Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yòwanìrzɛ̀ 10:27 - Mokpwe: Bakwery (New Testament)

27 Mɛ̀lɛ̀ŋgù me ami me òkànèyà lìlò la ami, na me hwi, rzi mèyɔ̀hvɛ me nò nɔ̀ŋgɔ.

အခန်းကိုကြည့်ပါ။ ကော်ပီ




Yòwanìrzɛ̀ 10:27
26 ပူးပေါင်းရင်းမြစ်များ  

Yerzù rzìi a òhweyà Hwà-òkòwèlì hwa eni nanù ema, “Tɔ̀ ima mòtò ema arza lì nò nɔ̀ŋgɔ a hwɛnì lì ahvòŋgɛ, rzìi a hwanɛ̀ e mbarzà ya eni rzìi à nò òŋgama.


Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”


Rzìi è mòhwayèlì à hwa timbirzɛlɛ nanù ema, ‘Nà è jɔ̀kɛ̀, nà rza è hwi.’”


Rzìi nà hwa òhweyà nanù ema, ‘Imba nà rza è hwi. È nò anjiya anù, inyɔ ema è gbeyà wòhwe!’”


Yerzù rzìi a mò ɔ̀ŋgɔ nà ŋmèma mò ndiŋgɛ rzìi a òhwa nanù ema, “O lìyelì eyà yɔ̀kɔ ò lì gbeyà, ɛ̀ndɛ ò ahwìrzɛ hwèèmà hwe aŋgɔ̀ hwe arzɛ ema ò òhvi, ò wòwe wòŋgò wòlì ò ŋgbe mèlìrza me hwatò, ò gbèyi tɛ nanù, ò òhva mònàmɛ̀ ò ŋmanyu yà lohwà. Èŋge hvònda, ò je ò nò nɔ̀ŋge.”


Yerzù rzìi a hwɛlɛ èŋge ŋgìndì na hwà-òkòwèlì hwa eni, a hwa òhweyà nanù ema, “Tɔ̀ ima mɔ̀ ema a hwɛnì lì nò nɔ̀ŋgɔ a hwɛnì lì rzɔ̀rzɔ̀ hweyà hwe arzɛ rzìi a anjilɛ e mbarzà ya eni rzìi à nò nɔ̀ŋgɔ.


È Rzàŋgò yà è ndawò ya àlahwɛ̀ nanù ema, ‘Nà rza è hwi. Nà rzà hwi hvɛ tɔ̀ èki ema e uwɛ̀lɛ̀lɛ̀yi. È nò anjiya ò mìirzɔ̀ ma ami. Inyɔ hwatò hwa wòhwe!’


Yerzù rzìi à hwa òhweyà wɔ̀ hwa arzɛ nanù ema, “Tɔ̀ ima mòtò ema a àrza lì nò nɔ̀ŋgɔ à hwɛnì lì awɛmɛ̀ mɔ̀ ŋmìti ema à rza enje tɔ̀ mòtò. Òŋgò mòtò à hwɛnì hvɛ lì hwànɛ è mbarza yà èni wùnyà tɛ ò lì nò òŋgama.


“Imba na hwèlì ndi e mɔ̀ɔŋgèlì wa gbamù wa mɛ̀lɛ̀ŋgù, na hwi mɛ̀lɛ̀ŋgù me ami, mɛ̀lɛ̀ŋgù me ami meyɔhvɛ̀ me nò hwi.


Nà òhvi mehvɛhvɛ mɛ̀lɛ̀ŋgù, ema me rza ènje ò tenì ya ene ndawò ya mɛ̀lɛ̀ŋgù. Nà àŋgàmɛ̀nɛ̀yi lì me jànà mèyɔ̀hvɛ. Me òkànèyà lìlò la ami, rzi me hwɛ gbaka wɔ̀kɔ na mɔ̀ɔŋgèlì mɔ̀kɔ.


Hwàŋga hwa arzɛ ema hwà mà lòma lì jà ndèŋgàna imba hvɛ na e ja, hwà mà hwɛ ndi hwayihwɛ na hwèkɛ̀nɛ̀ŋgɛ̀. Ndi mɛ̀lɛ̀ŋgù me rzi hwa hweyàne.


Tɔ̀ ima mòtò ema à nò gbèeyà à àŋgàmɛ̀nɛ̀yi lì hwɛ è mògbèèlì wà ami. Tɔ̀ ima èki ema nà hwèlì è mògbèèlì wa ami mɔ̀ hvɛ à àŋgàmɛ̀nɛ̀yi lì hwɛ aŋga. Tɔ̀ ima mɔ̀ ema à nò gbèèlì, Tatɛ̀ wa ami à mò ŋgbà èluhwe.


Yerzù rzìi à mò alàhwɛ̀ nanù ema, “Imba nà arza tɛ ema mɔ̀ à hwɛ lòŋgɛ natɛ̀ɛ nà jà, mamɛ èŋge è ò ɔ̀ŋgɔ e? Ò wà ò nò nɔŋge.”


Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.


Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”


Mamɛ ndeŋgatɛ e rza rzɔ̀ŋgìtɛ̀nɛ̀ e mbɔrzi ya ami e? Èhwanja inyɔ e ambi lì hwèya mamɛ na òhwa.


Tɔ̀ njɛ̀nɛ ema a rza hweyàna òŋgò mòòhwèlì wà èlìŋgɛ̀, Lohwɛ̀ a mò ulɛ ò ìtììtènì ja hwatò hwa Lohwɛ̀ ndèŋgànɛ̀lɛ̀ a hvaŋgahwa.’


Ndi tɔ̀ ima mòtò ema a lìŋgàni Lohwɛ̀, òŋgo mòtò ndi Lohwɛ̀ a hwi.


Ndi nàŋgɛ ema e hwi Lohwɛ̀, tɔ̀ na ohwa ndi nàŋgɛ nanù ema, Lohwɛ̀ a e hwi, nɛ rzɔ inyɔ e arza lì timba lì hwɛ hwàkòmì hvɛ o rze ya e ŋginyà ya ene rze.


Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”


Ò eŋgànɛlɛ, è okànèyà mamɛ ema Èlìŋgɛ̀ yà Wòtani è ohwa. Yɔ̀ è ohwa nanù ema, “Yàwonò, è hweyi tɛ lìlo là ama Lohwɛ̀,


Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.


È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ