Yòwanìrzɛ̀ 11:36 - Mokpwe: Bakwery (New Testament)

³⁶ Wònyà Yudà ema hwà mà ukeya aŋga rzìi hwa òhwa nanù ema, “Ò jɔ̀kɛ̀ à mà mò lìŋgana ò!”

Yòwanìrzɛ̀ 11:36 ပူးပေါင်းရင်းမြစ်များ

Yòwanìrzɛ̀ 11:19

Rzayi-rzayi ja hwatò hwa wònyà Yudà hwà mà jà lì ɛhwɛnɛ Mata na Màlìyɛ̀ ò kpelì ya ama ŋmanyàŋgò wa awu.

Yòwanìrzɛ̀ 11:3

Aŋga ndi indòmɛ̀ jà eni jà à òmɛ̀nɛ̀ Yerzù ŋmɛ̀ndì nanù ema, “Rzàŋgò, mbunda aŋgɔ̀ wa ndìŋgɛ ya màlìŋgò a òkà.”

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

Ɛ̀hvìrzìyà 5:25

Inyɔ mèjòmɛ̀ è lìŋgàne ìjòjìyɛ̀ ja anyu, ŋgànà hvɔ̀kɔ nà omà Krirztò à lìŋgàni lì arzàŋgànɛ là hwatò hwa Lohwà, rzìi a aŋgbɛ̀ lòŋgɛ là eni ò lì hwa ŋwèeyà.

1 Yòwanìrzɛ̀ 3:1

È ɔŋgɔ tɛ e ndìŋgɛ ndɛnɛ ema Tatɛ̀ a jo lìŋgàni. Èŋge ndìŋgɛ e olo natɛ̀ɛ irzɔ i hwɛ̀lɛ̀hwɛ̀ hwàanà hwa ama Lohwɛ̀, ndèŋgànɛ̀lɛ̀ nanù ndi irzɔ i hwèlì. Lìtiŋga ndeŋgatɛ ene rze e rza jo hwi lì hwèlì ndi ehwànja hwa rzi lome lì hwiya e Tatɛ̀.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.