Ròmànì 8:7 - Mokpwe: Bakwery (New Testament)

⁷ È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

Ròmànì 8:7 ပူးပေါင်းရင်းမြစ်များ

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

Jèmìrzì 4:4

Inyɔ e hwèlì ndi nàa hwatò ema hwa hwèlì o ndawò ja màahwa ndi hwa gbeyà mòrzònje. È rza hwi nanù ema e ikayi tɛ mèèmà me anyu o hwema hwe rze, hwe e gbeyà inyɔ e jà ndi hwàkɔ̀ɔ̀yèlì hwa ama Lohwɛ̀ e? O eŋgànɛlɛ rzɔ tɔ̀ ima mòtò ema a lìŋgàni o lì ika ŋmèma mo eni o hwema hwe ene rze, à mà agbeyɛ mɔ̀ ŋmìti mɔ̀kɔ̀yèlì wa ama Lohwɛ̀.

Ròmànì 7:22

O tenì ya ŋmèma mò ami, e mbenda ya ama Lohwɛ̀ yɔ ndi imba na lìŋgàni lì nɔŋgɔ ihvònda ja arzɛ.

Hibrù 8:10

Lohwɛ̀ à ohwa hvɛ nanù ema, Imba è Rzàŋgo ndi nà ohwa. Ò nàŋgɛ nanù yòòmbò ene ema nà hwɛni lì ààtɛ̀ɛ̀ nà wònyà Irzàyɛ̀lì, ò è hvonda ema è ò jɛ̀ɛ̀ è hwèlì ndi nanù ema: nà ò hwa gbeyà ò lì hwiya imbenda jà ami, ndèŋgànɛ̀lɛ̀ hwa ò ohva ŋmèma mò lì ika iŋgi mbenda. Imba nà ò hwɛ Lòohwà là awu, ndèŋgànɛ̀lɛ̀ wɔ̀ hvɛ hwa ò hwɛ hwatò hwa ami.

2 Tìmotì 3:4

Hwa o hwɛ hwatò ema hwa o àhwirzɛ̀ imbunda ja awu, hwatò hvɛ ema hwa lìya lòŋgɛ la mooŋgoŋgo, hwatò ema hwa ondi na kumba, na hwaŋga hwatò ema hwa lìŋgàni hweyà hwe ene rze lì aka hweyà hwe ama Lohwɛ̀.

Kòlòrzìyà 1:21

Ò lìrzàkò lɔ̀kɔ, inyɔ è mà rzɔ̀lɛ̀nɛ̀ Lohwɛ̀ ndèŋgànɛ̀lɛ̀ è mà hwɛ ndi hwàkɔ̀ɔ̀yèlì hwa eni ò nyòla hweyà hwe wòhwe ema è mà hwɛ lì gbeyà nà lì lùteyà.

Ròmànì 8:4

Lohwɛ̀ à mà gbeyà ndi nanù, aŋga nanù hwatò ema hwa rza òŋgama hweyà na e ŋginyà ya e mòtò wa hwènàmà ndi ema hwa òŋgama ndi hweyà na e ŋginyà ya Èlìŋgɛ̀ ya ama Lohwɛ̀, hwa ò gbeyà ndi hweyà ema hwe hvòmɛ̀nɛ̀yi na òma e mbenda e òhwi nanù ema hwa gbeye.

Ròmànì 5:10

È hvònda ema i ma hwɛ hwàkɔ̀ɔ̀yèlì hwa ama Lohwɛ̀, e kpelì ema e ŋmanà wa eni à mà ŋwe è mà gbeyà nanù ema jò òhvɛnɛ màrzèèlì na Lohwɛ̀. Nà òma i ma ukɛ màrzèèlì na Lohwɛ̀ na òma e ŋmanà wa eni a hwèlì ò lòŋgɛ, ò lìrzùkù a ò jò rzùŋgà.

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

Yòwanìrzɛ̀ 7:7

È rze e rza tànɛyi lì e kɔ̀u ndi è nò kɔwu imba èhwanja nà è rzàmbà nanù ema è gbeyà wòhwe.

Ròmànì 3:31

Mamɛ rzɔ irzɔ jò òhwa nàŋgɛ e? Jò òhwa ndi nanù ema na òma Lohwɛ̀ à mà wòwɛ hwatò ò lì hwɛ ehve-ehve, èhwanja hwa lòkɛ̀yì Yerzù Krirztò, ene ŋgàna e òhwa ndi nanù ema hwa rza òŋgama e mbenda hvɛ e? Jàyɛ̀ rzeketɛ nanù. Ndi mamɛ ema e mbenda e òhwa yɔ ndi irzɔ i gbeyàna.

Ròmànì 1:30

Hwa lìŋgàni lì òhwa ò lì hvàŋga mìinà mà hwatò, hwa kɔ̀wu Lohwɛ̀, hwa hwɛ̀nyɛ̀nɛ̀, hwa rza ŋgbɛ̀ɛ̀nɛ̀ èluhwe, hwa àyèkìrzɛ̀, wɔ̀ hwa lìŋgàni ndi ò lì tɛ̀yìrzɛ̀ nɛ̀ hwa gbeyà wòhwe, ndèŋgàna hwa rza hweyàna irzàŋgo nà inyàŋgò ja awu.

Matiyò 12:34

Inyɔ ini hvèyi! Nɛ inyɔ e tànɛyi lì òhwa eyà ya gbamù ema inyɔ hwiti è hwèlì wòhwe e? Èhwanja, hweyà ema hwe òndi mòtò ò ŋmèma mò eni hwe ɔ̀ndi à wurzirzɛ ò wàna yà èni.

2 Pètrò 2:14

Èwòlò ya awu ya arzɛ e hwèlì ndi o lì gbeyà mòrzònje na tɔ̀ ima mòlana ema hwa ɛni. È nyɔ̀ŋgi ya awu ya lì gbeyà wòhwe e rza tànɛ lì kuwa. Wɔ̀ hwa lukɛlɛ hwatò ema lìlòkɛ̀ la awu lì rza imbamɛ rzìi hwa hwà gbeyà hwa unda o wòhwe. È nyɔ̀ŋgi e hwèlì o mèèmà me awu. Hwa hwèlì ndi o rze ya mòjèmà mo ama Lohwɛ̀.

Matiyò 5:19

O èŋgànɛ̀lɛ̀ rzɔ tɔ̀ ima mòtò ema à undi tɔ̀ mbenda tɔ̀ hvɔ̀kɔ ò ini mbenda ja ama Lohwɛ̀, tɔ̀ eŋge mbenda ema hwa ɔ̀ŋgɛ̀lɛ̀ nanù ema è rza òhvi wòlìtò, rzìi à è òkòlɛ̀ hwahvɛhvɛ hwatò ema wɔ̀hvɛ hwa gbèye nanù mɛnɛ, eŋge tumba mòtò è hwɛ ndi è wà lìrzùkù ò likànèyà là ama Lohwɛ̀. Ndi tɔ̀ njɛnɛ ema à gbèyi mamɛ ema è mbenda è òhwa rzìi à a òkòlɛ̀ hwahvɛhvɛ hwatò nanù mɛnɛ, à ò hwɛ̀nɛ̀ wòlìtò rzayi-rzayi ò ìtììtènì ja hwatò ema hwa hwèlì ò rze yà likànèyà là ama Lohwɛ̀.

1 Kɔ̀rintìyà 9:21

È hvonda ema na hwèlì na hwaŋga hwatò ema hwa rza ènje o rze ya e mbenda ya ama Morzè, imba hvɛ na gbeyà hweyà hwe ami nàa wɔ̀, o lì arza nanù ema hwa lòkɛ̀ Krirztò. Ndi ene e rzi hwɛ nanù ema na rzi ika imbenda ja ama Lohwɛ̀. Ò jɔ̀kɛ̀ na hwèlì ndi o rze ya e mbenda ya ama Krirztò.

Kòlòrzìyà 2:18

È rzi keka o lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì arzìirzɛ. Ndeŋgànɛ̀lɛ̀ e rzi keka lì emeyà nanù ema tɔ̀ mòtò a e tindɛlɛ nanù ema e àŋgàmɛ̀nɛ̀yi lì kànɛ i aŋgèlì nàa oma mɔ̀ à ji kànɛ. Inyɔ e gbèyi tɛ nanù e wɔ̀lɛnɛ jàhwèyà ema Lohwɛ̀ a ohwi nanù ema a e ŋgba. Tɔ̀ njɛnɛ ema a okòlɛ nanù, a ohwa ndi nanù ema a ɛni jɛ̀nɛ̀ni. Èŋge tumba mòtò e ohvi ndi kumba ya ŋgundu na hweyà hwe wòhwe ema hwe wurza o ŋmèma mo eni, a rza ohvi tɔ̀ lìtiŋga o lì uŋmɛ̀lɛ̀.