Ròmànì 5:6 - Mokpwe: Bakwery (New Testament)6 Ò è hvònda ema i rzi hwɛnɛ ŋginyà ò lì àwòŋgòwànɛ̀ irzɔ hwiti, Krirztò à mà jò ŋwèeyà irzɔ hwatò hwa wòhwe ò e hvònda ema Lohwɛ̀ à mà tɛ̀yirzɛ. အခန်းကိုကြည့်ပါ။ |
Ròmànì 5:6
30 ပူးပေါင်းရင်းမြစ်များ
Ò mòlòmɛ̀ inyɔ è mà hwɛ ndi nàa ò à ɛnɛ ema è mà ŋwa, ehwànja è mà hwɛ lì unda è mbenda yà ama Lohwɛ̀. Ndèŋgàna ò eŋge hvonda, ema Krirztò à è ulɛ̀ ɛ̀ɛ̀mɛ̀ ya anyu yà wòhwe ò nyo. Ndi ò nàŋgɛ Lohwɛ̀ à mà è ŋgba lòŋgɛ lì hvènya nàa oma à mà jò hvùmùlɛ̀ nà Krirztò. À mà jò làkìrzɛ wòhwe wò arzu wò arzɛ.
O nyòla ene ndèli, Lohwɛ̀ à mà jo òkolɛ o lì rzɔ̀njɛlɛ hweyà ema a rza arza nanù ema i gbeye, ndèŋgànɛ̀lɛ̀ o lì hwɛmɛ e nyɔ̀ŋgì ya lì gbeyà mamɛ ema hwatò hwa è rze yà mɔ̀nyɛ̀ ema hwa rza hwiyɛ Lohwɛ̀ hwa gbeyà. O lì okolɛ o lì gbeyà hweyà nàa hwatò ema hwa hwi nɛ hwa gbeyà hweyà, o lì gbeyà hweyà ema hwe hvomɛ̀nɛ̀, na o lì gbeyà hweyà ema Lohwɛ̀ a arza nanù ema i gbeye anu rze ya mɔ̀nyɛ̀.
Ndi mòtò à rza gbèyi tɛ èwòlò ndi à ika ŋmèma mò eni nanù ema nà òma mɔ̀ à lòkɛ̀ Lohwɛ̀ eŋge è mò gbeyà ema à tɛ̀mɛ̀ ehve-ehve ò wòrzò wò ama Lohwɛ̀, rzìi Lohwɛ̀ ema à gbeyà hwatò ema hwa gbeyà wòhwe hwa tɛ̀mɛ̀ ehve-ehve ò wòrzò wò eni, mɔ̀ à mò wòwa nàa mòtò ema à tɛmì ehve-ehve èhwanja à mò lòkɛ̀yi.
Èma hwɛ tɛ nanù, o ma Krirztò à mà àŋgàmɛ̀nɛ̀yi lì taka hvɛ o rzayi-rzayi ja ŋgelì lì wòteya ewèkelì ya e rze ya mɔ̀nyɛ̀. Ndi e rzi hwɛ nanù, Krirztò mɔ̀ à mà jà ndi o ŋgelì hvɔ̀kɔ o iŋgèlì ja arzɛ nàŋgɛ ema e rze ya mɔ̀nyɛ̀ e a kombɛnɛ lìrzukù. Mɔ̀ à mà aŋgbɛ e nyo ya eni nàa jàhwèyà o lì ulɛ wòhwe wo tɔ̀ ima mòtò.
Lohwɛ̀ a rza gbèelì ndi e mbenda o hwaŋga hwatò ema hwa tɛmi ehve-ehve. Lohwɛ̀ mɔ̀ à ika ndi e mbenda o hwaŋga hwatò ema hwa rza hweyàna e mbenda, na o hwatò ema hwa rza gbeyà mamɛ ema mɔ̀ à arza. È mbenda ya ama Lohwɛ̀, e hwèlì ndi o hwaŋga hwatò ema hwa rza ohve Èlìŋgɛ̀ ya Lohwà na o hwaŋga hwatò ema hwa gbèeyà wòhwe. È mbenda ya ama Lohwɛ̀ e hwèlì ndi o hwaŋga hwatò ema hwa rza oka Lohwɛ̀ wɔ̀ŋgɔ̀ na o hwatò hvɛ ema hwa ohwa hweyà hwe wòhwe lì teŋgɛ̀nɛ Lohwɛ̀. Lohwɛ̀ à mà gbeyà e mbenda o hwaŋga hwatò ema hwa oŋwa i tatɛ̀ na i nyàŋgo ja awu, na o hwaŋga hvɛ ema hwa oŋwa hwahvɛhvɛ hwatò.
Nà ohwa ndi nanù èhwanja lòŋgò là hwatò ema hwa rza hwɛnɛ ɛ̀ɛ̀mɛ̀ yà ama hwatò hwa ama Lohwɛ̀, hwa mà kpèeyà ò ìtììtènì jà anyu ò jùtùtà. Hwaŋga hwatò hwa ohwa nanù ema, è ndèli ema Lohwɛ̀ à mà jò ŋgbɛ, ndèŋganɛlɛ nà oma à mà jò làkìrzɛ̀ wòhwe wò arzu, è mà jò ŋgbàà è wònjà ò lì gbeyà hweyà hwe mbindo. Lohwɛ̀ mɔ̀ à mà màa lì tɛ̀yirzɛ̀ è kɔ̀kìrzɛ̀ ema hwaŋga hwatò hwa ò lùwɛ natɛ̀ɛ nà è kòhwàa. Hwàŋga hwatò hwa rza emelì Yerzù Krirztò na oma è hwèlì nanù ema Yerzù mɛnɛ ndi à hwèlì è Rzàŋgo yà arzu nà è mòkànèlì wà arzu.
Mɔ̀ à ò kàyìrzɛ hwatò hwa arzɛ hwa è rze yà mɔ̀nyɛ̀. Hwàto hwa arzɛ ema ɛ̀ɛ̀mɛ̀ yà awu è rza enje nàa ɛ̀ɛ̀mɛ̀ yà hwatò hwa Lohwà mɔ̀ à hwa tùùlɛ̀ ŋmàŋgo, ndèŋgànɛlɛ à ò kɔ̀kìrzɛ̀ hwatò hwa wòhwe ema hwa rza oka Lohwɛ̀ wɔ̀ŋgɔ̀. À ò hwa kɔ̀kìrzɛ̀ ò nyòla hweyà hwe wòhwe ema wɔ̀ hwa ohwa ò lì mò tèŋgɛ̀nɛ̀.”
Èŋge mbɔrzi mɛnɛ ema Lohwɛ̀ à mà gbeyàne o lì wèka e ŋmanyu yà lohwà na e rze, ɔndi mɔ̀ à gbeyànì o lì kombɛ e ŋmanyu yà lohwà na e rze aŋga nanù a hwe rzɛlɛnɛ mùnya. A hwèlì a ambɛlɛlɛ e ŋmanyu yà lohwà na e rze na hwèkàyìrzèlèlì. Woŋgo wùnyà ɔndi mɔ̀ à o hvàŋgɛ hwatò ema hwa rza ohvi ɛ̀ɛ̀mɛ̀ ya hwatò hwa Lohwɛ̀.
Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.
ကြော်ငြာတွေ