Ròmànì 4:2 - Mokpwe: Bakwery (New Testament)

² A ma ikahwa tɛ ehve-ehve na Lohwɛ̀ ò hweyà ema à mà gbeye, ò ma a òhvi yòma ema ayèkirzɛ ndi rzeketɛ ò wòrzò wò ama Lohwɛ̀.

Ròmànì 4:2 ပူးပေါင်းရင်းမြစ်များ

Ròmànì 15:17

O hwehwɛ̀ɛlì hwe ami na Yerzù Krirztò, na tanɛyi lì kumba e ŋgeŋge ya ami na kumba ò nyòla èwòlò ema na gbèeya Lohwɛ̀.

1 Kɔ̀rintìyà 1:29

Ène eyà è mà gbèyɛ̀nɛ̀ ndi nanù ema tɔ̀ mòto tɔ̀ mɔ̀kɔ a rza ayèkirzɛ ò worzò wò ama Lohwɛ̀.

1 Kɔ̀rintìyà 1:31

Ò èŋgànɛ̀lɛ̀ rzɔ, nà oma è tìlàhwì ò è kààtì yà Lohwà nanù ema, “Tɔ̀ njɛnɛ ema à kùmbi lìya là eni ò kòkò, à aŋgàmɛ̀nɛ̀yi ndi ò lì li kumba ndi ò hweyà ema è Rzàŋgo à mò gbèèlì.”

1 Kɔ̀rintìyà 4:7

Njɛnɛ mɔ̀ à ò kàrzàmìrzɛ̀hwɛ̀ lì aka hwanɛ̀ hwatò e? Mamɛ ema ò wà ò òhvi ema Lohwɛ̀ à rza ò ŋgbèlɛ ndi lì ŋgba e? Rzeke Lohwɛ̀ Mɔ̀ ndi à è ŋgbelì hwema hwe arzɛ ema e hwɛnì e?

1 Kɔ̀rintìyà 9:16

Ndi tɔ̀ nanù, o lì ohwa Ŋmɛ̀ndì mò Gbamù mo òma Lohwɛ̀, mo rza enje ndi eyà ema na hwɛnì lì ayèkìrzɛ̀lɛ̀lɛ̀. Nà kɔ̀mɛ̀lɛ̀hwɛyi ndi na Lohwɛ̀ o lì ohwa Ŋmɛ̀ndì mò Gbamù mo ama Lohwɛ̀. È hwèlì ndi èwoma na imba e hwèlì tɛ ema imba na rza ohwi mono Ŋmɛ̀ndì mò Gbamù mo ama Lohwɛ̀!

2 Kɔ̀rintìyà 11:12

Ène eyà ema na gbeyà nàŋgɛ nanù, na hwɛnì ndi lì e gbeyà nanù mɛnɛ aŋga nanù na rza ŋgba i àpɔ̀rzìtòlò ja mòlàŋgà ehvolo ema hwa kùmbe i kòkò ja awu nanù ema hwa gbeyà ndi molemilemi mo èwòlò ema irzɔhvɛ i gbeyà.

2 Kɔ̀rintìyà 11:30

Nà hwɛnì tɛ lì kùmba lìya la ami o kòkò, hweyà ema hwe gbeyà na kùmbana lìya la ami o kòkò hwe hwèlì ndi hweyà ema hwe gbèeyà hwatò hwa no ɛnɛ ndi nàa mòtò ema a hwèlì rziŋga.

2 Kɔ̀rintìyà 5:12

Irzɔ i rza àwòhwànɛ̀lɛ̀ o lì hvomɛ̀nɛ̀ hweyà hwe gbamù hvɛ. Ndi irzɔ ja arza nanù ema e ohve lìtiŋga o lì jo gbaana e kumba, aŋga nanù e hwɛnɛ eyà ya lì ohweyà hwatò ema hwa hwɛni kumba o mamɛ ema hwa gbeyà ema hwatò hwa ɛnɛ, rzeketɛ o hweyà ema hwe hwèlì o mèèmà me awu.

Gàletìyà 3:22

Ndi Eyà yà Lohwà è ohwa ndi nanù ema è rze yà arzɛ è hwèlì ndi ò rze yà ŋginyà yà wòhwe, ò eŋgànɛ̀lɛ̀ rzɔ, jàhwèyà ema Lohwɛ̀ à mà ohwe nanù ema à ŋgba, à mà ji ŋgba hwatò ema hwa lòkɛ̀yì Yerzù Krirztò.

Ɛ̀hvìrzìyà 2:9

Lohwɛ̀ a rza jo rzuŋgi ndi o nyòla hwèwòlò hwe gbamù ema i gbèeyà, o èŋgànɛ̀lɛ̀ o rza enje tɔ̀ lìtiŋga o tɔ̀ ima mòtò o lì ayèkirzɛ.

Hvìlipìyà 3:9

ndèŋgànɛ̀lɛ̀ na hwɛ mòtò mɔ̀kɔ na mɔ̀. Rzeketɛ o lì ika imbenda ndi e gbèyi nanù ema na emàyɛ̀lɛ̀hwɛ̀ o worzo wo ama Lohwɛ̀. Ndi na emàyɛ̀lɛ̀hwɛ̀ o worzo wo ama Lohwɛ̀ ehwànja na lòkɛ̀ Krirztò. Ndeŋgànɛ̀lɛ̀ Lohwɛ̀ ndi à gbèyi nanù ema na emàyɛ̀lɛ̀hwɛ̀ o worzo wo eni ehwànja na lòkɛ̀ Krirztò.