Rzayi-rzayi ja hwatò hwà mà hwɛ lì mò jèeya. Hwàŋga hwatò hwà mà hwɛ lì òhwa nanù ema, “Yòwanìrzɛ̀ è Mòlùhwìrzèlì a rzi hwɛ lì gbeyà hweyà hwe mànyakà ndì tɔ̀ mamɛ ema à mà òhwe lì hvòmɛ̀nɛ̀ ònò mòtò hwe hwèlì ndì e jɔ̀kɛ̀.”
Nà òma hwatò hwa wònyà Yudà ema hwà mà hwɛ ò ndawò ò lì arzarzɛ Màlìyɛ̀, hwà mà ɛnɛ na òma Màlìyɛ̀ ahwèŋgɛ̀ ò lì ɛndɛ ò rzɔ̀ŋgɔ̀ ya ama Làrzàrɔ̀rzì hwà mà ɔ̀ŋgɛ̀lɛ̀ nanù ema a ɛndɛ ndi àŋga ò lì eyà. O èŋgànɛ̀lɛ̀ rzɔ hwà mà mò òŋgama aŋga.
Tɔ̀ nɛ hwatò rzayì-rzayì nà tɔ̀ lòŋgò là hwàmbakì hwa hwatò hwa mà lòkɛ̀ Yerzù. Ndi nà òma hwa mà òke Ihvàlìrzàyì wɔ̀ŋgɔ̀ hwa rzi à uŋmɛ̀lɛ̀ wɔ̀ hwiti, ehwànja hwa mà òka wɔ̀ŋgɔ̀ ema hwa ò hvàyàhwa ò tenì yà è ndawò yà màkanɛ̀.
Ndi tɔ̀ nanù rzayì-rzayì ja hwatò ò ìtììtènì ja èŋge ŋgìndì hwa mà mò lòkɛ̀. Wɔ̀ hwà mà hwɛ lì òhwa nanù ema, “È Mɔ̀ ema a Ɔ̀kirzɛ̀hwɛ̀yi a jelì tɛ, a ò gbeyà hwèmbànèlì hwe mànyakà ema hwe ò aka hwenè hweyà ema ònò mòtò amà gbeyà e?”