”

Hwèwulùwèlì 1:2

Ndeŋgànɛ̀lɛ̀ Yòwanìrzɛ̀ ndi à mà ohwa hweyà hwe arzɛ na oma mɔ̀ à mà hwe ɛneya. Hwene hweyà hwe ɔndi mɔ̀ à mà ohwe o lì hvomɛ̀nɛ̀ ŋmɛ̀ndì ema mo ò uwɛ̀lɛ̀lɛ̀yi o ma Lohwɛ̀ na e mboŋgi ema mɔ̀ à tɛmeya Yerzù Krirztò.