Yòwanìrzɛ̀ 1:38 - Mokpwe: Bakwery (New Testament)

³⁸ Yerzù rzìi à ayèŋgòwɛ̀ à hwa ɛnɛ rzìi à hwa ijòwa nanù ema, “Mamɛ è arza e?” Hwa mò alàhwɛ̀ nanù ema, “Ràbi” (ène ŋgàna e hwèlì ndi nanù ema mòòkòlèlì) “One ò lìya e?”

Yòwanìrzɛ̀ 1:38 ပူးပေါင်းရင်းမြစ်များ

Lukàrzɛ̀ 10:39

Màta à mà hwɛnɛ ŋmanyàŋgò wà èni mɔ̀kɔ ema à ma hwɛ̀lɛ̀hwɛ̀ Màlìyɛ̀. Màlìyɛ̀ rzìi a lìiya Yerzù ò tòŋgòŋgò yà èni lì òkànèyà hwèyòkòlèlì hwe eni.

Lukàrzɛ̀ 14:25

Wùnya wɔ̀kɔ mòndèŋge mò ndɛnɛ mò mà hwɛ lì òŋgama Yerzù, rzìi a ayèŋgòwɛ̀, a hwa òhweyà nanù ema,

Lukàrzɛ̀ 15:20

“Òŋgò ŋmanà rzìi a anjiya, a tìmba, lì ùŋmà rzàŋgɛ̀. O hwètìmbelì hwe eni, na òma a mà kòmbɛ̀nɛ̀ ò lì ukà ò ndawò yà àma rzàŋgɛ. Rzàŋgɛ rzìi a mò ɛnɛ̀, a mò òkeyà ììlì. A ma hwaŋga lì ɛ̀ndɛ lì mò arzàŋgànɛ̀lɛ̀.

Lukàrzɛ̀ 19:5

Yerzù a mà ùke ò èŋge èki, rzìi a ɔ̀ŋgɔ ò ŋmanyu yà wòŋgò gbèe, rzìi a ɛnɛ Rzàkiyɔ̀rzì. Rzìi à mò òhweyà nanù ema, “Rzàkiyɔ̀rzì, rzìhwa kàrzì-kàrzì èhwanja nà hwɛnì lì hwɛ ŋmɛ̀ni ò ndawò yà aŋgɔ̀ yàwònò.”

Lukàrzɛ̀ 22:61

Ò lìŋgi lìrzàkò mɛnɛ Rzàŋgò rzìi à ayeŋgòwɛ̀ɛ, à ɔ̀ŋgɔ Pètrò. Pètrò rzìi à ɔ̀ŋgɛlɛ mamɛ Rzàŋgò à mà mò òhweyà nanù ema, “Ndèŋgàna è mòmɛ̀ wà wùhwà à è tòŋgà yàwònò ò nò rzɔ̀rzɔ̀ ŋgèlì iyàwò.”

Lukàrzɛ̀ 8:38

Òŋgò mòtò ema Yerzù a mà wɔ̀wìrzɛ̀, rzìi a rzòrzòmeyà Yerzù ò lì mò òŋgama. Ndi Yerzù a mà mò tìmbìrzɛ̀ rzìi a mò òhweyà nanù ema,

Yòwanìrzɛ̀ 1:37

Nà òma Hwà-òkòwèlì hwa eni hwahwàkɛ hwa mà hwèya nanù hwa mà wòteyà lì òŋgama Yerzù

Yòwanìrzɛ̀ 1:39

Yerzù rzìi, à hwa alàhwɛ̀ nanù ema “È jè è ɔŋgɔ̀ èki ema nà lìya.” Ò èŋgànɛ̀lɛ̀ rzɔ hwa mà ɛndɛ ò lì ɛnɛ èki ema à lìya. Nà òma hwa mà uke aŋga, ò mà hwɛ ndi eyà yà ŋgɛ̀ŋgi inɛ̀yi jà ŋmèrze. Hwa mà hwɛ aŋga natɛ̀ɛ wùnyà wò mà kɔ̀ɔ̀.

Yòwanìrzɛ̀ 1:49

Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Yòwanìrzɛ̀ 12:21

Hwà mà ɛ̀ndɛ òma Hvìlìpì. Hvìlìpì à mà uwɛ̀lɛ̀lɛ̀yi ò e mbòwà ya Bɛ̀trzàyìdà e hwèlì ò erzòòkà ya Gàlìlì. Rzìi hwa mò òhweyà nanù ema, “Ìi rzàŋgò kòkò, i arza lì ɛnɛ Yerzù.”

Yòwanìrzɛ̀ 18:4

Yerzù à mà hwɛ à mà hwiya mamɛ yà arzɛ è mà hwɛnɛ lì mò gbèyɛ̀nɛ, ama wurza rzìi à hwa ijòwa nanù ema, “Njɛnɛ à hwèlì è mòtò è arza e?”

Yòwanìrzɛ̀ 18:7

Yerzù à mà hwa ijòwa hvɛ nanù ema, “Njɛnɛ a hwèlì e mòtò e arza e?” Hwà mà òhwa hwà nanù ema, “I arza ndi Yerzù wa Nàrzarɛ̀tì.”

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 3:26

Hwà mà jèeyà Yòwanìrzɛ̀ rzìi hwa mò òhweyà nanù ema, “Ìi Mòòkòlèlì kòkò, ò ɔ̀ŋgɛ̀lɛ̀ e mòtò ema à mà hwɛ na ò wa ɔ̀nɛyi èhvarzù ya mòrzò mò Jɔdànì e? È mɔ̀ ema ò ma hwɛ lì òhwa hweyà lì mò hvòmɛ̀nɛ̀. Wa ɔ̀ŋgɔ tɛ! Mɔ̀ ndi à lùhwìrzɛ̀ hwatò nanù! Ndeŋgana rzayi-rzayi ja hwatò hwa mò ɛndeya.”

Yòwanìrzɛ̀ 4:31

Ò ene hvònda Hwà-òkòwèlì hwa eni hwa mà hwɛ lì mò rzòrzòmeyà nanù ema, “Ìi Mòòkòlèlì, làa yòma.”

Yòwanìrzɛ̀ 6:25

È hvònda ema hwaŋga hwatò hwa mà uke ò enɛyi èhvàrzù ya yùlu rzi hwa ɛnɛ Yerzù. Hwà mà mò ijòwa nanù ema, “Ìi Mòòkòlèlì, ima hvònda ò wa ò ùkelì anù e?”

Hwègbèèlì 10:21

Ò eŋgànɛ̀lɛ̀ rzɔ, Pètrò à mà rzihwa rzi à òhweyà hwaŋga hwatò nanù ema, “Imba ndi nà hwèlì è mòtò ema è hwèlì yà arza. Mamɛ ndeŋgatɛ è jelì e?”

Hwègbèèlì 10:29

O eŋgànɛ̀lɛ̀ rzɔ, na òma ò ma nò yòhwɛ, nà mà tɛ̀mɛ̀nɛ̀ ŋgelì hvɔ̀kɔ ndèŋgànɛ̀lɛ̀ na rzi òhve tɔ̀ lìtiŋga ò lì rzɔ̀rzɔ̀ nanù ema na rza jà. Nà ò ijòwa rzɔ nanù ema, mamɛ ndeŋgatɛ ò ma nò yòhwɛ rzɔ e?”