Ròmànì 7:7 - Mokpwe: Bakwery (New Testament)7 Mamɛ rzɔ irzɔ i hwɛni ò lì òhwa nàŋgɛ e? Nànù òma jò òhwe ndi nanù ema è mbenda è hwèlì wòhwe e? Jàyɛ̀, i rza tànɛ ò lì òhwa nanù. È rzi hwɛ tɛ è mbenda, ò mà nà rza hwi mamɛ ema wòhwe wò hwèlì. È mbenda è rza òhwe tɛ nanù ema, mòtò à rzi hwɛnɛ nyɔ̀ŋgi nà yòma ya mòtò, òma nà rzi hwiye nanù ema ò lì hwɛnɛ nyɔ̀ŋgi yà lì òkeyà yòma yà mòtò, è hwèlì ndi eyà yà wòhwe. အခန်းကိုကြည့်ပါ။ |
Imbenda i hwèlì ndi nanù ema, “Ò rzi gbeyà mòrzònje ò ndawò ya lìhwa. Ò rzi òŋwa mòtò. Ò rzi ihwa, ò rzi òkeyà mamɛ ema è hwèlì è yà ama òhvɛhvɛ mòtò.” Ini mbenda nà inɛyi mbenda ja arzɛ ndi i làti ò lì hwɛ mbenda hvɔ̀kɔ. Èŋge mbenda è hwèlì ndi nanù ema, “O lìŋgàne ŋmanyàŋgò wà aŋgɔ̀ nà òma ò alìŋgànɛ̀yi ò wà hwìti.”
Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)
Èŋge e uŋmɛ̀lɛ̀ rzɔ ndi nanù ema màmɛ ema e hwèlì gbamù e ma nò jàneyà ndi e kpelì e? Jàyɛ̀ rzeketɛ nanù. Rzeketɛ e mbenda ndi e nò janelì e kpelì, e hwèlì ndi ema wòhwe ndi wò akelì ò mburza ya e mbenda ema e lɔ̀wu, ò lì nò jàneyà e kpelì. Ène eyà e ma gbèyɛ̀nɛ ndi nanù aŋga nanù hwatò hwa ɛnɛ na òma wòhwe wò hwèlì. O èŋgànɛ̀lɛ̀ rzɔ e mbenda ya ama Lohwɛ̀ e ma gbeyà wòhwe wò ma uŋmɛ̀lɛ̀ e ŋginyà ya eni rzayi-rzayi.
O eŋgànɛ̀lɛ̀ rzɔ, è àŋgàmɛ̀nɛ̀yi lì ulɛ ò mèèmà mè anyu hwèèmà hwe arzɛ hwe è nyo yà è mòtò wà hwènàmà. È ulɛ̀ ò mèèmà mè anyu hwèmà nàa mòrzònje mò lìhwa, hwèèmà hwe mbindo, ìlema jà hweyà hwe è nyo yà è mòtò wà hwènàmà, ò lì hwɛnɛ màlùtèyà mà wòhwe nà è njɔ̀ŋgu. È hwèlì tɛ njɔ̀ŋgu è gbèyi ndi nàa è kanɛ̀ ndi lì hvɛhvɛ lohwà.