Ròmànì 5:3 - Mokpwe: Bakwery (New Testament)

³ Jò òki mɔ̀nyɛ̀ŋgì hvɛ ò nyòla mètàkà ema i luwa, ndèŋgànɛlɛ i hwi nanù ema mòtàkà ndi me jànà lì àjùlɛ̀.

Ròmànì 5:3 ပူးပေါင်းရင်းမြစ်များ

Lukàrzɛ̀ 21:19

È kakè mèèmà me anyu aŋga nanù e arzùŋgɛ̀ inyɔ hwìti.”

Hwègbèèlì 5:41

Nà òma iŋgi àpɔ̀rzìtòlò ima wurze ò wòŋgò wòlìya, hwà mà hwɛ ò mɔ̀nyɛ̀ŋgì èhwanja, Lohwɛ̀ à mà hwa wòwa nàa hwatò ema hwa kanɛ̀yi ò lì lùwa erzambò ò nyòla lìinà la ama Yerzù.

Ròmànì 5:11

Ndi rzeke hvɛ tɔ̀ nanù mɛnɛ, ndi jò òki mɔ̀nyɛ̀ŋgì èhwanja Lohwɛ̀ à mà jò gbèeyà ema i hwɛ hwatò hwa eni, ò lì akeyà nà e Rzàŋgò ya arzu Yerzù Krirztò, mɔ̀ ema a jò gbèyi ò lì ukɛnɛ màrzèèlì na Lohwɛ̀.

Ròmànì 8:23

Rzeketɛ ewèkèlì yiti mɛnɛ ndi e ɔnyɔ. Irzɔ hvɛ ema jò òhvi Èlìŋgɛ̀ ema Lohwɛ̀ à mà lòma lì jò ŋgba nàa jàhwèyà ja wòrzò, irzɔ hvɛ i hwèlì jò ɔnyɔ ò mèèmà me arzu. I ma ika mèèmà me arzu me arzɛ ò lì ambɛ̀lɛ̀ eŋge hvònda ema Lohwɛ̀ a ò jò gbèèyɛ̀ hwàanà hwa eni, ò lì jò rzòlòwà inyò ja arzu ja arzɛ ò ŋgɔkɔhwi rzi a jò ŋgba nyò hvènya.

Ròmànì 9:10

Ndèŋgàna rzeketɛ ya arzɛ ene. Èhwanja hwàanà hwa wunyanà hwa ahwakɛ hwa ama Lìbɛ̀kà hwà mà hwɛnɛ ndi rzàŋgò hvɔ̀kɔ. Èŋge rzàŋgò e ma hwɛ ndi e mbamba ya arzu Irzàkì.

2 Kɔ̀rintìyà 4:17

Hwanu hwàna hwa mètàkà rzɔ ema i taka nàŋgɛ, rzeketɛ e meyɔ ema i tàkìrzɛ̀ mèèmà o lùuŋga. I taka o nàŋgɛ, ndi èluhwe ema e o hwɛ na irzɔ e o koka nyàyi ema i rza o ɔ̀ŋgɛ̀lɛ tɔ̀ mene mètàkà ema i luwa nàŋgɛ anu rze. Ndèŋgànà ene èluhwe e o hwɛ na irzɔ o gbìndèyà.

2 Kɔ̀rintìyà 8:19

O mburzà nanù hvɛ mɔ̀ à hvɔ̀rzɔ̀hwì na ŋmèmba mo mitelì o lì jo nɔ̀ŋgɔ, o lì hwɛ ŋmèmba na irzɔ o lì gbeyà èwòlò ya lì òŋgòwàna la hwatò. O lì arza nanù ema èluhwe ya ama e Rzàŋgo e ɛneya. Àŋga nanù o ma irzɔ hvɛ ima awuŋmɛ̀lɛ̀ nanù ema i hwɛnì nyìrzɛ̀ o lì hwa òŋgòwàna.

Ɛ̀hvìrzìyà 3:13

Ò èŋgànɛ̀lɛ̀ rzɔ nà è àtɛ̀kɛ̀ ema, è rzi tùùhweyà ŋmèma èhwanja mètàkà ema nà lùwa inyɔ ndeŋgatɛ nà mè lùwa. Imba nà hwèlì ndi ò lì è tàkeyà. Moŋgo mòtakà mɔ̀ ndi mò è jàneyà mɔ̀rzɛ̀ŋgi.

Hvìlipìyà 1:29

Lohwɛ̀ a gbeyànì ŋmèma mo eni mo gbamù nanù ema inyɔ e gbèeyà Krirztò, rzeketɛ o lì lòkɛ̀ Krirztò mɛnɛ, ndi o lì tàkirzɛhwɛ o nyòla ama Krirztò.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Pètrò 3:14

Ndi tɔ̀ e hwɛ ndi nanù ema inyɔ e tàki tɛ ehwànja e gbèyi mamɛ ema e hvomɛ̀nɛ̀, nanù oma Lohwɛ̀ a e nàmìrzɛ̀. È rzi oka tɔ̀ mòtò wɔ̀ŋgɔ̀ ndèŋgànɛ̀lɛ̀ e rzi aahwɛ.