Ròmànì 9:1 - Mokpwe: Bakwery (New Testament)

¹ Nà òhwa ndi e jɔ̀kɛ̀ nàa e mòtò ema a lòkɛ̀ Krirztò, na rza kɔwu hweyà. Ŋmèma mò ami ema èlìŋgɛ̀ yà wòtani e kànèyà mò nò òhweyà nanù ema na rza kɔwu hweyà.

Ròmànì 9:1 ပူးပေါင်းရင်းမြစ်များ

1 Tìmotì 2:7

Ène eyà ndi e ma gbèeyà Krirztò o lì no òma nàa àpɔ̀rzìtòlò o lì ɛndɛ lì ohwa ŋmɛ̀ndì mò gbamù lì hvomɛ̀nɛ̀ o lì lòkɛ̀ Krirztò na e jɔ̀kɛ̀ o hwatò ema hwa rza enje wònyà Yudà. Mamɛ ema na ohwa e hwèlì ndi e jɔ̀kɛ̀ na rza kɔ tɔ̀ eyà.

Ròmànì 1:9

Lohwɛ̀ ema nà gbèeyà nà ŋmèma mɔ̀kɔ ò lì òhwa Ŋmɛ̀ndì mò Gbamù mò ama è Ŋmanà wà eni, mɔ̀ ndi à hwèlì è mbòŋgi yà ami nanù ema nà è ɔ̀ŋgɛ̀lɛ,

Gàletìyà 1:20

Hweyà ema na e tìleyà hwe hwèlì ndi è jɔ̀kɛ̀. Lohwɛ̀ a hwi nanù ema na rza kɔ̀ ndi hweyà.

Hvìlipìyà 1:8

Lohwɛ̀ ndi à hwèlì è mboŋgi yà ami nanù ema ŋmèma ema nà è hwɛ̀nèlì mò hwèlì ndi nyàyi hvɔ̀kɔ nà oma Yerzù Krirztò mɔhvɛ à è hwɛ̀nèlì.

2 Kɔ̀rintìyà 11:10

Nà oma na ohwa e jɔ̀kɛ̀ na mòtò wa Krirztò, tɔ̀ mòtò tɔ̀ mɔ̀kɔ o erzòòkà ya Àkayiyà a rza tanɛ a no tɛmirzɛ o lì kùmba lìya la ami o kòkò ema na rza lu etàŋgì na inyɔ.

Ròmànì 8:16

Èlìŋgɛ̀ ya ama Lohwɛ̀ e ma jò gbeyà ò lì hwiya ò mèèmà me arzu nanù ema i hwèlì ndi hwàanà hwa ama Lohwɛ̀.

1 Tìmotì 1:5

Lìtìŋga ndèŋgàtɛ̀ nà mà e ohweyà ema o òkolɛ hwatò hwèyòkòlèlì hwe jɔ̀kɛ̀ hwe hwèlì ndi nanù ema, hwatò hwa alìŋgànɛ mɔ̀kɔ na ɔ̀nɛyi. È hwɛni lì hwɛnɛ ndìŋgɛ ema e uwɛ̀lɛ̀lɛ̀yi o ŋmèma ema me rzaŋgi, ŋmèma ema mo hwi mamɛ e hvomɛ̀nɛ̀ na mamɛ ema e rza hvomɛ̀nɛ̀, na ŋmèma ema mo hwi lì lòkɛ̀ ema lì hwèlì e jɔ̀kɛ̀.

1 Tɛ̀rzàlonìyà 2:5

Inyɔ hwiti e hwi nanù ema na oma i ma hwɛ na inyɔ, i rzi e ohweyà ndi mbɔrzi ema e tɛɛ, ndèŋgànɛ̀lɛ̀ i rzi hwɛ njɔ̀ŋgu. Lohwɛ̀ mɔ̀ ŋmìti a jo tɛmelì mboŋgi.

2 Kɔ̀rintìyà 12:19

È hwèlì ndi nàa o ene hvonda ya arzɛ, e ɔ̀ŋgɛ̀lɛ̀ ndi nanù ema, ja a hwaandɛ ndi irzɔ hwiti o e jɔ̀kɛ̀ ema je e ohweyà. È rza enje nanù tɔ̀ ima eyà ema je e ohweyà, je e ohweyà ndi e yɔ nàa hwatò ema Krirztò a timba, ndèŋgàna Lohwɛ̀ a òkànèyà tɔ̀ ima lìtumba la eyà ema jo òhwa. I wònyamòwè kòkò, tɔ̀ ima lìtumba la eyà ema i gbèeyà, je e gbèeyà ndi o lì e ètìrzɛ̀.

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

1 Tìmotì 5:21

Nà o òhweyà ndi o worzo wo ama Lohwɛ̀, Yerzù Krirztò, na o worzo wo i aŋgèlì ema i hvɔ̀rzɔ̀wì, nanù ema e gbèeyà mamɛ ema e hwɛni lì gbeyà e rzi hwɛ ndando tɔ̀ lì timbana mòtò mburza.

2 Kɔ̀rintìyà 11:31

Lohwɛ̀, e Tatɛ̀ ya ama Rzàŋgo Yerzù Krirztò a hwi nanù ema na rza kɔ hweyà. Jèka i hwɛ na mɔ̀ o gbìndèyà nà ò gbìndèyà.

2 Kɔ̀rintìyà 1:23

Lohwɛ̀ ndi à hwèlì e mboŋgi ya ami, e uŋmɛ̀lɛ̀ ema màmɛ ya arzɛ ema na ohwa e hwèlì ndi e jɔ̀kɛ̀. Lìtìŋga ndèŋgàtɛ̀ na rzi timbe hvɛ o Kɔ̀rintò, lì hwèlì ndi ema, na rzi arze ema e hweye wòhwe.

Ròmànì 2:15

Hwègbèèlì hwe awu hwe uŋmɛ̀lɛ̀ ndi ema màmɛ ema e mbenda e kànèyà e tìlahwi ò mèèmà me awu. Meemà me awu hvɛ me uŋmɛ̀lɛ̀ ema ene eyà e hwèlì ndi e jɔ̀kɛ̀, kanatɛ màrzakò màlùtèyà ma awu ma hwa kàyìrzɛ̀, ndèŋgànà màrzakò ma hwa embɛ.

Ròmànì 9:2

Nà òhvi ndùtù ya ŋginyà na mòtaka mò ŋginyà ò ŋmèma mò ami,