Ròmànì 9:3 - Mokpwe: Bakwery (New Testament)

³ ò wònyànyàŋgò hwa ami, hwa màyija. O nyòla awu, ò mà nà àhvìtɛ̀ nanù ema, Lohwɛ̀ à mà nò ŋgba mòjèmà, na lì nò akakòwɛ ò ma Krirztò.

Ròmànì 9:3 ပူးပေါင်းရင်းမြစ်များ

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 22:5

È pìlìrzì è karzamì nà hwàmbàkì hwa arzɛ hwa lìkànèyà là mbòwà, hwa tanɛyi lì imànɛlɛ nanù ema nà òhwa ndi è jɔ̀kɛ̀. Nà mà hwa wòwànà hwètìtà ema hwa mà tìleya wònyanyàŋgò hwa ami hwa wònyà Yudà ema hwa hwèlì ò mbòwa ndɛnɛ yà Dàmàrzkɔ̀rzì. Ò eŋgànɛlɛ rzɔ imba nà mà ɛndɛ aŋga ò lì ŋgbaŋgɛ hwaŋga hwatò, lì hwa kàka, rzìi nà hwa tìmbànà ò Jèrurzalɛ̀mù aŋga nanù hwa kɔ̀kìrzɛ̀hwɛ.”

Hwègbèèlì 28:21

Hwàŋga hwàtimbelì rzìi hwa òhweyà Pàwolò nanù ema, “I rza lu tɔ̀ itita ema jò uhwɛlɛyi ò Jùdeyà ò lì ò teŋgɛ̀nɛ̀. Ndeŋgana tɔ̀ mòtò tɔ̀ mɔ̀kɔ wa arzu a rzi wurzi rzìi a jò jànelì ŋmɛ̀ndì tɔ̀ mbɔrzi ya wòhwe lì ò teŋgɛ̀nɛ̀.

Ròmànì 1:3

Mònò Ŋmɛ̀ndì mò Gbamù, mò hwèlì ndi lì hvòmɛ̀nɛ̀ è Ŋmanà wà eni. O hwehwɛ̀ɛlì hwe e mòtò wà hwènàmà òŋgò Ŋmanà à mà ŋyàahwɛlɛ ndi ò lìhwende la ama kiŋgɛ̀ Dàhwitì.

Ròmànì 11:1

Nàŋgɛ rzɔ na ijòwa nanù ema, Lohwɛ̀ à mà kìnyɛ̀lɛ̀ hwatò hwa eni e? Ò jɔ̀kɛ̀ jàyɛ̀! Imba hvɛ na hwèlì ndi mòtò wa Irzàyɛ̀lì ò mòtende mò ama Abràhamù. Nà uwɛ̀lɛ̀lɛ̀yi ò lìtumba la ama Bènjàmɛ̀nì.

Ròmànì 11:14

Aŋga mɛnɛ na tanɛ lì gbeyà lòŋgò la wònyànyàŋgò hwa ami hwa Irzàyɛ̀lì ò lì hwɛnɛ inòna, ndèŋgàna lòŋgò la awu hvɛ ò lì luwa mɔ̀kɔtèlì.

Ròmànì 16:11

È kɔmè Hɛ̀ròdìyɔ̀nì, ŋmanyàŋgò wa arzu wa wònyà Yudà. O lìna la ama e Rzàŋgò e kɔmè hwaŋga hwatò ema hwa lòkɛ̀ Krirztò ò lìtumba la ama Nàrzìrzùrzì.

Ròmànì 16:21

Tìmòtì, ema irzɔ nà mɔ̀ i gbèèyɛ̀nɛ̀ èwòlò à è òmelì ikɔ̀mi. Lùrzìyùrzì, Jèrzɔ̀nì nà Rzòrzìpàtà, wònyanyàŋgò wà ami wà wònyà Yudà, wɔ̀ hvɛ hwa e òmelì ikɔ̀mi.

Ròmànì 16:7

È kɔmè hvɛ Andrɔ̀nìkùrzì na Jùnìyà wònyànyàŋgò hwa ami hwa wònyà Yudà, ema i ma aŋgɛhwɛnɛ ò hwèwòwà. Hwa hwiyahwi kɔ̀yi-kɔ̀yi ò ìtììtènì ja àpɔ̀rzìtòlò. Ndeŋgànɛ̀lɛ̀ wɔ̀ hwà mà lòma lì hwɛ hwàlòkèlì hwa ama Krirztò ndèŋgàna imba na e lòkɛ̀.

Ròmànì 9:2

Nà òhvi ndùtù ya ŋginyà na mòtaka mò ŋginyà ò ŋmèma mò ami,

1 Kɔ̀rintìyà 12:3

O èŋgànɛ̀lɛ̀ rzɔ na arza ema e rzɔ̀ŋgìtɛ̀nɛ̀ nanù ema, tɔ̀ mòtò tɔ̀ mɔ̀kɔ ema a ondi na Èlìŋgɛ̀ ya ama Lohwɛ̀, a rza tanɛ lì ohwa nanù ema, “Yerzù a jemahwi” Rzi tɔ̀ mɔ̀kɔ a rza tanɛ a ohwa nanù ema “Yerzù a hwèlì ndi Rzàŋgo” ema rzeketɛ Èlìŋgɛ̀ yà Wòtani ndi è mò òŋgòwani.

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

Gàletìyà 1:8

Ndi na e ohweyà nanù ema, tɔ̀ e hwɛ ndi nanù ema irzɔ tɔ̀ aŋgèlì ndi e uwɛ̀lɛ̀lɛ̀yi o ŋmanyu ya Lohwà rzi a e ohweyà ŋmɛ̀ndì mò gbamù ema mo tikowahwi nanù oma e mɔ̀ ema je e ohweyà mo jɔ̀kɔ̀wè.

Gàletìyà 1:9

Ima màa lì e ohweyà hvɔni, ndeŋgànɛ̀lɛ̀ nàŋgɛ na hwata hvɛ o lì e ohweyà nanù ema, mòtò a jelì tɛ lì e ohweyà mohvɛhvɛ ŋmɛ̀ndì mò gbamù ema mo tiko na e mɔ̀ ema e ma emeyà, èwoma e hwɛ na oŋgo mòtò.

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.

Ɛ̀hvìrzìyà 6:5

Inyɔ hvɛ hwàkòmì e hweyàne irzaŋgo ja anyu ja èwòlò. Ndeŋgànɛ̀lɛ̀ e hwa ŋgbe èluhwe, ndeŋga e hwa hweyàne na ŋmèma mɔ̀kɔ molemilemi na oma e hweyàna Krirztò.