Ròmànì 8:4 - Mokpwe: Bakwery (New Testament)

⁴ Lohwɛ̀ à mà gbeyà ndi nanù, aŋga nanù hwatò ema hwa rza òŋgama hweyà na e ŋginyà ya e mòtò wa hwènàmà ndi ema hwa òŋgama ndi hweyà na e ŋginyà ya Èlìŋgɛ̀ ya ama Lohwɛ̀, hwa ò gbeyà ndi hweyà ema hwe hvòmɛ̀nɛ̀yi na òma e mbenda e òhwi nanù ema hwa gbeye.

Ròmànì 8:4 ပူးပေါင်းရင်းမြစ်များ

Lukàrzɛ̀ 1:6

Lòŋgɛ là ama Rzàkàriyà nà Èlìrzabɛ̀tì lì mà hwɛ gbamù ò wòrzò wò ama Lohwɛ̀. Wɔ̀ hwa mà ika imbenda ja ama e Rzàŋgò ndèŋgàna wɔ̀ hwa mà gbeyà mamɛ ema è ma lɔ̀wu.

Ròmànì 2:26

È hwèlì tɛ nanù ema e mòtò ema a rza enje wònyà Yudà ema a rza endàhwɛ̀, a ika tɛ e mbenda, Lohwɛ̀ a mò emeyà na mòtò ema a endàhwi.

Ròmànì 3:31

Mamɛ rzɔ irzɔ jò òhwa nàŋgɛ e? Jò òhwa ndi nanù ema na òma Lohwɛ̀ à mà wòwɛ hwatò ò lì hwɛ ehve-ehve, èhwanja hwa lòkɛ̀yì Yerzù Krirztò, ene ŋgàna e òhwa ndi nanù ema hwa rza òŋgama e mbenda hvɛ e? Jàyɛ̀ rzeketɛ nanù. Ndi mamɛ ema e mbenda e òhwa yɔ ndi irzɔ i gbeyàna.

2 Kɔ̀rintìyà 10:2

Nà e rzorzomelì ema e rzi gbeyà na oma hwaŋga hwatò hwa gbeyà aŋga nanù na e jɛlɛlɛ tɛ, na e ohwirzɛnɛ e rzi hwɛ tɔ̀ wɔ̀ŋgɔ̀ tɔ̀ wɔ̀kɔ. Hwatò ema na o òhwirzɛnɛ, wɔ̀ ndi hwa hwèlì hwaŋga hwatò ema hwa ohwa nanù ema irzɔ i gbeyà ndi èwòlò nàa hwatò hwa ene rze hwa e gbeyà.

2 Kɔ̀rintìyà 10:3

È hwèlì jɔ̀kɛ̀ nanù ema i hwèlì ndi anù rze ndi i rza ana na oma hwatò hwa ene rze hwa ana.

Gàletìyà 5:16

Mamɛ ema na ohwa e hwèlì ndi ema, inyɛ Èlìŋgɛ̀ ya ama Lohwɛ̀ e kànèyà mòŋgɛ ma anyu. Ène ye e gbeyà ema e rza gbeyà hweyà hwe wòhwe na oma e nyàmà nyo e arza.

Kòlòrzìyà 1:22

Ndi ò naŋgɛ, Lohwɛ̀ à mà gbeyà nanù ema inyɔ è mò tìmbeyà ò lì akeyà nà è kpelì yà ama è ŋmanà wà eni Krirztò ò mbàrza ema à mà ohva è nyo yà mòtò wà hwènàmà. Lohwɛ̀ à mà gbeyà ndi nanù aŋga nanù inyɔ è hwɛ ò èki ema mɔ̀ à hwèlì, inyɛ inyɔ è hwɛ hwatò ema hwa rzàŋgi, è rza àŋgàmɛ̀nɛ̀ lì hwɛnɛ tɔ̀ lìtɔ̀ti tɔ̀ lɔ̀kɔ là wòhwe ò nyo yà anyu, inyɛ hwa rza è lɛ̀mbɛ nà tɔ̀ lìtònà tɔ̀ lɔ̀kɔ.

Hibrù 12:23

Inyɔ̀hvɛ e ma jà ndi o la arzàŋganɛ la hwàànà hwa worzò hwa ama Lohwɛ̀, wɔ̀ ema mìinà ma awu ma tìlahwì o ŋmanyu yà lohwà. È ma jà o ma Lohwɛ̀ ema mɔ̀ ndi à hwèlì e mòkayìrzèlì wa hwatò hwa arzɛ. Inyɔ e ma jà o ìtììtènì ja hwèlìŋgɛ̀ hwe hwatò hwa ehve-ehve ema Lohwɛ̀ a emelì.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Judɛ 1:24

Èluhwe e hwɛ na Lohwɛ̀ ema a rza emeyà nanù ema e unde o tenì ya wòhwe. Mɔ̀ ŋmìti ndi à e jàni o èki ema mɔ̀ à hwèlì na ŋmàye mo eni. A o e jànà aŋga e rzi hwɛ tɔ̀ lìtɔ̀tì tɔ̀ lɔ̀kɔ la wòhwe o inyo ja anyu, ndèŋgànɛ̀lɛ̀ e o òka mɔ̀nyɛ̀ŋgì.

Hwèwulùwèlì 14:5

Wɔ̀ hwa rzi kɔ̀ɔ tɔ̀ eyà tɔ̀ wùnyà. Ndeŋgànɛ̀lɛ̀ hwa rza ohvi tɔ̀ njɔ̀mi.