Ròmànì 6:2 - Mokpwe: Bakwery (New Testament)

² Jàyɛ̀ rzeketɛ nanù. Ì ma màa lì ŋwa ò èŋgànɛ̀lɛ̀ rzɔ i rza hwɛni hvɛ tɔ̀ eyà ò lì gbeyàna wòhwe hvɛ. Mamɛ ndeŋgatɛ je eleyà ò lì gbeyà wòhwe e?

Ròmànì 6:2 ပူးပေါင်းရင်းမြစ်များ

Lukàrzɛ̀ 20:16

Òŋgò mòtò à hwɛnì lì ɛ̀ndɛ̀ lì òŋwa hwaŋga hwàgbèèlì, rzìi a ŋgbà hwahvɛhvɛ hwagbèèlì èŋge wàŋgà.” È hvònda hwaŋga hwatò hwa mà hweye nanù, rzìi hwa òhwa nanù ema, “Ène tumba eyà ee rza tànɛyi lì gbèyɛnɛ.”

Ròmànì 5:11

Ndi rzeke hvɛ tɔ̀ nanù mɛnɛ, ndi jò òki mɔ̀nyɛ̀ŋgì èhwanja Lohwɛ̀ à mà jò gbèeyà ema i hwɛ hwatò hwa eni, ò lì akeyà nà e Rzàŋgò ya arzu Yerzù Krirztò, mɔ̀ ema a jò gbèyi ò lì ukɛnɛ màrzèèlì na Lohwɛ̀.

Ròmànì 6:15

Mamɛ rzɔ irzɔ i hwɛni ò lì òhwa naŋgɛ e? Nà òma i hwèlì ò rze yà è ndèli ya ama Lohwɛ̀, e hwèlì ndi nanù ema je ɛ̀ndɛ̀nɛ̀ ndi lì gbeyà la wòhwe ò wòrzò èhwanja irzɔ i rza enje ò rze ya e mbenda hvɛ e? Jàyɛ̀ rzeketɛ nanù.

Ròmànì 7:4

Wònyamòwè kòkò, nanù ndi e hwèlì na inyɔ. È mbenda e rza ò kànèyà hvɛ èhwanja na òma Yerzù à mà ŋwe inyɔ hvɛ e ma ŋwa. O nàŋgɛ nanù, e hwèlì ndi hwatò hwa òhvɛhvɛ mòtò, Yerzù ema Lohwɛ̀ a hvùmùlɛ̀yi aŋga nanù i gbèeyà Lohwɛ̀ gbamù.

Ròmànì 7:6

O nàŋgɛ nanù, irzɔ i ma anjiya ò tenì ya eŋge mbenda, èhwanja i ma ŋwa. O èŋgànɛ̀lɛ̀ rzɔ e mbenda ema e ma hwɛ lì jò kànèyà nàa hwàkòmì e rza jò kànèyà hvɛ. Ène e ma jò gbeyà ema ò nàŋgɛ nanù i nɔŋgɔ ndi e njiya hvènya mɛnɛ ò lì gbèeyà Lohwɛ̀. I mò gbèeyà ndi na òma èlìŋgɛ̀ ya ama Lohwɛ̀ e jò òhweyà rzeketɛ ò lì nɔŋgɔ e mbòlòwa mbenda ema e tìlahwì.

Gàletìyà 2:19

È hwèlì tɛ ndi o lì nɔ̀ŋgɔ e mbenda mɛnɛ nanù oma nà mà ŋwa. Nànù oma e mbenda yɔ yiti yɔ ndi e no òŋwi. Ndi Yerzù Krirztò à mà no ulɛ o tenì ya e mbenda aŋga nanù na tanɛ lì gbèeyà Lohwɛ̀.

Gàletìyà 6:14

Ndi o imba na o ayèkirzɛ̀ ndi, lì ayèkirzɛ̀ la ami lì hwèlì ndi e kpelì ema e Rzàŋgo ya arzu Yerzù Krirztò e ŋwɛlɛlɛ o mbàrza o nyòla arzu. È kpelì ya eni e ma no gbeyà ema hweyà hwe ene rze hwe rza enje tɔ̀ eyà o mirzɔ̀ ma ami. Ndeŋgànɛ̀lɛ̀ na rza ohvi tɔ̀ eyà o lì gbeyàna ene rze.

Kòlòrzìyà 2:20

È hwèlì ndi nàŋgɛ nanù, na oma Krirztò a ŋwelì inyɔ hvɛ e ŋwelì na mɔ̀. O eŋgànɛ̀lɛ̀ rzɔ, inyɔ e rza enje o rze ya e mbenda ya e rze ya mɔ̀nyɛ̀ hvɛ. Mamɛ rzɔ ndeŋgàtɛ inyɔ e hwèlì e oŋgama ndi iŋgi mbenda hvɛ o a ɛnɛ o ma e rze e hwèlì ye e kànèyà nanù mɛnɛ e?

Kòlòrzìyà 3:3

Inyɔ è hwiye nanù ema nà oma Krirztò à ŋwelì è gbèyi ndi nàa inyɔ hvɛ è mà ŋwa.

1 Pètrò 1:14

Nà oma e hwèlì ndi hwatò ema hwa gbeyà mamɛ ema Lohwɛ̀ arza, e rzi keka lì emeyà nanù ema hweyà hwe wòhwe ema e ma hwɛ lì gbeyà o e hvonda ema e ma aka hwe e kànèyà mòŋgɛ ma anyu hvɛ.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

1 Yòwanìrzɛ̀ 3:9

Tɔ̀ mɔ̀kɔ hwa hwaŋga ema à hwèlì è ŋmanà wà ama Lohwɛ̀ à rza tànɛ lì lìmeyà ò lì gbeyà wòhwe. Èhwànja hwèhwɛ̀ɛ̀lì hwe ama Lohwɛ̀ hwe hwèlì ò tenì yà awu. Hwa rza tanɛ lì lìmeyà ò lì gbeyà wòhwe hvɛ ehwànja Lohwɛ̀ à hwèlì ndi Tatɛ̀ wà awu.