Ròmànì 9:4 - Mokpwe: Bakwery (New Testament)

⁴ Hwàtò hwa ami hwa hwèlì ndi hwatò hwa Irzàyɛ̀lì. Lohwɛ̀ à mà òhwa nanù ema mɔ̀ à mà hwa wòwa nàa hwàanà hwa eni, rzi a hwa wuluweya hvɛ ŋmàye mò eni. Lohwɛ̀ à mà gbeyà hwèyòmbò hwe eni na wɔ̀, rzi a hwa ŋgba e mbenda. A ma hwa uŋmɛ̀lɛ̀ nɛ hwa hwɛni lì mò ŋgba èluhwe, ndèŋgànɛ̀lɛ̀ à mà hwa òhweyà nanù ema a gbeyà mamɛ ema à mà òhwe nanù ema a gbeyà.

Ròmànì 9:4 ပူးပေါင်းရင်းမြစ်များ

Matiyò 21:33

Yerzù rzìi a òhwa hvɛ nanù ema, “È òkànèyà hvɛ mòhvɛhvɛ ŋmàna. O ma hwɛ mòhwɛnɛ wa hvaya ema à mà rzarza e hvaya ya eni, rzi a òna mayi ma hwehvùma ema hwe nyukahwa ò lì gbeyà hwènyɔ̀ɔ̀nì. A ma kaka ŋgawò ò lì lìŋga eŋge hvaya ya arzɛ, à mà òŋga hvɛ lìyami ò lì mita hwehvùma ò lì wurzirzɛ hwènyɔ̀ɔ̀nì. A ma òŋga hvɛ lìwòndò la ndɛkì ema e ma karzama ò ŋmanyu ema aŋga ndi hwà-ɔ̀ŋgelì hwà mà lìya ò lì ɔŋgeya eŋge hvaya. A ma aka hwatò ema hwà mà hwɛnɛ lì kawa eŋge mbòtà na mɔ̀ ndèŋgànà a ɛ̀ndɛ ò ehvɛhvɛ èkòmè.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Yòwanìrzɛ̀ 1:47

Nà òma Yerzù à mà ɛnɛ Nàtànìyɛ̀lì à jà rzìi à òhwa lì mò hvòmɛ̀nɛ̀ nanù ema, “Ɔ̀ŋgɔ tɛ, è timɛtìmɛ yà ŋmanà wà mùnyanà hwa Irzàyɛ̀lì ònò mòtò ema à rza òhvɛ̀yi tɔ̀ njɔ̀mi!”

Hwègbèèlì 2:39

Lini lì kàkɛ̀nɛ̀ lì hwèlì ndi è la anyu na hwàànà hwa anyu na hwaŋga hwatò ema hwa rzɔlɛnɛyi ema hwa rza enje wònyà Yudà. È hwèlì ndi nàa tɔ̀ ima mòtò ema Rzàŋgò ya arzu Lohwɛ̀ à mà hwɛlɛ ò lì hwɛ na mɔ̀.”

Ròmànì 3:2

Ɛ̀ɛ ò hwèlì mɔ̀rzɛ̀ŋgì rzayi-rzayi. Eyà ya wòrzò e hwèlì ndi nanù ema, ò màà mà ama wònyà Yudà ɔndi Lohwɛ̀ à mà ŋgbe ŋmɛ̀ndì mò eni.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Ròmànì 9:6

Nà rza òhwa ndi nanù ema Lohwɛ̀ a rza ò gbeyà mamɛ ema à mà òhwa nanù ema a gbeyà. Èhwanja rzeketɛ hwatò hwa arzɛ ema hwa uwɛ̀lɛ̀lɛ̀yi ò mòtendè mò Irzàyɛ̀lì ndi hwa hwèlì hwatò hwa ama Lohwɛ̀.

2 Kɔ̀rintìyà 11:22

Wɔ̀ hwa e ohweyà nanù ema wɔ ndi hwa hwèlì i wònjà ja Hibrù, imbahvɛ na hwèlì ndi wònjà ya Hibrù. Wɔ̀ hwa ohwa nanù ema, hwa hwèlì ndi hwatò hwa Irzàyɛ̀lì, imbahvɛ na hwèlì ndi mòtò wa Irzàyɛ̀lì. Wɔ̀ hwa ohwa nanù ema hwa hwèlì ndi hwatò hwa è nyɔ̀ŋgɔ̀nì ya ama Abràhamù, imba hvɛ na hwèlì ndi mòtò hwa è nyɔ̀ŋgɔ̀nì ya ama Abràhamù.

Gàletìyà 3:16

Nàŋgɛ rzɔ, Lohwɛ̀ à mà gbeyà lì kàkɛnɛ là eni nà Abràhamù, nà ŋmanà eni. Èya yà Lohwà è rza ohwi nanù ema, “Hwàna,” ò à ɛnɛ oma hwatò hwa koki. Ndi Eyà yà Lohwà è ohwi nanù ema, “Ŋmanà.” Krirztò ndi à hwèlì oŋgo Ŋmanà.

Ɛ̀hvìrzìyà 2:12

È ɔ̀ŋgɛ̀lɛ hvɛ ema o eŋge hvonda inyɔ e rzìi hwiye Krirztò. Inyɔ e rzi ahvìyànɛ̀ mondeŋge na hwatò hwa Irzàyɛ̀lì ema wɔ̀ ndi Lohwɛ̀ à mà hvɔ̀rzì. È rzi hwɛnɛ tɔ̀ eyà o lì gbeyàna yòòmbò ema Lohwɛ̀ à mà ohwe nanù ema a gbeyà mamɛ a hwɛni lì gbeyà. Nà oma e ma hwɛ o rze e rzi hwɛnɛ tɔ̀ lìhvìtà, ndèŋgàna e rzi hwiye Lohwɛ̀.

Hibrù 9:1

O nàŋgɛ tɔ̀ yòombò ya mòlòmɛ̀ e ma ohva imbenda ema jo uŋmɛ̀lɛ̀ nɛ hwa kànɛ̀lɛ̀lɛ̀ Lohwɛ̀, ndèŋganɛlɛ hwà mà ohva èki o e rze ya mɔ̀nyɛ̀ ema hwa kànɛ̀lɛ̀lɛ̀ Lohwɛ̀.

Hibrù 9:10

Ini mbenda ja arzɛ i ma hwɛ ndi mbenda ja hwèlèèlì na hwènyɔ̀ɔ̀nì na hwehvɛhvɛ hweyà rzayi-rzayi ema hwatò hwà mà gbeeye o lì arzàŋgìrzɛ̀ wɔ̀ hwiti. Ini mbenda ja arzɛ i hwèlì ndi imbenda ja e nyàma ya nyo ema jo o kuwɛ e hvonda ema Lohwɛ̀ a o rzèeya hweyà hwe arzɛ.

Hibrù 9:3

O ma hwɛ lìhwatù ema lì mà kahwa e tùu ya worzo na e ya mburza. Èŋge tùu ema e ma hwɛ o mburza ya lìŋgi lìhwatù e ma hwɛ̀lɛ̀hwɛ̀ ndi nanù ema Èki ema e akayi Wòtani Rzayi-rzayi.

Hibrù 9:5

O ŋmanyu ya iŋgi iwòŋgo, hwèmà hwehwakɛ hwe ma hwɛ aŋga ema hwe ma àyɛ̀kɛ̀nɛ̀ i aŋgèlì, ema hwe ma uŋmɛ̀lɛ̀ ŋmàye mo ama Lohwɛ̀. Mahvahve ma hweŋge hwema, ma mà kumɛnɛ e ŋgutù ya iŋgi iwòŋgo o èki ema e ma hwɛ èki ya lì làkìrzɛ̀ wòhwe. Ndi hweŋge hwèmà hwe arzɛ, i rza tanɛyi o lì hwe ohwa nàŋgɛ.

Hibrù 9:6

Nànù ndi hwèŋge hweyà hwe ma rzɛŋgɛnɛhwɛ. Ipìlìrzì i kpèeyà o èŋge tùu ya worzo wùnyà tɛ o lì gbeyà èwòlò ya awu.