Ròmànì 5:8 - Mokpwe: Bakwery (New Testament)

⁸ Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

Ròmànì 5:8 ပူးပေါင်းရင်းမြစ်များ

Yòwanìrzɛ̀ 15:13

Mòtò a ŋwelɛlɛ tɛ imbunda i eni nanù òma a uŋmɛ̀lɛ̀yi ndìŋgɛ ema e karzami rzayi-rzayi.

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Ròmànì 3:5

Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)

Ròmànì 4:25

O nyòla wòhwe wò arzu ɔ̀ndeŋgàtɛ̀ Lohwɛ̀ à mà ŋgba Krirztò ema a jò ŋwèeyà. A ma hvùmùlɛhwɛ ò kpelì, aŋga nanù a jò tɛmìrzɛ ehve-ehve na Lohwɛ̀.

Ròmànì 5:20

Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.

Ròmànì 5:6

Ò è hvònda ema i rzi hwɛnɛ ŋginyà ò lì àwòŋgòwànɛ̀ irzɔ hwiti, Krirztò à mà jò ŋwèeyà irzɔ hwatò hwa wòhwe ò e hvònda ema Lohwɛ̀ à mà tɛ̀yirzɛ.

Ròmànì 5:7

O ambi ò lì ɛnɛ mòtò ema a emeyà ò lì ŋwèeyà mòtò wa ehve-ehve. O tànɛyi lì hwɛ hvɛ nanù ema ò hvɛhvɛ mòtò a tànɛyi lì emeyà ò lì ŋwèeyà ò hvɛhvɛ mòtò wa gbamù.

Ròmànì 8:32

Jàyɛ̀, na òma Lohwɛ̀ a rzi utɛ tɔ̀ Ŋmanà wa eni. A ma mò wòwa rzìi a mò ŋgbà ema a jò ŋwèeyà. Èŋge ŋgàna e hwèlì ndi nanù ema mɔ̀ à rza ò jò ŋgba hvɛ tɔ̀ mamɛ ema i mò ijòwi e?

Ròmànì 8:39

Ŋga iŋginyà ja ŋmanyu, ŋga è jà è rze yà mɔ̀nyɛ̀, ò rza enje tɔ̀ eyà ò ìtììtènì yà ewèkelì è arzɛ ema è tànɛyi lì wùùlɛ̀ è ndìŋgɛ ema Lohwɛ̀ à jò hwɛ̀nèlì lì akeyà nà Yerzù Krirztò, è Rzàŋgò ya arzu.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Ɛ̀hvìrzìyà 2:7

Lohwɛ̀ à mà jo gbèeyà ene eyà ya gbamù, o lì jo uŋmɛ̀lɛ̀ ŋmèma mo eni mo gbamù lì akeyà nà Yerzù Krirztò. Aŋga nanù o hvonda ema e o jɛ̀ɛ̀, hwatò wo ɛnɛ nɛ e ndèli ya eni ya ehwàŋgì e àkàyi hweyà hwe arzɛ.

Ɛ̀hvìrzìyà 5:2

Inyɔ e lìŋgàne hwahvɛhvɛ hwatò, ŋgànà hvɔ̀kɔ nàa oma Krirztò a me e lìŋgàne rzìi a jo ŋwèeyà. A ma aŋgbɛ̀ɛ mɔ̀ ŋmìti o ma Lohwɛ̀ nàa làhweyà na jàhwèyà ema i ma lìŋgìrzɛ Lohwɛ̀ rzayi-rzayi.

1 Tìmotì 1:16

Ndi Lohwɛ̀ à mà nò òkeya ììlì ò lì arza nanù ema, Yerzù Krirztò à ò nò uŋmɛ̀lɛ̀ lì àjùùlɛ̀ là eni là arzɛ ò lì nò làkìrzɛ̀ imba ema nà ohvi wòhwe ema wò koki lì aka wòhwe wò hwànɛ̀yì hwatò. Ène eyà, è mà hwɛ ndi nanù ò lì ŋgba ɛ̀mɛ̀nɛ̀nì ò hwatò ema hwa ò mò lòkɛ̀ nà lì lùwa lòŋgɛ là gbìndèyà.

Hibrù 8:3

Tɔ̀ ima Pìlìrzì e Kàrzàmi e hvɔ̀rzɔ̀hwì o lì ŋgbà jàhwèyà, na màhwèyà ma hwèembè oma Lohwɛ̀. O èŋgànɛ̀lɛ̀ rzɔ, e Pìlìrzì e Kàrzàmi e hweni lì ohva yòma o lì ŋgbà nàa e la eni làhweyà o ma Lohwɛ̀.

1 Pètrò 3:18

Nà ohwi ene eyà nanù ehwànja Krirztò mɔ̀ hvɛ à mà taka na lì ŋwa o nyòla wòhwe wo arzu o ŋgèlì hvɔ̀kɔ o iŋgèlì ja arzɛ. A ma hwɛ ndi mòtò ema à mà hwɛ lì gbeyà hweyà ema Lohwɛ̀ a arza, ndi à mà ŋwa o nyòla hwatò hwa wòhwe. A ma gbeyà ndi nanù aŋga nanù irzɔ i uka o ma Lohwɛ̀. Hwàto hwà mà mo òŋwa ndi e nyàma nyo ya eni ya e mòtò wa hwènàmà ndi e ma ŋwa. Lohwɛ̀ à mà gbeyà èlìŋgɛ̀ ya eni o lì hwɛ lòŋgɛ.

1 Yòwanìrzɛ̀ 3:16

Nànù ndì ì hwìiyà mamɛ è ndìŋgɛ è hwèlì, è hwèlì ndi nanù ema Yerzù Krirztò mɔ̀ à mà ŋgba lòŋgɛ la eni o nyòla arzu. O èŋgànɛ̀lɛ̀ irzɔ hvɛ ja àŋgàmɛ̀nɛ̀yi lì ŋgba mòŋgɛ ma arzu o nyòla ya wònyànyàŋgo hwa arzu hwa Krirztò.