Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ròmànì 7:7 - Mokpwe: Bakwery (New Testament)

7 Mamɛ rzɔ irzɔ i hwɛni ò lì òhwa nàŋgɛ e? Nànù òma jò òhwe ndi nanù ema è mbenda è hwèlì wòhwe e? Jàyɛ̀, i rza tànɛ ò lì òhwa nanù. È rzi hwɛ tɛ è mbenda, ò mà nà rza hwi mamɛ ema wòhwe wò hwèlì. È mbenda è rza òhwe tɛ nanù ema, mòtò à rzi hwɛnɛ nyɔ̀ŋgi nà yòma ya mòtò, òma nà rzi hwiye nanù ema ò lì hwɛnɛ nyɔ̀ŋgi yà lì òkeyà yòma yà mòtò, è hwèlì ndi eyà yà wòhwe.

အခန်းကိုကြည့်ပါ။ ကော်ပီ




Ròmànì 7:7
30 ပူးပေါင်းရင်းမြစ်များ  

Ndi nà è òhwèyà ema, tɔ̀ ima mòtò ema à ɔ̀ŋgɔ mòlanà nà màlùtèyà ema mɔ̀ à mò naŋgane, mɔ̀ à mà màa lì mò gbèyana mòrzònje ò ŋmèma mò eni.


Yerzù rzìi a hwa òhweyà hwa àrzɛ̀ nanù ema, “È aŋgòwè! È rzì ika mèèmà me anyu ò èrzàŋgò jɔ̀ɔjɔ̀ɔ èhwanja rzèkɛtɛ èrzàŋgò ya rzayì-rzayì ema mòtò a hwɛnì ndi e mò ŋgbà lòŋgɛ.”


Òŋgò mòtò à hwɛnì lì ɛ̀ndɛ̀ lì òŋwa hwaŋga hwàgbèèlì, rzìi a ŋgbà hwahvɛhvɛ hwagbèèlì èŋge wàŋgà.” È hvònda hwaŋga hwatò hwa mà hweye nanù, rzìi hwa òhwa nanù ema, “Ène tumba eyà ee rza tànɛyi lì gbèyɛnɛ.”


Nà rzi òhve tɔ̀ nyɔ̀ŋgi ò lì wòwàna tɔ mòtò tɔ mɔ̀kɔ e rzìlìhwà tɔ̀ e gòòlù ya eni tɔ lìwɔti.


Imbenda i hwèlì ndi nanù ema, “Ò rzi gbeyà mòrzònje ò ndawò ya lìhwa. Ò rzi òŋwa mòtò. Ò rzi ihwa, ò rzi òkeyà mamɛ ema è hwèlì è yà ama òhvɛhvɛ mòtò.” Ini mbenda nà inɛyi mbenda ja arzɛ ndi i làti ò lì hwɛ mbenda hvɔ̀kɔ. Èŋge mbenda è hwèlì ndi nanù ema, “O lìŋgàne ŋmanyàŋgò wà aŋgɔ̀ nà òma ò alìŋgànɛ̀yi ò wà hwìti.”


O èŋgànɛ̀lɛ̀ rzɔ ò rza enje tɔ̀ mòtò tɔ̀ mɔ̀kɔ ema a tɛ̀mɛ̀ ehve-ehve ò wòrzò wò ama Lohwɛ̀ èhwanja, a gbeyà mamɛ ema e mbenda e òhwa. È mbenda e hwèlì ndi ò lì uŋmɛ̀lɛ̀ hwatò nanù ema hwà mà gbeyà wòhwe.


Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)


Mamɛ rzɔ i tànɛyi lì òhwa lì hvòmɛ̀nɛ̀ e mbamba ya arzu Abràhamù e? Mamɛ e ma gbèyɛ̀nɛ ò e hvònda ya eni e?


Èya ema e mbenda è gbeyà e hwèlì ndi ò lì jàneyà hwatò hwètàtò hwe ama Lohwɛ̀. Ndi ò rzà ènje tɛ mbenda, ò rzà enje lì unda la mbenda.


Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.


Mamɛ rzɔ irzɔ i hwɛni ò lì òhwa naŋgɛ e? Nà òma i hwèlì ò rze yà è ndèli ya ama Lohwɛ̀, e hwèlì ndi nanù ema je ɛ̀ndɛ̀nɛ̀ ndi lì gbeyà la wòhwe ò wòrzò èhwanja irzɔ i rza enje ò rze ya e mbenda hvɛ e? Jàyɛ̀ rzeketɛ nanù.


Wòhwe wò mà luwa e njiya ya eni ema e akeyà ò mburza e mbenda, wò ma nò ɔnjɔ rzìi na gbeyà wòhwe. O èŋgànɛ̀lɛ̀ rzɔ wòhwe ndi wò nò òŋwi.


Èŋge e uŋmɛ̀lɛ̀ rzɔ ndi nanù ema màmɛ ema e hwèlì gbamù e ma nò jàneyà ndi e kpelì e? Jàyɛ̀ rzeketɛ nanù. Rzeketɛ e mbenda ndi e nò janelì e kpelì, e hwèlì ndi ema wòhwe ndi wò akelì ò mburza ya e mbenda ema e lɔ̀wu, ò lì nò jàneyà e kpelì. Ène eyà e ma gbèyɛ̀nɛ ndi nanù aŋga nanù hwatò hwa ɛnɛ na òma wòhwe wò hwèlì. O èŋgànɛ̀lɛ̀ rzɔ e mbenda ya ama Lohwɛ̀ e ma gbeyà wòhwe wò ma uŋmɛ̀lɛ̀ e ŋginyà ya eni rzayi-rzayi.


Èhwanja e hvònda ema ɛ̀ɛ̀mɛ̀ ya arzu ya e mòtò wa hwènàmà e ma hwɛ lì jò kànèyà, e mbenda e ma hwɛ lì jò kɔ̀mɛ̀lɛ̀ ò màkèkìrzɛ̀nɛ̀ ma hweyàrzèlì hwe e nyàmà nyò. Ène e ma hwɛ ò lì jò gbeyà nanù ema i gbeye hweyà hwe wòhwe ema hwe jànà e kpelì.


Ndi eŋge mbenda è mà hwèmìrzɛ̀ màlùtèyà mà ami mà wòhwe, rzìi è nò gbeyà ema nà wòteyà lì hwɛnɛ è nyɔ̀ŋgi yà nyàyi nà nyàyi jà hwema hwe hwatò. Ò rza enje tɛ tɔ̀ mbenda, nanù òma wòhwe wò rza enje tɔ̀.


Wòhwe ndi wo gbèyi ndeŋgatɛ e kpelì e ohvi ŋginyà o lì rzɔrzɛlɛ mòtò na mòrziyò, ndèŋgàna e ŋginyà ya wòhwe e uwɛ̀lɛ̀lɛ̀yi ndi o mbenda.


Nà oma e hwèlì ndi hwatò hwa ama Lohwɛ̀ o rza lɔ̀wu nanù ema e gbeye mòrzònje, tɔ̀ inyɔ o lì gbeyà hweyà hwe mbindo tɔ̀ lì hwɛ wɔ̀ɔ̀. Ini nyayi ja hweyà i rza lɔ̀wu lì hwɛ̀ɛnɛ o ìtììtènì ja anyu.


O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.


Inyɛ̀ inyo ja anyu i rzi hwɛnɛ ilema ja rzayi-rzayi o hweyàrzèlì hwe ŋgundu hwe e nyàma nyo nàa hwatò ema hwa rza hwiyɛ Lohwɛ̀ hwa hwɛni.


Ì hwi nanù ema è mbenda è rza è gbeyà ema eyà è hwɛ nà oma è àŋgàmɛ̀nɛ̀yi lì hwɛ. Jò ɔ̀ŋgɔ tɛ ò ɛnɛyi ehvàrzu, eyà yà gbamù è mà jà ema è jò gbèyi jò ohvi màhvìta. Ndeŋgànɛ̀lɛ̀ yɔ̀ ndi è mà jò jànà ò lì kombɛ̀nɛ̀ Lohwɛ̀.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ