Yerzù rzìi a hwa omà ò mà mòtò mɔ̀kɔ ò mbòwà ema hwa mò òhweyà nanù ema e Mòòkòlelì a òhwi nanù ema, “È hvònda yà ami e ma uka. O ndawò ya aŋgɔ̀ ndi imba na hwà-òkòwèlì hwa ami jò ò leeya mòlelì mò e Ndemà yà lì Akà Ɔnɛyi.”
Yerzù à mà tɛ̀mɛ̀ rzìi a òhwa nanù ema, “È nò hwɛlɛlɛ̀ e mɔ̀.” O èŋgànɛ̀lɛ̀ hwa mà mò hwɛlɛ, rzìi hwa mò òhweyà nanù ema, “O rza atàkìrzɛ̀ e nyò ya aŋgɔ̀! Tɛmɛ ò ŋmanyu mɔ̀ ònò a ò hwɛlɛ.”
È uki tɛ e òhweyà e mò hwɛnɛ wa ndawò ema mɔ̀ à kpèeyà nanù ema, “È Mòòkòlèlì àma òne ilùkù ja hwàyɛ̀nì aŋga ndi mɔ̀ à leeyà mòlelì mò e ndèma ya lì Akà Ɔnɛ̀yi na hwà-òkòwèlì hwa eni.
È òhweyà è mòhwɛnɛ wà ndawò nanù ema, ‘È mòòkòlèlì hwà àrzu à ma jò ijòwe, òne è tùu ya hwàyɛ̀ni è hwèlì, ema à leeyà hwèlèèlì hwe lì Akà Ɔnɛ̀yi nà hwà-òkòwèlì hwa eni e?’
Eyà yà wòrzò Àndèlè à mà gbèye ema hwɛ ndi ò lì ɛ̀ndɛ lì arza ŋmanyàŋgò wà eni Rzimɔ̀nì. Nà òma à mà mò ɛnɛ rzìi à mò òhweyà nanù ema, “Ì mà ɛnɛ è Mɔ̀ ema à Ɔ̀kirzɛ̀hwɛ̀yi” (Èŋge ŋgàna è hwèlì ndi Krirztò).
Hvìlìpì à mà ɛ̀ndɛ lì arza Nàtànìyɛ̀lì. Rzìi à mò òhweyà nanù ema, “Ì mà lùwa è mòtò ema Mòrzè à mà tile lì hvòmɛ̀nɛ̀ ò e kààtì yà mbenda. Hwà-òhwèlì hwa hwèlìŋgɛ̀ hwa kòhwà wɔhvɛ hwa mà tìla lì mò hvòmɛ̀nɛ̀. Lìinà là eni lì hwèlì ndi Yerzù mòtò wà Nàrzàrɛ̀tì è ŋmanà wà ama Jòrzɛ̀hvù.”
È mòtò ema a ɔŋgeya èki, a mò lìhvòweya lìyòhva la kɔtɔ̀. Mɛɛlɛŋgu meyɔhvɛ̀ me mò hweyàna lìlò la eni. Mɔ̀ a hwɛlɛ mɛ̀ɛlɛ̀ŋgù me eni na mìinà ma awu, ò lì me tìmba ò èwòka.
Yerzù rzìi a mò hwɛlɛ nanù ema, “Ìi Màlìyɛ̀!” Màlìyɛ̀ rzìi a mò ayeŋgòwɛ̀lɛ̀lɛ̀, rzìi a òhwa ò mbɔrzi ya Hibrù nanù ema, “Rabòni!” (Ène ŋgàna e hwèlì ndi nanù ema, “Mòòkòlèlì”)
È Mòòkòwèlì ema Yerzù à mà lìŋgàne, rzìi a òhwà nanù ema, “È hwèlì ndi Rzàŋgò!” È hvònda Rzimɔ̀ni Pètrò à mà hweye nanù ema Rzàŋgò òŋgò, à mà wɔtɔ̀ mòŋgòmbè mò eni (Èhwanja à mà ulɛ màatù ma eni). Rzìi à hvanja, a unda ò tenì ya malìhwa.