Yòwanìrzɛ̀ 11:39 - Mokpwe: Bakwery (New Testament)

³⁹ Yerzù rzìi a òhwa nanù ema, “È ulɛ lìŋgi lìŋyàyi” ndi Mata ema à mà yahwa na Làrzàrɔ̀rzì rzìi a òhwa nanù ema, “Ìi Rzàŋgò ŋmìimbà mò eni mò mà wòteyà lì uŋgba naŋgɛ èhwanja mò ma uka menya menii ò rzɔ̀ŋgɔ.”

Yòwanìrzɛ̀ 11:39 ပူးပေါင်းရင်းမြစ်များ

Makòrzì 16:3

Nà òmà hwà mà hwɛ lì ɛ̀ndɛ, rzìi hwa àyijòwànɛ̀ mɔ̀kɔ nà ɔ̀nɛyi nanù ema, “Njɛnɛ à jò iŋgòlɛlɛ lìŋgi lìyayi ema lì kekayi hwekpèèlì hwe èŋge rzɔ̀ŋgɔ̀ e?”

Yòwanìrzɛ̀ 11:17

Nà òma Yerzù à mà ùke ò Bɛ̀tanì à mà ùŋmànɛ̀lɛ̀ ema hwà mà màa lì imeya Làrzàrɔ̀rzì à mà hwɛ ò rzɔ̀ŋgɔ̀ mèenyà menii merzurzu.

Hwègbèèlì 13:36

Irzɔ i hwi nanù ema e hvònda ema kiŋgɛ Dàhwitì a hwèlì lòŋgɛ, à mà gbèeya Lohwɛ̀ na òma Lohwɛ̀ à mà arze. O mburza nanù, à mà ŋwa, hwà mà mò imeya ò ekì ema hwà mà imeya imbamba ja eni ò eŋgànɛ̀lɛ̀ à mà rzɔ̀mbɔ̀.

Hwègbèèlì 2:27

Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

2 Kɔ̀rintìyà 2:16

O hwatò ema hwa hwèlì o njiya ema e rzɔ̀lɛ̀nɛ̀ Lohwɛ̀, ŋmɛ̀ndì mò gbamù ema irzɔ i hwa ohweyà, mo hwèlì ndi nàa erzunju ya tòòtòò ya wòhwe ema e hwa oŋwa. Hwanɛyi hwatò ema hwa hwèlì o njiya ya lì ɛndɛ o ma Lohwɛ̀, ŋmɛ̀ndì mò gbamù ema i hwa ohweyà, mò hwèlì ndi nàa erzunju ya gbamù ya hvɛ̀ɛ̀hvɛ̀ èhwanja irzɔ i hwèlì i hwa ohweyà nanù ema, wɔ̀ hwa o hwɛ o lòŋgɛ na Lohwɛ̀ o gbìndèyà na gbìndèyà. Njɛnɛ rzɔ a tànɛyi o lì gbeyà ene tumba èwòlò e?

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.