Ròmànì 8:1 - Mokpwe: Bakwery (New Testament)

¹ O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

Ròmànì 8:1 ပူးပေါင်းရင်းမြစ်များ

Yòwanìrzɛ̀ 14:20

Wòŋgò wùnyà wò uki tɛ e ò hwiya nanù ema imba na hwèlì ndi ò tenì ya ama e Tatɛ̀ wa ami, ndèŋgànɛ̀lɛ̀ inyɔ hvɛ e ò hwɛ ndi ò tenì ya ami, nyayi hvɔ̀kɔ na òma imba hvɛ na hwèlì ò tenì ya anyu.

Yòwanìrzɛ̀ 15:4

È hwɛ ndi nàa imba, imba hvɛ na hwɛ ndi nàa inyɔ. O rza enje tɔ̀ ɛkɔkɔ ema e tànɛyi lì ŋyàa ehvùma ema e rza kukamɛ ò gbee. Mòlemilemi mɛnɛ na inyɔ e rza tànɛyi lì ŋyàa hwehvùma e rza enje tɛ na imba.”

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Ròmànì 16:3

Inyɔ e nò kɔmèya Prìrzìlà na mòjòmɛ̀ wa eni Akwìlà, ema irzɔ na wɔ̀ i gbeyà èwòlò ya ama Yerzù Krirztò.

Ròmànì 16:7

È kɔmè hvɛ Andrɔ̀nìkùrzì na Jùnìyà wònyànyàŋgò hwa ami hwa wònyà Yudà, ema i ma aŋgɛhwɛnɛ ò hwèwòwà. Hwa hwiyahwi kɔ̀yi-kɔ̀yi ò ìtììtènì ja àpɔ̀rzìtòlò. Ndeŋgànɛ̀lɛ̀ wɔ̀ hwà mà lòma lì hwɛ hwàlòkèlì hwa ama Krirztò ndèŋgàna imba na e lòkɛ̀.

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

Ròmànì 5:16

Ndèŋgànɛ̀lɛ̀ hvɛ jàhwèyà ja ŋgundu ja ama Lohwɛ̀ i rza kiti na mamɛ ema wòhwe wò ama Adàmu e jàni. Èŋge ehvòwa yà wòhwe ya ama Adàmu e ma gbeyà tɔ̀ ima mòtò à mà tùuwà ŋmaŋgò ò wòrzò wò ama Lohwɛ̀. Ndi iŋgi jàhwèyà i ma gbeyà Lohwɛ̀ à mà wòwa hwatò nàa hwatò ema hwa tɛmi ehve-ehve ò wòrzò wò eni, tɔ̀ nɛ hwatò hwa hwèlì ndi ò lì hwata wòhwe ò ŋmanyu ya wòhwe.

Ròmànì 7:17

Nà òma e hwèlì nanù ò jɔ̀kɛ̀ rzèketɛ imba ndi na gbeyà nanù, wòhwe ema wò hwèlì ò tenì ya ami wɔ̀ ndi wò nò kɔ̀mɛ̀lɛ̀ ò lì gbeyà nanù.

Ròmànì 7:20

Nà gbèyi rzɔ tɛ mamɛ ema na rza lìŋgànɛ lì gbeyà rzeketɛ imba ndi nà e gbeyà ndi wòhwe ema wò lìya ò tenì yà ami wɔ̀ ndi wò nò kɔ̀mɛ̀lɛ̀ ò lì e gbeyà.

Ròmànì 8:11

È hwèlì tɛ nanù ema, Èlìŋgɛ̀ ya ama Lohwɛ̀ ema e ma hvùmùlɛ̀ Yerzù ò kpelì e hwèlì tɛ ò tenì ya anyu, nanù òma tɔ̀ e nyàmà nyò ya anyu ema e hwɛni lì ŋwa e ma màa tɛ lì ŋwa, nanù òma Lohwɛ̀ ema à mà hvùmùlɛ̀ Krirztò ò kpelì a hwɛni lì e hvùmùlɛ̀ yɔ hvɛ. A gbeyà ene na e ŋginyà ya Èlìŋgɛ̀ ema e hwèlì ò tenì ya anyu.

Ròmànì 8:14

Eyà ema e hwèlì e hwèlì ndi nanù ema hwatò hwa arzɛ ema Èlìŋgɛ̀ ya ama Lohwɛ̀ e timba, hwa hwèlì ndi hwàanà hwa ama Lohwɛ̀.

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

Ròmànì 8:39

Ŋga iŋginyà ja ŋmanyu, ŋga è jà è rze yà mɔ̀nyɛ̀, ò rza enje tɔ̀ eyà ò ìtììtènì yà ewèkelì è arzɛ ema è tànɛyi lì wùùlɛ̀ è ndìŋgɛ ema Lohwɛ̀ à jò hwɛ̀nèlì lì akeyà nà Yerzù Krirztò, è Rzàŋgò ya arzu.

Ròmànì 8:4

Lohwɛ̀ à mà gbeyà ndi nanù, aŋga nanù hwatò ema hwa rza òŋgama hweyà na e ŋginyà ya e mòtò wa hwènàmà ndi ema hwa òŋgama ndi hweyà na e ŋginyà ya Èlìŋgɛ̀ ya ama Lohwɛ̀, hwa ò gbeyà ndi hweyà ema hwe hvòmɛ̀nɛ̀yi na òma e mbenda e òhwi nanù ema hwa gbeye.

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

1 Kɔ̀rintìyà 15:22

Hwatò hwa arzɛ hwa ŋwa èhwanja hwa hwèlì ndi mòtò mɔ̀kɔ na Adàmu. Ŋgana hvɔ̀kɔ mɛnɛ nanù ndi Lohwɛ̀ a gbeyà hwatò hwa rze hwa hvùmùwà na oma hwa hwèlì mòtò mɔ̀kɔ na Krirztò.

2 Kɔ̀rintìyà 12:2

Nà hwi eyà ema e ma gbeeyɛnɛ mòtò wa Krirztò mɔ̀kɔ lìyomɛ la meya na menì me ma aka. Lohwɛ̀ à mà mo hvùma a mo ɛ̀ndɛ̀nɛ̀ o ŋmanyu yà lohwà lì karzami, na rza hwi ŋga à mà ɛ̀ndɛ ndi o èlìŋgɛ̀ ŋga o nyàmà ya nyo, Lohwɛ̀ mɛnɛ ndi à hwi mamɛ e ma gbèyɛ̀nɛ.

2 Kɔ̀rintìyà 5:17

O èŋgànɛ̀lɛ̀ rzɔ, tɔ̀ njɛnɛ ema a hwèlì mɔ̀kɔ na Krirztò a hwèlì ndi ewèkèlì hvènya. Hwègbèèlì hwe eni hwe arzɛ hwe koohwa hwe ma aka, ndèŋgànɛlɛ a hwɛni ndi hwègbèèlì hwe hvènya hwe arzɛ nàŋgɛ.

Gàletìyà 3:13

Ndi Krirztò à mà jò kɔ̀tɔ̀ ò mòjèmà ema è mbenda è jàni. È tìlahwì ò è kààtì yà Lohwà nanù ema, “Mojema mò hwèlì nà tɔ̀ ima mòtò ema à wòmàyɛ̀lɛ̀hwɛ̀ ò mbarza.” Ò eŋgànɛ̀lɛ̀ rzɔ nà oma hwa mà wòmeyà Yerzù ò mbarza, à mà hwanɛ mòjèmà ò nyòla wòhwe wò arzu.

Gàletìyà 3:26

Inyɔ hwa arzɛ è hwèlì ndi hwàanà hwa ama Lohwɛ̀ èhwanja è lòkɛ̀yì Yerzù Krirztò.

Gàletìyà 3:28

Ò eŋgànɛ̀lɛ̀ rzɔ, o rza enje lì akahwanɛ ò hwaŋga ema hwa hwèlì wònyà Yudà nà hwaŋga ema hwa rza enje wònyà Yudà, ò hwàkòmì nà ò hwaŋga ema hwa hwèlì wònja, ò wunyanà nà hwalanà. Inyɔ hwa arzɛ è hwèlì ndi mòtò mɔ̀kɔ èhwanja è lòkɛ̀ Yerzù Krirztò.

Gàletìyà 5:16

Mamɛ ema na ohwa e hwèlì ndi ema, inyɛ Èlìŋgɛ̀ ya ama Lohwɛ̀ e kànèyà mòŋgɛ ma anyu. Ène ye e gbeyà ema e rza gbeyà hweyà hwe wòhwe na oma e nyàmà nyo e arza.

Gàletìyà 5:25

Nà oma Èlìŋgɛ̀ ya ama Lohwɛ̀ e ma jo ŋgbɛ lòŋgɛ lìhvènya, inyɛ i hwɛmɛ eŋge Èlìŋgɛ̀ o lì jo kànèyà o lì gbeyà tɔ̀ mamɛ ema i hwɛni lì gbeyà.

Ɛ̀hvìrzìyà 1:1

Ìmba Pàwolò ndi nà e omelì inì itita ema nà ma hwɛ̀lɛ̀hwɛ̀ na lemeyà la ama Lohwɛ̀ o lì hwɛ àpɔ̀rzìtòlò ya ama Yerzù Krirztò. Ìmba na e tìleya inyɔ hwatò hwa ama Lohwɛ̀ ema hwa lìya o mbowà ya Ɛ̀hvɛ̀rzɔ̀rzì. È hwèlì ndi mòtò mɔ̀kɔ na Yerzù Krirztò ema e mo òŋgama hvɛ na ŋmèma mɔ̀kɔ.

Hvìlipìyà 3:9

ndèŋgànɛ̀lɛ̀ na hwɛ mòtò mɔ̀kɔ na mɔ̀. Rzeketɛ o lì ika imbenda ndi e gbèyi nanù ema na emàyɛ̀lɛ̀hwɛ̀ o worzo wo ama Lohwɛ̀. Ndi na emàyɛ̀lɛ̀hwɛ̀ o worzo wo ama Lohwɛ̀ ehwànja na lòkɛ̀ Krirztò. Ndeŋgànɛ̀lɛ̀ Lohwɛ̀ ndi à gbèyi nanù ema na emàyɛ̀lɛ̀hwɛ̀ o worzo wo eni ehwànja na lòkɛ̀ Krirztò.