Yòwanìrzɛ̀ 11:38 - Mokpwe: Bakwery (New Testament)

³⁸ Yerzù à mà wukumeya ŋmèma hvɛ. O èŋgànɛ̀lɛ̀ à mà ɛndɛ ò rzɔ̀ŋgɔ̀. Èŋge rzɔ̀ŋgɔ e ma hwɛ ndi rzɔ̀ŋgɔ ema e ma hvòkòwahwa ò lìŋyàyi. Hwèkpèèlì hwe ma umbahwa ndi na lìŋyàyi.

Yòwanìrzɛ̀ 11:38 ပူးပေါင်းရင်းမြစ်များ

Matiyò 27:60

Rzìi à naŋgɛ̀lɛ mòŋgò ŋmììmbà ò rzɔ̀ŋgɔ̀ yà eni ema è mà hvòmàhwà ò tenì yà ekɔ̀kɔ̀ yà lìŋyàyi. Èŋge rzɔ̀ŋgɔ̀ è mà hwɛ ndi rzɔ̀ŋgɔ̀ hvènya yà ama Jòrzɛ̀hvù. Ò mburza nanù, rzìi à iŋgòlɛ lìŋyàyi lì ndɛ̀ɛ̀nɛ̀ ò lì umba hwèkpèèlì hwe eŋge rzɔ̀ŋgɔ̀ rzìi à ɛndɛ è yà eni.

Matiyò 27:66

O èŋgànɛ̀lɛ̀ rzɔ, wɔ̀ hwà mà ɛ̀ndɛ rzìi hwa ika embànèlì ò lìŋgi lìŋyàyi ema lì ma ikawa ò lì keka e wàna ya eŋge rzɔ̀ŋgɔ̀, aŋga nanù hwa hwiya ŋga mòtò a lìhvò eŋge rzɔ̀ŋgɔ̀. Hwà mà lìya hwaànelì wa njuma aŋga ò lì ɔŋgeya eŋge rzɔ̀ŋgɔ̀.

Makòrzì 15:46

Jòrzɛ̀hvù rzìi à anda mbɔ̀mi yà lìhwàtù. À rzìhwìrzɛ̀ èŋge èèmbè yà ama Yerzù. À lìŋgɛ̀lɛ̀ èŋge èèmbè nà lìŋgi lìhwàtù, rzìi à naŋgɛlɛ èŋge èèmbè yà ama Yerzù ò tenì yà rzɔ̀ŋgɔ̀ ema è mà hvòmàhwà ò tenì yà lìŋyayì. À mà kulɛ̀ rzìi à iŋgòlɛ lìŋyayi lì ndɛ̀ɛ̀ndɛ̀ ò lì umba hwèkpèèlì hwe èŋge rzɔ̀ŋgɔ̀.

Makòrzì 8:12

A ma rzìyòwa hvɔ̀ɔ̀ rzìi a òhwa nanù ema, “Mamɛ ndèŋgàtɛ̀ ene nyɔ̀ŋgɔ̀nì ya arza embànèlì e? Nà e òhweyà e jɔ̀kɛ̀, nà rza e uŋmɛ̀lɛ̀ tɔ̀ embànèlì.”

Lukàrzɛ̀ 24:2

Hwa mà ùŋma lìŋyàyi ema hwa mà hwàndane hwèkpèèlì hwe è rzɔ̀ŋgɔ̀ lì mà tindàhwa, èhvàrzù yɔ̀kɔ.

Yòwanìrzɛ̀ 11:33

Nà òma Yerzù a mà mò ɛnɛ na òma a eyà rzìi hwanɛ̀yi hwatò hvɛ hwa mò eyàna, Yerzù à mà wukumeya ò ŋmèma rzayi-rzayi rzìi a atàkìrzɛ̀.

Yòwanìrzɛ̀ 20:1

O ekpààrzɛ̀ yà èlèlè ya Rzɔ̀ɔ̀ndì òma jììtìtì i hwèlì nanù mɛnɛ, Màlìyɛ̀ Màdàlènì à mà ɛ̀ndɛ ò rzɔ̀ŋgɔ̀ ema Yerzù à mà imàhwɛlɛ. Nà òma à mà uke aŋga rzìi a ɛnɛ nanù ema lìŋyàyi ema hwà mà hwandane hwèkpèèlì hwe rzɔ̀ŋgɔ̀ lì ma ulɛ̀hwɛ.